मुम्बई । बलिउडमा केही यस्ता कलाकारहरु छन् । जो सँग प्रसस्त सम्पत्ति छ । उनीहरुले नीजि हवाईजहाज देखि समुन्द्रमा आफ्नै निजी टापु समेत किनेका छन् ।
ऐश्वर्या राई, प्रियंका चोपडा, दीपिका पादुकोण जस्ता अभिनेत्रीहरु बलिउडमा धेरै कमाउने अभिनेत्रीको सुचीमा पर्छन । यो सुचीमा रहेकी अर्की अभिनेत्री ज्याकलिन फर्नान्डिजसँग भने नीजि आइल्याण्ड नै रहेको छ ।
बलिउडमा बिगत १५ वर्षभन्दा बढी समयदेखि सक्रिय रहेकी श्रीलंकाली अभिनेत्री ज्याकलिन फर्नान्डिजले २००९ मा अलादिन चलचित्रबाट बलिउडमा प्रवेश गरेकी थिइन् । तर दुई वर्षपछि उनले मर्डर २ बाट पहिलो सफलता हाँसिल गरिन् । त्यसपछि लगातार पाँच वर्षमा पाँचवटा ठूला हिट फिल्ममा काम गरिसकेपछि ज्याकलिनले आफ्नो करियरमा सातवटा फ्लप र केही हिटहरू दिईन् ।
मिस श्रीलंकन उपाधि जितेर बलिउडमा भित्रीएकी यी अभिनेत्रीले आफ्नो पहिलो हिट फिल्म मडर २ र मर्डर २ र हाउसफुल २ पछि निजी आईल्यान्ड किनेकी हुन् ।चलचित्र रेस २ मा अनुबन्धित हुनु अघि नै उनले आफ्नो देश श्रीलंकाको तटमा एउटा निजी टापु किनिन् । ज्याकलिनले किनेको त्यो टापुमा विलासी भिला बनाउने योजनामा थिइन् । साथै उनले त्यहाँ व्यापारिक भवनहरु पनि बनाएर व्याबसाय गर्ने योजनामा थिईन् । त्यो योजनालाई अझै उनले यथाबतै राखेकी छिन् ।
१२ वर्ष अघि तीन करोडमा किनेको उनको यो टापुलाई अहिले २५ करोडमा विक्रीको प्रस्ताव आउँदा पनि यी अभिनेत्रीले बेचेकी छैनन् । उनले यो टापुमा आफ्नो फरक व्यबसाय गर्ने योजना सुनाएकी छिन् । ज्याकलिन अहिले अक्षय कुमारको मल्टिस्टार कमेडी फिल्म ‘वेलकम टु द जंगल’ को छायांकन गरिरहेकी छिन् ।
