मंगलवार ७ जेठ, २०७६ (Tuesday, 21st May 2019)
७ जेठ, २०७६ (21 May 2019)

१९ वर्षे युवती विवाह गर्न खोज्ने ५० वर्षीय बेहुला मण्डपवाटै पक्राउ

राजधानी संवाददाता
4 weeks ago
25/04/2019

लहान । सिरहामा १९ वर्षिय युवति विवाह गर्न खोज्ने ५० वर्षिय पुरुष पक्राउ परेका छन् । १९ वर्षिय किशोरीसंग जनकपुरधामको रामजानकी मन्दिरमा विहे गर्न खोज्दा प्रहरीले मण्डपबाटै बेहुला सहित ५ जना लाइ पक्राउ गरेको छ ।

सिरहाको बरियारपट्टि गाउँपालिका– ५ हरिपुरका ५० वर्षीय जिबेन्द्रनारायण यादवले सिराहाकै औरही गाउँपालिका –३ का हरी नारायण यादवकी १९ वर्षीय छोरी विभा कुमारी यादवसँग बिहे गर्न लागेका थिए ।

वाल विवाह भइरहेको खबरपाउने वित्तिकै प्रहरी पठाएर रोक्न लगाएको डिएसपी रामेश्वर कार्कीले बताएका छन् । प्रहरीले बेहुलीका बुवा, ठूलो बुवा, दाजु र बेहुला पक्षका दुई जना गरी ५ जनालाई मण्डपबाटै पक्राउ गरेको छ । कानूनको उल्लङ्घन नगर्ने कागजगरेपछि प्रहरीले तारेखमा रिहा गरेको छ ।

मुलुकी अपराध (संहिता) ऐन २०७४ को विवाह सम्बन्धी कसूर अन्तर्गत विवाह गर्ने व्यक्तिको उमेर बीस वर्ष पुगेको हुनुपर्छ । तर बेहुलीको उमेर १९ वर्ष मात्र रहेकाले विवाह रोकिएको प्रहरीको भनाई छ ।

(Visited 207 times, 1 visits today)
Loading comments...