संखुवासभा । संखुवासभाको खाँदबारी नगरपालिका–३ मानेभञ्याङमा जारी नवौँ अरुण भ्याली रनिङ शिल्ड फुटबल प्रतियोगितामा धनकुटाको चुलाचुली युवा क्लव र संखुवासभाको पञ्चकन्या युथ क्लव फाइनलमा भिड्दै छन् । खाँदबारी–३ मानेभञ्याङस्थित महेन्द्र माविको खेल मैदानमा हिजो भएको खेलमा दुई टिम फाइनल पुगेका थिए ।

एड्भान्स क्लवको आयोजनामा सामाजिक सद्भावका लागि युवा एकता–विकृति, विसंगतिका विरुद्ध खेलकुदद्वारा सहकार्यको प्रतिवद्धता भन्ने मूल नाराका साथ नवौँ अरुण भ्याली रनिङ शिल्ड फुटबल प्रतियोगिता कात्तिक ७ गतेदेखि सुरु भएको थियो ।

हिजो भएको पहिलो खेलमा धनकुटाको चुलाचुली र संखुवासभाको सेकाहा सामुदायिक विकास क्लव बीच प्रतिस्पर्धा भएको छ । धनकुटाको चुलाचुली र सेकाहा सामुदायिक विकास क्लवले निर्धारित समयमा २–२ गोल गर्दै बरावर भएका थिए । धनकुटाको चुलाचुली युवा क्लवले र सेकाहा सामुदायिक विकास क्लवले टाई बे्रकरमा ४–३ गोल अन्तरमा पराजित गर्दै फाइनलको यात्रा तय गरेको छ ।

दोस्रो खेलमा पञ्चकन्या युथ क्लवले सभापोखरी फुटबल क्लवलाई शुन्यका विरुद्ध १ गोल पराजित गर्दै फाइनल प्रवेश गरेको छ । आज सोमबार फाइनल खेलमा धनकुटाको चुलाचुली युवा क्लव र संखुवासभाको पञ्चकन्या युथ क्लव बीच प्रतिस्पर्धा भइरहेको छ । नवौँ अरुण भ्याली रनिङ शिल्ड फुटबल प्रतियोगितामा कोशी प्रदेशका १२ टिमको सहभागिता रहेको छ ।

प्रतियोगिताको विजयी टिमलाई नगद दुई लाख रुपैयाँ ट्रफि,मेडल प्रमाणपत्रले सम्मान गरिने छ भने उपविजेतालाई नगद एक लाख रुपैयाँ सहित ट्रफि,मेडल प्रमाणपत्रले सम्मान गरिने प्रतियोगितामा विभिन्न विधामा समेत नगद र ट्रफीले सम्मान गरिने आयोजकले जनाएको छ ।

त्यस्तैगरी सेमि फाइनालिष्ट दुई टिमलाई नगद २५–२५ हजार रुपैयाँ प्रदान गरिने आयोजक एड्भान्स क्लवले जनाएको छ । फुटबल प्रतियोगिता कात्तिक १२ गते समापन हुनेछ ।

सम्बन्धित समाचार

सुन्दरहरैंचामा पहिलो पटक वडा स्तरीय क्रीकेट प्रतियोगिता हुने खोटाङको कुबिन्डे केन्द्रबिन्दु भएर भूकम्प झापामा तास खेल्दै गरेको अवस्थामा १२ जना पक्राउ आजदेखि साफ महिला च्याम्पियनसिप महिला टी–२० विश्वकप: वेस्ट इन्डिज र न्युजिल्याण्ड भिड्दै खोटाङमा सुमो जिपबाट खसेर बालकको मृत्यु नेपालले अमेरिकाविरुद्धको दोस्रो टी-२० खेल भोलि बिहान खेल्दै एक सातादेखि वेपत्ता महिला सकुशल कृषि प्राबिधिक विद्यार्थीद्वारा व्यावसायिक फूल खेती सञ्चार क्षेत्रलाई थप व्यवस्थित गर्न जुटे सुन्दरहरैंचाका सञ्चारकर्मी नेपालका अगाडी घरेलु मैदानमा भारतलाई रोक्ने चुनौती आइसिसी क्रिकेट विश्वकप लिग–२: नेपाल अमेरिकासँग पराजित