मेलर्वन । अस्ट्रेलियाका क्रिकेटर डेविड वार्नरले एक टिकटक भिडियो सेयर गरेका छन् । जसमा उनी छोरीसँग कटरिना कैफ अभिनित गीत शिलाकी जावानीमा डान्स गर्दै गरेको देखिन्छन् । अस्ट्रेलियाका ओपनर डेविड वार्नरले शनिबार आफ्नी छोरीसँग कटरीना कैफको हिट डान्स नम्बर शिलाकी जवानीमा डान्स गरेर भिडियो सेयर गरेका हुन् ।

इन्स्टाग्राममा वार्नरले सो भिडियो सेयर गरेका छन् । हिन्दी फिल्म तिसमार खानको हिट गीतमा उनले टिकटक बनाएका हुन् । वार्नरले त्यसमा कसैले हामीलाई सहयोग गर कृपया भनेर लेखका छन् । इन्स्टाग्राममा सो भिडियो ५ लाख ४४ हजारभन्दा धेरैले मनपराएका छन् । प्रशंसकले उनको तुलना बलिउडका अभिनेतासँग पनि गरेका छन् । एक प्रशंसकले लेखेका छन्, ‘तपार्इंहरूले त कटरिनाले भन्दा राम्रो गर्नुभयो ।’ कतिपयले भने अझै धेरै अभ्यास गर्न आवश्यक रहेको औंल्याएका थिए ।