मुम्बई । दीपावलीको अबसरमा रिलिज भएको अजय देवगनको महत्वकाँक्षी चलचित्र ‘सिंघम अगेन’ले पहिलो साता भारतमा निकै राम्रो व्यापार गरिरहेको छ । बलिउडका एक दर्जन स्टार कलाकारको जमघट भएकाले पनि सिंघम एगेनलाई दर्शकले साथ दिईरहेको छन् । यो चलचित्रले चार दिनमा भारतमा १२५ करोडको व्यापार गरेको छ ।

यिनै अभिनेता अजय देवगन यतिबेला आफ्नो अर्को नयाँ चलचित्र ‘आजद’को तयारीमा छन् । हालै छायाँकन सम्पन्न भएको यो चलचित्रबाट अजयले दुई नयाँ चलचित्रलाई बलिउडमा डेब्यु गराउँदै छन् । उनले यो चलचित्रबाट आफ्ना भतिजा अमन देवगनलाई नायकको रुपमा बलिउडमा डेब्यु गर्दैछन् ।

यसैगरी चलचित्र आजादबाटै अभिनेत्री रविना टण्डनकी छोरी राशा थडानीलाई पनि नायिकाको रुपमा अजय देवगनले डेब्यु गराउँदै छन् । सोमबार मात्र अजय देवगनले सामाजिक सञ्जालमा एक पोस्ट सेयर गर्दै ‘आजाद’ को टिजर चाँडै सार्वजनिक गर्न लागिएको जानकारी दिएका छन् । अजयले यो चलचित्रबाट डेब्यु गर्न लागेका अमन र राशालाई पनि शुभकामना दिएका छन् ।

चलचित्र आजादको टिजर मँगलबार रिलिज गरिएको छ । यो चलचित्रबाट अमन र राशा बलिउडमा स्थापित हुने देखिन्छ । उनीहरुको फस्ट लुक्स नै निकै प्रसँसनीय बनेको छ । अजयले इन्स्टाग्राममा आगामी चलचित्र आजादको पोस्टर सार्वजनिक गर्दै लेखेका छन्, ‘जब पनि मित्रता र वफादारीको चर्चा हुन्छ । त्यतिबेला आजादको मात्रै चर्चा हुन्छ ।’

सम्बन्धित समाचार

विमल गुरुङ कृति पुरस्कारको लागि १० कृति मनोनित डमी स्वरले गायिका बनायो बेनिसा पौडेललाई हिन्दी र तामिलमा गजनी २ ‘फेश अफ क्लासिक डायण्ड’को खोजी नेपाली कलाकारसँग बाँसुरी धुन बजाउँदै रमाए थाई राजदुत नेपालमै नेपाली र हिन्दी भाषामा रिलिज हुँदै ह्रस्व दीर्घ कस्मेटिक सर्जरीले मुख बाँगो भएपछि आलियाको टिप्पणी सृष्टि बनिन् मिस पोखरा डेनिलाले जितिन् मिसेस नेपाल वल्डको उपाधि ‘दउरा घाटे के लेजाई….’ बोलको भोजपुरी छठ गीत गाउँलेसँग कपडा मागेरै चलचित्र खेले मुकुनले ‘मुटु रेटियो’ मा मुकुन्द भट्ट र स्मारिका ढकालको अभिनय