काठमाडौं ।  राष्ट्रिय स्वतन्त्र पार्टी (रास्वपा) को काठमाडौँ केन्द्रित प्रदर्शन शुरु भएको छ । सहकारी ठगी प्रकरणमा पक्राउ परेका रास्वपाका सभापति रवि लामिछानेलाई हिरासतमा राख्ने म्याद विहिबार सात दिन थप भएपछि रास्वपाले आजदेखि काठमाडौँ केन्द्रित प्रदर्शन शुरु गरेको हो । 

रास्वपाले आज अपराहन्न १ बजेदेखि काठमाडौँको माइतीघरमा प्रदर्शन शुरु गरेको छ । प्रदर्शनका क्रममा रास्वपाका केन्द्रीय नेताहरुले सम्बोधन गर्ने बताइएको छ ।

गत शुक्रबार काठमाडौंबाट पक्राउ परेका रवि हाल कास्की प्रहरीको हिरासतमा छन् । पहिले ६ दिन हिरासतमा राख्न अनुमति दिएको जिल्ला अदालत कास्कीले आजमात्रै थप ७ दिन हिरासतमा राख्न अनुमति दिएको छ ।

सडक प्रदर्शन गरेर लामिछानेलाई छुटाउने प्रयास गरेको रास्वपाले पोखरामा स्थानीय जनताको साथ पाउन सकेको थिएन । स्थानीयको सहभागिता नभएपछि रास्वपाका नेताहरुले घरदैलो समेत गरेर भिड जम्मा गर्ने प्रयास गरेका थिए । तर त्यो पनि असफल भएपछि अब उनीहरुले काठमाडौँमा प्रदर्शन गर्ने भएका हुन् ।

रास्वपाले लामिछानेलाई राजनीतिक प्रतिशोधमा पक्राउ गरेको आरोप लगाउदै आएको छ ।

सम्बन्धित समाचार

‘गौशाला धर्मशालामा मारवाडी सेवा समितिको मोही हक लाग्दैन’ रास्वपा अनुशासन आयोगका उपप्रमुख न्यौपानेले दिए राजीनामा ठाकुर विपक्षी दलको बैठकमा पुगेपछि सत्ता गठबन्धनमा तरंग दल विभाजन अध्यादेश ल्याउने ओलीको चाहनामा देउवाको अवरोध रवि लामिछानेलाई अदालतमा पुर्‍याइयो पोखरामा रास्वपाको प्रदर्शनमा अश्रुग्याँस प्रहार, स्थिति तनावग्रस्त बन्दै लामिछानेलाई ६ दिन म्याद थप, अदालत क्षेत्र दिनभर तनावग्रस्त ओली सरकारको सय दिनः प्रधानमन्त्री फेरिए, फेरिएन कार्यशैली रास्वपालाई विश्वप्रकाशको सुझाव- सडकबाट विलाप नगरौं जग्गा दानविरुद्ध परेको रिट ‘हेर्न नमिल्ने’ मा लामिछाने पक्राउको पक्ष र विपक्षमा राजनीतिक दलहरु सत्ता समीकरण दलहरुको बैठक अपराहन्न ३ बजे