काठमाडौं । लगातार दोस्रो जित निकाल्दै नेपाल घरेलु भूमिमा जारी काभा महिला भलिबल च्याम्पियनसिपको सेमिफाइनलमा स्थान बनाएको छ । समूह ‘ए’ को अन्तिम खेल खेलेको नेपालले आइतबार माल्दिभ्सलाई सोझो सेटमा पराजित गर्दै सेमिफाइनलमा स्थान बनाएको हो। त्रिपुरेश्वरस्थित दशरथ रंगशाला कभर्डहलमा भएको खेलमा मालदिभ्सविरुद्ध नेपाल २५-१२, २५-९, र २५-२० ले विजयी बन्यो।

भारतसँग ३–२ को सेटमा प्रतिस्पर्धात्मक हारबाट नेपालले काभा महिला भलिबल च्याम्पियनसिपको शुरुवात गरेको थियो । चार टोली सम्मिलित समूह ‘ए’ को बाँकी दुई खेलको नतिजा आफ्नो बनाउँदै नेपाल सेमिफाइनलमा पुग्न सफल भयो ।

समूह विजेताको टुङ्गो भने सोमबार हुने लिग चरणको अन्तिम खेलले तय हुनेछ । यस समूहको अन्तिम खेलमा भारत र किर्गिस्तानबीच प्रतिष्पर्धा हुनेछ । भारतलाई सोझो सेटमा हराएमा किर्गिस्तान यस समूहबाट सेमिफाइनलमा पुग्नेछ । सेमिफाइनलमा पुग्न भारतलाई भने ३–२ को सेटको नतिजा पनि पर्याप्त हुनेछ ।

तीन खेलबाट नेपाल सात अंकसहित शीर्ष स्थानमा छ । समूहमा दोस्रो स्थानको भारतको पाँच, किर्गिस्तानको तीन अंक छ । माल्दिभ्स अंकविहिन रहँदै समूह चरणबाट बाहिरिएको छ । यसअघि आज नै भएको खेलमा इरानले श्रीलंकालाई २५–१६, २५–१३ र २५–११ ले हरायो ।

सम्बन्धित समाचार

फुटबल महाकुम्भ ‘फिफा विश्वकप २०२६’ : उद्घाटन खेलमा मेक्सिको र दक्षिण अफ्रिका भिड्दै लेगस्पिनर सन्दीप लामिछानेको नयाँ कीर्तिमान अमेरिकाविरुद्ध नेपालको १२२ रनको फराकिलो जित किन थन्किन्छन् प्रतिवेदनहरू ? अर्घाखाँचीमा भएको बस दुर्घटनामा मृत्यु हुनेको सङ्ख्या ४ पुग्यो, २७ घाइते छैटौं रारा ट्रेल रनको उपाधि दलबहादुर र सुनमाया लाई सार्वजनिक स्रोत–साधनको मितव्ययी उपयोगमा महालेखाको जोड सहकारी बैंकको सञ्चालकः छ प्रदेशमा निर्विरोध, बागमतीमा निर्वाचन हुने