काठमाडौं । नवनियुक्त गृहमन्त्री सुधन गुरुङ र विज्ञान, प्रविधि तथा नवप्रवर्तनमन्त्री महावीर पुनले शपथ लिएका छन्।

मंगलबार अपराह्न राष्ट्रपतिको कार्यालयमा आयोजित विशेष समारोहमा राष्ट्रपति रामचन्द्र पौडेलले नवनियुक्त मन्त्रीलाई पद तथा गोपनीयताको शपथ गराएका हुन् । प्रधानमन्त्री वालेन्द्र शाहको सिफारिसमा राष्ट्रपति पौडेलले मंगलबार नै उनीहरूलाई मन्त्री नियुक्त गरेका थिए।

गुरुङ तीन महिनापछि गृह मन्त्रालय फर्किएका हुन्। सम्पत्ति शुद्धीकरणको मुद्दामा पक्राउ परेका व्यवसायी दीपक भट्टसँग जोडिएपछि गुरुङले गत वैशाख ८ गते पदबाट राजीनामा दिएका थिए।

त्यसपछि सरकारले गठन गरेको छानबिन समितिले गुरुङलाई ‘क्लिनचिट’ दिएको थियो। त्यसपछि प्रधानमन्त्री शाहले उनलाई फेरि गृह मन्त्रालयको जिम्मेवारी दिएका हुन्।

त्यस्तै, विज्ञानमन्त्री नियुक्त भएका पुन स्वतन्त्र सांसद हुन्। उनी म्याग्दीबाट निर्वाचित भएका थिए।

उनी यसअघि सुशीला कार्की नेतृत्वको मन्त्रिपरिषद्मा शिक्षा, विज्ञान तथा प्रविधिमन्त्री थिए। आफूले भनेअनुसार, विधेयक ल्याउन नपाएपछि उनी राजीनामा दिएर चुनाव लडेका थिए।

सम्बन्धित समाचार

किसानलाई समयमा नै मलको आवश्यक व्यवस्था मिलाउन ध्यानाकर्षण पाँच दिने भ्रमणको लागि दिल्ली उडे लामिछाने राष्ट्रिय सभामा प्रधानमन्त्रीको भनाइलाई लिएर विरोध प्रतिनिधि सभाको बैठक सुरु हुने वितिक्कै विपक्षी दलको विरोध वीरगञ्ज प्रमुख सिंहलाई धरौटीमा रिहा गर्न अदालतको आदेश राष्ट्रियसभाको बैठक स्थगित स्वतन्त्र सांसद पुन फेरि मन्त्री बन्दै प्रतिनिधिसभा बैठक स्थगित