काठमाडौं । महिला बालबालिका तथा जेष्ठ नागरिक मन्त्री नवल किशोर साह सुढीले सन् २०२५ को मार्चमा अमेरिकाको न्यूयोर्कमा संयुक्त राष्ट्र संघद्वारा आयोजना हुने बेइजिङ+३० समीक्षामा नेपालका लागि नेशनल नेटवर्क फर बेइजिङ प्लसले नागरिक समाजहरुको तर्फबाट उठान गरेको विषय फलदायी हुने विश्वास गरेका छन् ।

शुक्रबार मन्त्री सुढीले बेइजिङ+३० का ’boutमा नागरिक समाजबाट तयार पारिएको राष्ट्रिय समीक्षा गोष्ठीलाई सम्बोधन गर्दै भने, ‘बेइजिङ+ समीक्षा र कार्ययोजना महिला सशक्तिकरणको लागि दूरदर्शी एजेन्डा हो । यसले निजी र सार्वजनिक सबै क्षेत्रहरूमा महिला सशक्तिकरणको लागि सरोकारका क्षेत्रहरु पहिचान गरेको छ । यस समीक्षाले महिला र बालिकाहरूको सशक्तिकरणलाई समर्थन गर्ने कुरा पनि सुनिश्चित गर्दै, भविष्यका महत्वपूर्र्ण नीतिगत निर्णयहरूमा योगदान पु¥याउनेछ ।’

महिला सशक्तिकरण र लैङ्गिक समानताको विकासका लागि संकल्प गर्दै आगामी दिनहरुमा पनि हातेमालो गर्दै आगाडी बढ्ने नै प्रतिवद्धताका मन्त्री सुढीले गरेका छन् ।

महिला अधिकारका विषय सुधार भइरहेको महिला आयोगकी अध्यक्ष कमला पराजुलीले व्यक्त गरिन् । समीक्षा गोष्ठीमा १२ वटा बकेटमा तयार पारेको एजेन्डाले अब नपुग्ने भन्दै उनले अगाडि बढ्दै जाँदा समस्या थपिँदै गएको उनको भनाइ थियो । पछिल्लो समयमा जेष्ठ महिला नागरिक र यौनकर्मीका विषय बेइजिङ+३० समीक्षामा थप्नुपर्ने उनको सुझाव थियो ।

सन् १९९५ मा बेइजिङमा आयोजना भएको चौथो विश्व सम्मेलनमा सहभागी भएको स्मरण गर्दै अध्यक्ष पराजुलीले त्यसयता महिला सशक्तिकरणमा धेरै सुधार भएको उनले सुनाइन् । संयुक्त राष्ट्र संघको महिला प्रतिनिधि प्याट्रिया फर्नाडेजले नेपालमा महिला अधिकारको आन्दोलनमा धेरै प्रगति भएको बताइन् । उनले यस क्षेत्रमा अझै धेरै काम गर्न बाँकी रहेको छ र आफूहरुको सहयोग निरन्तर रहने उनको भनाइ थियो ।

कार्यक्रममा बेइजिङ कार्ययोजनाले निर्धारण गरेको १२ वटा सरोकारका क्षेत्र’bout महिला कानुन र विकास मञ्च (एफडब्लुएलडी) का कार्यकारी निर्देशक सविन श्रेष्ठले स्पष्ट पारेका थिए । महिला र शिक्षा, महिला र अर्थतन्त्र, महिलाको मानवअधिकार, महिला र गरिबी, महिला र स्वास्थ्य, शक्ति संरचना निर्णय प्रक्रियामा महिला, महिला र सञ्चार, महिला र वातावरण, महिलाको उन्नतिको लागि संस्थागत संरचना, महिला र सशस्त्र द्वन्द्व तथा महिलाविरुद्धको हिंसा निर्धारण गरिएको सरोकारका क्षेत्र थिए । श्रब्यदृश्यसहितको उनको प्रस्तुतिबाट बेइजिङ कार्ययोजना’bout बुझ्नलाई सजिलो भएको थियो ।

कार्यक्रममा महिला सशक्तिकरणको क्षेत्रमा लामो समय योगदान दिने लक्ष्मीकेशरी मानन्धर, इन्दिरा श्रेष्ठ र तुलसालता अमात्यलाई सम्मान गरिएको थियो । मन्त्री सुढीले उनीहरुलाई सम्मान गरेका हुन् । यस वर्षदेखि युवालाई प्रोत्साहनसमेत गरिएको छ । यस वर्ष एसेस प्लानेटकी लक्ष्मी नेपाललाई सम्मान गरिएको छ । यसैगरी कार्यक्रममा आयोजक नेशनल नेटवर्क फर बेइजिङ+ समीक्षा नेपाल र एफडब्लुएलडीले तयार पारेका क्यालेन्डर सार्वजनिक गरिएको थियो ।

कार्यक्रममा उद्घाटनसत्र सम्पन्न भएपछि सरोकारको क्षेत्रका विषयमा सामूहिक छलफल चलाइएको थियो । १२ वटा विषयलाई तीनवटा समूह बनाएर छलफल गरिएको थियो ।

सम्बन्धित समाचार

पूर्वराजाबाट दसैँको टीका लगाउने सर्वसाधारणको भीड झापामा दुर्घटनामा तीन जनाको मृत्यु विपद् उद्धारमा खटिएका इन्स्पेक्टर बडूवालको निधन आज पनि नवदुर्गाको आशीर्वाद स्वरुप टीका र जमरा लगाइँदै आज महानवमी पर्व, शक्तिपीठहरुमा नवदुर्गाको विशेष पूजा गरिँदै मकवानपुरमा करेन्ट लाग्दा २ जना बालिकाको मृत्यु, छुरा प्रहारवाट एक जना घाइते इजरायली आक्रमण कम्तीमा ३३ जना प्यालेस्टाइनीको मृत्यु हेटौँडा-कुलेखानी-काठमाडौं सडक प्रयोग नगर्न प्रहरीको आग्रह स्थानीय तहको उपनिर्वाचनमा महिलाको उम्मेदवारीवारे आयोगको निर्देशन आर्थिक अभावले प्रहरी जवानकै ८ बर्षिय बालकको उपचार प्रभावित ६ लाखको ठेक्कामा १० लाखको फिरौती माग नदिएपछि कुटपिट लैंगिक समानताका लागि व्यवहार परिवर्तन गर्न आवश्यक