पोखरा । तिहार अवसरमा पोखरामा सधैँका वर्ष झैं यसपालि पनि पुष्प मेला तयारी गरिएको छ । फ्लोरिकल्चर एशोसिएसन नेपाल (फान) जिल्ला समिति कास्कीले यही १२–१६ कात्तिकसम्म आठौं गोदाबरी पुष्प प्रदर्शनी तथा पाँचौं गण्डकी प्रादेशिक पुष्प मेला–२०८१ आयोजना गर्न लागेको हो ।

शनिबार पत्रकार सम्मेलनमा संस्थाका अध्यक्ष एवं मेला संयोजक रामप्रसाद सुवेदीले नयाँबजारस्थित प्रदर्शनी केन्द्रमा हुने मेलामा २३ वटा प्रदर्शनी कक्ष राखिने जानकारी दिए । तीमध्ये व्यावसायिक २०, कृषि सामग्रीका २ र सूचनामूलक १ स्टल रहने छन् ।

यो मेला पुष्प व्यवसाय सञ्चालन गर्न चाहने, घरआँगन तथा बगैँचा सजाउन चाहने फूल बिरुवाप्रति अभिरुचि राख्ने सबैका निम्ति उपयोगी हुने आयोजकको विश्वास छ । पुष्प व्यवसायीको क्षेत्रमा भए गरेका गतिविधिसहितका जानकारी पनि मेला स्थलमा दिइने जनाइएको छ ।

२०६२ सालमा कास्कीमा विधिवत् स्थापना भई पुष्प व्यावसायिक विकास विस्तार तथा प्रवद्र्धनमा फान कास्की क्रियाशील छ ।

मेलामा नेपालमा विगत वर्षदेखि नै व्यावसायिक उत्पादन हँुदै आएका विविध जातका गोदावारी फूल बिरुवाको साथै यस वर्ष भित्रिएका गोदावरी फूलका नयाँ प्रजातिका फूलबिरुवासमेत प्रदर्शनी तथा बिक्री वितरण हुने छन् । यस सिजनमा फुल्ने सयपत्री, मखमली तथा अन्य सिजनका फूलबिरुवासमेत प्रदर्शनी गरिने मेला संयोजक सुवेदीले बताए ।

गोदावारी फूल प्रदर्शनीको करिब २० हजार जना दर्शकले प्रत्यक्ष अवलोकन गर्ने आयोजक समितिको अपेक्षा छ । फ्लोरिकल्चर एशोसिएसन नेपाल (फान) कास्कीमा हाल ३९ जना कृषक आबद्ध छन् । ‘सुन्दर नगरी पोखराको पहिचान, व्यावसायिक प्रवद्र्धनमा गोदावारीको सान’ भन्ने मूलनारा तय गरिएको छ ।

सिजनल मनकामना नर्सरीका संचालक दिलबहादुर गुरुङका अनुसार पोखरामा यस वर्ष मौषम (पानी बढी पर्दा) विगतमा जस्तो फूल नफुलेको बताए । यद्यपि, पोखराको माग भने पूरा गर्न सकिने उनी बताउँछन् ।

सम्बन्धित समाचार

अर्थशास्त्रतर्फको नोबेल पुरस्कार अमेरिका र बेलायतका तीन वैज्ञानिकलाई नेप्सेमा ३१ अंकको वृद्धि नेप्सेमा सामान्य वृद्धि सुनको मुल्यमा आज पनि नयाँ किर्तिमान स्याङ्जामा विष्फोटः १ जना घाइते दसैंको महिनामै बाहिरिए साढे ५३ हजार कामदार रैथाने बाली संरक्षण गर्न सामुदायिक बिउ बैङ्क स्थापना मनाङमा स्वीस नागरिकको मृत्यु, उद्धारमा कठिनाई मौलापुर नपा आफै गर्न थाल्यो सडक मर्मत राष्ट्र बैंकद्वारा बैंक तथा वित्तीय संस्थाहरूलाई कारबाही केपी ओलीको प्रधानमन्त्रीकालमा साढे ३ खर्बको व्यापार घाटा विद्युतीय कारोबारसम्बन्धी मुद्दामा जेनेस सलुशनलाई सफाई