काठमाडौं । गायक विनय कार्की क्षेत्रीले आफ्नो नयाँ गीत ‘किन छिन् छिन्…’ को भिडियो काठमाडौंमा एक समारोहबीच सार्वजनिक गरेका छन् । उनको यो नविनतम गीतमा कमल खत्रीको रचना तथा संगीत रहेको छ । यो गीतमा गायक विनयले अञ्जना सारुसँग युगल स्वर दिएका छन् । गायिका सारू ‘इमेज लोककलाकार सिजन १’की विजेता हुन् ।
उनको यो गीतको भिडियोमा श्रद्धा क्षेत्री, विक्राम पोखरेल तथा आरोही कार्की क्षेत्रीको अभिनय गरेका छन् । भिडियोलाई नितिन चन्दले निर्देशन गरेका हुन् । गीत रोमाञ्चक भावको रहेको छ ।
६० को दशकमा लोकप्रिय बनेको ‘जब तिमी एक्लै थियौं..’ गीतबाट गायन यात्रा सुरु गरेका विनयले बिचमा गायन छाडे पनि पछिल्लो समय गायनलाई निरन्तता दिँदै आएका छन् । यो गीत रिलिज कार्यक्रममा विनयले जब तिमी एक्लै थियौं गीतको लोकप्रियता सम्झदै त्यतिबेला गीतसंगीतको माहौल निकै राम्रो भएको बताए । आफु केही वर्ष संगीत संयोजनमा व्यस्त भएर पनि फेरी गायनमा सक्रिय नभएको उनले खुलाए ।
पछिल्लो समय गायनमा सक्रिय हुने क्रममा ‘भ्वाइस अफ नेपाल, सिजन २’मा उनी ब्लाइन्ड अडिसनमा चयन भएर अघि बढे । तर उनी दोश्रो चरणबाट माथि जान सकेनन् । त्यतिबेला उनले गायको ‘भूमो’ गीतले निकै चर्चा पाएको थियो ।
दर्शकले आफुलाई नयाँ गीतको ’boutमा सोधेपछि यतिबेला यो नयाँ गीत ल्याएको पनि उनले बताएका छन्,‘हुन त पछिल्लो समयका दर्जन टेली चलचित्रको पाश्र्व गायनमा सक्रिय छु । तै पनि गीतको ग्यापलाई अब निरन्तता दिने छु’ विनयले भने ।
