काठमाडौं । अभिनेत्री अरुणिमा लम्सालले यसै साता दोश्रो विवाह गरिन् । उनी विवाहसँगै अभिनयमा पनि फर्किएकी छिन् । डेढ दशक अघि अमेरिका गएकी यी अभिनेत्रीले यतिबेला बिमलेश अधिकारी निर्देशित वेब सिरिज ’घर बट इन अमेरिका’मा अभिनय गरेकी छिन् । यसैबाट उनी अभिनयमा फर्किएकी हुन् ।
अरुणिमा यतिबेला नेपालमा रहे पनि उनको यो सिरिजको फस्ट लुक्स मँगलबार सार्वजनिक गरिएको छ । श्रीकृष्ण जन्माष्टमीको अवसरमा पोष्टर सार्वजनिक गरिएको यो सिरिज अब रिलिज हुने अभिनेत्री अरुणिमाले बताएकी छिन् । अब भने आफु समय निकालेर अभिनयमा निरन्ता दिने पनि उनले बताएकी छिन् ।
घर बट इन अमेरिका सिरिजको सम्पूर्ण छायाङ्कन संयुक्त राज्य अमेरिकामा नै भइरहेको छ । सिरिजको निर्माण सेभेन कलर्स डिजिटलले गरेको हो। सिरिजको पहिलो सिजनको छायाङ्कन सकिएको छ ।
यसमा अरुणिमासहित बिमलेश अधिकारी, राधाबाबु लम्साल, खेम शर्मा, आशिष दाहाल, समारोह मैनाली, र रोजिना थापा लगायतका कलाकारहरूको प्रमुख भूमिका रहनेछ ।
