बुधवार ४ आषाढ, २०७६ (Wednesday, 19th June 2019)
४ आषाढ, २०७६ (19 June 2019)

मानव बेचबिखनकोे आरोपमा भारतीय पक्राउ

रासस
4 weeks ago
22/05/2019

तम्घास । जिल्ला प्रहरी कार्यालय गुल्मीले मानव बेचबिखनमा संलग्न रहेको आरोपमा भारतीय नागरिकलाई पक्राउ गरेको छ ।

पक्राउ पर्नेमा भारतको विहार राज्यस्थित बेतियाका २१ वर्षीय मनोहर कुमार, २० वर्षीय अभिजित कुमार र १९ वर्षीय कालु कुमाल रहेका छन् ।

युवतीलाई भारततर्फ लैजाने क्रममा तीनै जना पक्राउ परेका हुन् । गुल्मीको धुर्कोट गाउँपालिकाका तीन युवतीलाई विवाह गर्छौं भनी ललाइफकाई लैजाने क्रममा उनीहरुलाई पाल्पाको हार्थोकबाट पक्राउ गरिएको प्रहरी नायब उपरीक्षक कृष्णराज सापकोटाले बताए ।

युवतीलाई उद्दार गरी घर पठाइएको छ । पक्राउ परेका भारतीयलाई मानव बेचबिखन तथा ओसारपसारको कसुरमा जिल्ला अदालतबाट पाँच दिनको म्याद थप गरी हिरासतमा राखिएको छ ।

(Visited 47 times, 1 visits today)
Loading comments...