वीरगन्ज । अखाद्य बस्तु मिसावट ‘केक’ काटेर जन्मदिन मनाउने पश्चिमा शैली नअपनाउन समाजलाई सन्देश दिंदै पर्सामा एक महिला डाक्टरले फरक ढंगले जन्मदिन मनाएकी छन् । पर्सा जिल्लाको पटेर्वा सुगौली गाउँपालकाबाट पहिलो महिला डाक्टर बन्न सफल डा प्रिति चौधरीले आफ्नो २६ औं जन्मदिनलाई फरक ढंगले मनाउँदै उदाहरण पेश गरेकी हुन् ।

प्रकृतिसँग प्रेम गर्दै जलवायु परिवर्तनको नकारात्मकता बढ्न दिनु हुन्न भन्ने उनको सकारात्मक सन्देशको निष्कर्ष छ । समाजका भद्रभलाद्मी सहितको उपस्थितिमा उनले आफ्नो जन्मस्थलो पर्साको पटेर्वा सुगौलीमा २ सय ५० वटा विभिन्न प्रजातिका विरुवा रोप्दै वातावरण बचाउने फरक शैलीको अभियान छेडेकी छन् । जन्मदिनमा यतिधेरै विरुवा रोपी वृक्षारोपण अभियानलाई नै थालनी गरिएको पर्सामा संभवतः यो पहिलो कार्यक्रम रहेको स्थानीयको भनाइ छ ।

नेपाल राष्ट्रिय आधारभूति विद्यालय पटेर्वाको परिषर र साढे पाँच विघा जमिन भएको विद्यालयको खुल्ला ठाउँमा वृक्षारोपण कार्यक्रम गरिएको छ । विद्यालयमा लक्षित गरी यस्तो अभियान थाल्दा नयाँ पीढिलाई पनि सकारात्मक सन्देश हुने डा.चौधरीको तर्क छ । आफ्नो गाउँठाउँका साना भाइ–बहिनीहरुलाई पनि राम्रो काम गर्न बल पुग्ने लक्ष्य सहित काठमाण्डौबाट आफ्नै गाउँमा आई यो कार्य गरिएको उनको भनाइ छ ।

‘पेपरनिल केमिकल’ प्रयोग हुने पश्चिमा शैलीको केकको प्रचलनभन्दा सयौं विद्यार्थीे भाइबहिनीका बीच वृक्षारोपण अभियान थाल्नु निकै उदाहरणीय काम भएको तराई विकास तथा संचार केन्द्रका अध्यक्ष गोविन्द चौलागाईंले बताए । ‘डा. चौधरीको यो कदम निकै सह्रानीय छ’ नेपाल पत्रकार महासंघका केन्द्रिय सचिव समेत रहेका चौलागाईंले भने । जलवायु परिवर्तनको नकारात्मक असर र मधेशमा पानीको हाहाकार हुने समस्यालाई यस्ता कार्यले थोरै भए न्यूनिकरण गर्न बल पुग्छ उनले बताए । गएको २०८० फागुन ११ गते रौतहटको सिधुरेघारी चाँदीखोला किनारमा आफ्नो जन्मदिनको दिन पारेर यसैगरी वृहत वृक्षारोपण कार्यक्रम सचिव चौलागाईले पनि थालनी गरेका थिए । अक्सिजन बढाउने र जलवायु परिवर्तनको नकारात्मक असर रोक्ने यस्ता उपाय अपनाउने कार्यको हौसला दिन आफू पनि पर्सा झरेको उनको भनाइ छ ।

१० प्रजातिका विरुवा
अमला, बरगज, सपेता, आँप, अम्बक लगायत विभिन्न १० प्रजातीका विरुवा रोप्दै जीवनलाई सत्कर्ममा जोड्न छोरी अग्रसर हुँदा निकै खुसी लागेको डा.चौधरीका बुबा चन्द्रकिशोर चौधरीले बताए । काठमाण्डौको ट्रमा सेन्टर हस्पिटलमा कार्यरत छोरी डा.प्रिति चौधरी पालिकाकै पहिलो महिला डाक्टर पनि हुन् उनले भने । ‘जन्मदिनमा पनि छोरीले नमूना कार्य गर्न अग्रसर हुँदा बुबाको दायित्व त साथ दिने वाहेक के हुन्छ र ? उनी खुशी हुँदै’ भने ।

जन्मदिन पनि सकारात्मक सन्देश दिने गरी सुरुवात गर्नु निकै प्रभावकारी कदम भएको मधेश प्रदेश सभा सदस्य श्याम पटेलले बताए । पश्चिमा शैलीको नकारात्मक कुरामाभन्दा जलवायु परिवर्तनमा आउने ह्रास कम हुने यस्ता कार्य अरुले पनि गर्नु पर्ने उनले सुझाव दिए । आफ्नो जन्मदिनलाई सत्कर्ममा जोडौं भन्ने भावना सहित गाउँका छोरीचेली आफ्नै गाउँमा आई वृहत विरुवा रोप्ने अभियान चलाउँदा सकारात्मक कदम भएको पूर्व मन्त्री सुरेन्द्र चौधरीले पनि तर्क गरे । यस्ता कार्यले जलाशयको श्रोत नघट्ने र वातावरण जोगाउन टेवा पुग्ने हुँदा सबैले यस्ता सकारात्मक कार्य गर्न पर्ने उनको पनि भनाइ छ ।

पर्साको ग्रामिण क्षेत्रमा रहेको पटेर्वा सुगौली गाउँपालिकामा चलाइएको वृक्षारोपण अभियान प्रभावकारी कदम भएको नेपाल पत्रकार महासंघ पर्साका उपाध्यक्ष युवराज खड्का र अर्का पत्रकार राघव साहको पनि भनाइ छ । जन्मदिनमा आधुनिक समयका चिकित्सकले समेत वृक्षारोपण अभियानलाई उच्च प्राथमिकतामा राखी केक बहिस्कृत अभियान चलाउनु जिल्लामा नयाँ हलचल ल्याएको सयौंको संख्यामा उपस्थित स्थानीय मध्ये केहीको भनाइ छ । ‘पर्साका १४ पालिका मध्ये हाम्रो पालिका यो अर्थमा पहिलो भयो’ उनीहरुले खुशी हुँदै भने ।

सम्बन्धित समाचार

बारामा राजधानीकर्मी साह सम्मानित आर्थिक अभावले प्रहरी जवानकै ८ बर्षिय बालकको उपचार प्रभावित बाढी प्रभावित २ सय २२ परिवारलाई नगद सहयोग स्वास्थ्यमा हरिवन नगरपालिका दोस्रो पटक प्रदेशमै उत्कृष्ट ७५ घर परिवारलाई मौलापुरकी मेयर रिना साहले वितरण गरिन चेक एसियामै बढी बलि दिने पञ्चवर्षीय मेला लाग्दै वडाअध्यक्षबाट हातपात, राहत वितरणमा धाँधली प्रभु साहले आफ्नै श्रीमती रिनाको किन गरे तारिफ ? भ्रष्टबिरुद्ध जनकारवाही र सडक आन्दोलनको बिकल्प छैन्: प्रभु साह देशभरको तापक्रम क्रमशः घट्दो सेभ द सप्तरीको २५ औं वार्षिक साधारण सभामा ‘पूर्वराजा वीरेन्द्रका ज्वाइँ गोरखशमशेर र अम्बिका राणाले प्रधानराज गुठी भनी स्विकारेका छन्, मोही हक लाग्दैन’