कपिलवस्तु । कपिलवस्तु जिल्ला फुटबल लिगको उपाधिगोल्डेन स्टार युवा क्लबले हात पारेको छ । बाणगंगा नगरपालिकाको बुद्धरंगशालामा शुक्रवार भएको लिगको फाइनल खेलमा शान्ति सिर्जनालाई टाई ब्रेकरमा हराउँदै गोल्डेनले उपाधि जितेको हो ।

गोलरहित बराबरीमा सकिएको पहिलो हाफपछि दोस्रो हाफमा सुजन खत्रीको गोलमा शान्ति सिर्जनाले अग्रता लिएको थियो । गोल्डेनका लागि मिलन राना मगरले दोस्रो हाफको अन्तिम समयमा गोल गरेपछि खेल टाई ब्रेकरमा गएको थियो ।

टाई ब्रेकरमा शान्ति सिर्जनालाई गोल्डेनले ४–३ गोलले हराउँदै उपाधि हात पारेको हो । बिहीबार दोस्रो सेमिफाइनल खेलमा मुहान एफसीलाई स्तब्ध पार्दै गोल्डेनले शान्ति सिर्जनासँगको फाइनल भेट पक्का गरेको थियो ।

उपाधि हात पारेसँगै गोल्डेनले ५५ हजार सहित शिल्ड, मेडल र प्रमाण पत्र प्राप्त गर्‍यो । उपविजेता बनेको शान्ति सिर्जनाले ३० हजार सहित शिल्ड, मेडल र प्रमाण पत्र प्राप्त गर्‍यो ।

कपिलवस्तु जिल्ला फुटबल सङ्घको आयोजनामा कार्तिक ७ गतेदेखि सुरु भएको खेलमा जिल्ला भित्रका १० टोलीको सहभागिता रहेको थियो ।

सम्बन्धित समाचार

नेपालले अमेरिकाविरुद्धको दोस्रो टी-२० खेल भोलि बिहान खेल्दै टि-२० आई सिरिज: नेपालले अमेरिकालाई सुपर ओभरमा हरायो भलिबल उपाधि शिखर र शुक्लाफाँटा नगरपालिकालाई विश्वकप लिग-२ को त्रिकोणात्मक सिरिज खेल्ने नेपाली टिमको घोषणा हिमचितुवा घिमिरे बने किक बक्सिङको विश्व विजेता नेपालका अगाडी घरेलु मैदानमा भारतलाई रोक्ने चुनौती रेफ्रीले नेपालको गोल दिन अस्वीकार गरेपछि तनाव, खेल अवरुद्ध आइसिसी क्रिकेट विश्वकप लिग–२: नेपाल अमेरिकासँग पराजित उपाधि जित्ने अवसरलाई खेर फाल्दैनौं: कप्तान एन्जिला नेपालका लागि बंगलादेश फेरि तगारो कर्तव्य ज्यान मुद्दाका फरार प्रतिवादी १० वर्षपछि पक्राउ फ्रेन्चाइजीबाट किन रिलिज गरिए राहुल, पन्त र अय्यर ?