बुधवार १ आश्विन, २०७६ (Wednesday, 18th September 2019)
१ आश्विन, २०७६ (18 September 2019)

परराष्ट्र नीतिका सम्बन्धमा देशको दृष्टिकोण एउटै हुनुपर्दछ : प्रधानमन्त्री

राजधानी समाचारदाता
3 months ago
29/06/2019

काठमाडौँ । प्रधानमन्त्री केपी शर्मा ओलीले परराष्ट्र नीतिका सम्बन्धमा देशको दृष्टिकोण एउटै हुनुपर्ने बताएका छन् । परराष्ट्र नीति सम्बन्धमा राष्ट्रिय कार्यक्रमको शनिबार उद्घाटन गर्दै प्रधानमन्त्री ओलीले सो कुरा बताएका हुन् ।

‘देशको परराष्ट्र नीति, व्यक्ति पिच्छे,पार्टी पिच्छे फरक हुनु हुदैन’ प्रधानमन्त्री ओलीले भने, ‘नेपालले एउटै विदेश नीति बनाएर अघि बढ्नु पर्दछ ।’ प्रधानमन्त्री ओलीले नेपालले अब राजनीतिक कुटनीतिमा मात्र हैन आर्थिक कुटनीतिमा पनि ध्यान दिनु पर्ने बताएका छन् । ‘हाम्रो मुख्य उद्धेश्य देशलाई समृद्धिको बाटोेमा तिव्र गतिमा अघि बढाउने हो ‘ प्रधानमन्त्री ओलीले भने ‘हाम्रो क्षमता सीप र प्रविधिलाई विकास तर्फ केन्द्रित गर्नुपर्दछ ।’

प्रधानमन्त्री ओलीले राष्ट्र निर्माण,नेपाल एकिकरण र सार्वभौमसत्ताको रक्षाको लागि विगतमा योगदान गर्ने सबैलाई आफूले स्मरण गर्न चाहेको बताएका छन् । प्रधानमन्त्री ओलीले विगतमा भन्दा नेपालको छिमेक सम्बन्ध सङ्लिएको उल्लेख गरेका छन् । ‘छिमेक नीतिका सम्बन्धमा हामीले थुप्रै कुरामा पुनरावलोकन गरेका छौं ‘ प्रधानमन्त्री ओलीले भने, ‘हाम्रो छिमेक सम्बन्ध सत्य,न्याय र विश्व व्यवस्थामा आधारित हुनुपर्दछ । हामी त्यता तर्फ नै केन्द्रित छौं । हाम्रो मुख्य उद्धेश्य नै सबैसँग मित्रता,छैन कसैसँग सत्रुता भन्ने हो ।’

प्रधानमन्त्री ओलीेले नेपाल केही समय पछि परे पनि अब त्यो स्थिती धेरै दिन कायम नरहने बताएका छन् । ‘केही कारणले हामी केही समयपछि प-यौं तर अब त्यो स्थिती रहदैन । तिव्र गतिमा अघि बढ्ने राष्ट्रिय लक्ष्य हामीले तयार गरिसकेका छौं ‘ प्रधानमन्त्री ओलीले भने,’गरिबी माथीको हाम्रो प्रहार तिव्र छ । नेपालमा गरिबी अब लामो समय टिक्न सक्दैन ।’

(Visited 44 times, 1 visits today)
Loading comments...