लमजुङ । लमजुङमा १२ वर्षीया बालिकालाई जवर्जस्ती करणी मुद्दाका फरार आरोपिलाई प्रहरीले साढे पाँच महिनापछि पक्राउ गरेको छ । उनी मस्र्याङदी गाउँपालिका– २ बस्ने बर्ष २५ को भक्तबहादुर गुरुङ भएको प्रहरीले जनाएको छ ।

उनलाई कास्की पोखरा महानगरपालिका– ३२ तल्लो गगनगौंडा टोलमा लुकीछिपि बसेको अवस्थामा प्रहरीले पक्राउ गरी जिल्ला प्रहरी कार्यालयमा ल्याएको जिल्ला प्रहरी कार्यालय लमजुङका सूचना अधिकारी प्रहरी निरीक्षक टुलबहादुर श्रेष्ठले बताए ।

उनका अनुसार गुरुङले पीडित १२ बर्षीया बालिका नामथर परिवर्तित २०८०।०८१–३८(२०) कुमारीलाई जवर्जस्ती करणी गरेको कसुरमा भक्तबहादुर गुरुङलाई प्रहरीले पक्राउ गरेको हो । उनले २०८० सालको फागुन २४ गते ती बालिकालाई जवर्जस्ती करणी गरेको पीडित पक्षको उजुरीका आधारमा मुद्दा चलाइएको प्रहरी भनाइ छ ।

वारदात पश्चात भागी फरार रहेका, निज प्रतिवादी भक्तबहादुर गुरुङलाई पक्राउ गर्नको लागि सम्मानित लमजुङ जिल्ला अदालतबाट गत जेठ ४ गते पक्राउ अनुमती पाएको जिल्ला प्रहरी कार्यालय लमजुङका सूचना अधिकारी प्रहरी निरीक्षक टुलबहादुर श्रेष्ठले जानकारी दिए ।

उनका अनुसार जिल्ला प्रहरी कार्यालय लमजुङद्वारा बिशेष रूपमा खोजतलास गर्ने क्रममा कास्की प्रहरीको समन्वय रर सहयोगमा गुरुङलाई पक्राउ गरिएको हो । कास्कीको पोखरा महानगरपालिका– ३२ तल्लो गगनगौंडा टोलमा लुकीछिपि बसेको अवस्थामा पक्राउ गरिएको जिल्ला प्रहरी कार्यालय लमजुङका सूचना अधिकारी प्रहरी निरीक्षक श्रेष्ठले जानकारी दिए ।

उनका अनुसार पक्राउ परेका अभियुक्त गुरुङविरुद्ध लमजुङ जिल्ला अदालतबाट जवर्जस्ती करणी सम्बन्धी कसुरमा १० दिनको म्याद लिई थप अनुसन्धान थालिएको छ ।

सम्बन्धित समाचार

मित्र मिलन सहकारीका उपाध्यक्ष विजय लम्साल पक्राउ रविलाई अनुसन्धानका लागि म्याद थप्ने सम्भावना प्रवल जंगलमा हराएका आन्तरिक पर्यटकको उद्धार कुकुरले सुँघ्ने क्रममा नियन्त्रित औषधीसहित यसरी परे मगर प्रहरीको फन्दामा अपांगता भएको व्यक्तिका दुवै हात भाँचिदिने ‘बब’ पक्राउ मुख्यमन्त्री पाण्डेको बढ्यो सम्पत्ति तिहारका लागि मुस्ताङबाट ४ हजार भेडाच्याङग्रा बिक्री ९ लाख रुपैयाँसहित १५ जुवाडे पक्राउ फरार बिनु कम्बोडियावाट पक्राउ मानसिक सन्तुलन गुमाएकी युवती करणी गरेको आरोप लागेका व्यक्तिलाई उन्मुक्ति ! मस्याङ्दी महोत्सवमा २५ लाख बढीको भिरमह बिक्री गर्ने तयारी वडा सदस्यको निधनमा वालिङ नगरमा शोक विदा