स्याङ्जा । स्याङ्जाको वालिङ नगरपालिकाले बुधवार एक दिन शोक विदा दिने निर्णय गरेको छ । वालिङ नगरपालिका–११ का वडा सदस्य ताराप्रसाद पराजुलीको निधनमा नगरपालिकाले एकदिन शोक विदा दिने निर्णय गरेको हो ।

वालिङ नगरपालिकाका प्रमुख प्रशासकीय अधिकृत गंगालाल सुवेदीले हस्ताक्षर गरेको शोक विदा सूचनामा वालिङ नगरपालिकाभित्र रहेका नगर कार्यपालिका, वडा कार्यालय, स्वास्थ्य संस्था लगायत बन्द रहने उल्लेख गरिएको छ ।

फोक्सोसम्बन्धी समस्याबाट पीडित ५९ वर्षीय पराजुलीको मंगलवार निधन भएको छ । स्थानीय तहको चुनाव २०७९ मा वडा सदस्यमा निर्वाचित भएका पराजुली २०७४ को चुनावमा पनि वडा सदस्य निर्वाचित भएका थिए ।

अत्यन्तै शालिन र सामाजिक व्याक्तित्व रहेका पराजुलीको निधनले वालिङ नगरपालिका शोकमा डुवेको नगरपालिकाका प्रमुख प्रशासकीय अधिकृत सुवेदीले उल्लेख गरेका छन् । वडा सदस्य पराजुलीको निधनले नगरपालिकालाई अपुरणीय क्षती पुगेको समेत शोक सूचनामा उल्लेख गरिएको छ ।

स्वर्गीय पराजुलीको मंगलवार नै नै कालीगण्डकी तट राम्दीमा अन्तिम संस्कार गरिएको छ । पराजुलीका श्रीमती, चार छोरी र दुई छोरा छन् । स्वर्गिय पराजुली नेपाली काँग्रेसबाट उम्मेदवार बनेर निर्वाचित भएका थिए । पराजुलीको निधनले नेपाली काँग्रेसलाई ठुलो क्षती पुगेको जनाएको छ ।

नेपाली काँग्रेस वालिङ नगर समितिका सभापति नेत्रप्रसाद पाण्डेले जनताबाट अनुमोदित भएका पराजुलीको निधनले काँग्रेसले पार्टीका संगठक, एक योद्धा र जनप्रेमी नेता गुमाएको बताएका छन् । दुई महिना अगाडी चापाकोट नगरपालिकाका वडा सदस्यको निधन भएको थियो ।

सम्बन्धित समाचार

सञ्चार क्षेत्रलाई थप व्यवस्थित गर्न जुटे सुन्दरहरैंचाका सञ्चारकर्मी मानव सेवा आश्रममा ४ हजार १४६ जनालाई पारिवारिक मिलन रविलाई अनुसन्धानका लागि म्याद थप्ने सम्भावना प्रवल उपभोक्ताको मुद्दा सम्बोधन गर्न उपभोक्ता अदालत गठन गरिँदै गोदाबरी पुष्प प्रदर्शनी तयारी मुख्यमन्त्री पाण्डेको बढ्यो सम्पत्ति काठमाडौँमा वायु प्रदूषण बढ्यो, कारण के ? स्वर्णिम वाग्लेले हिरासतमा लामिछानेलाई दिए पुस्तक उपहार कुपन्डोलको बीच सडकमा कसरी भयो यो दुर्घटना अर्घाखाँचीमा भारतीय नम्बरको कार दुर्घटना, १ को मृत्यु पर्खाल लडेर पुरिदा एक जनाको मृत्यु एक जना घाइते इन्डोनेसियामा ज्वालामुखी विस्फोट हुँदा १० जनाको मृत्यु