किएभ । किएभले शुक्रबार रुसी अधिकारीहरूले लडाइँमा मारिएका युक्रेनी सैनिकहरूको ५ सयभन्दा बढी शव फिर्ता गरेको र तीमध्ये अधिकांश पूर्वी डोनेट्स्क क्षेत्रमा मारिएका बताएको छ ।

रुस र युक्रेनले द्वन्द्वको पहिलो महिनादेखि नै शव र युद्धबन्दीहरू साटासाट गर्दै आएका छन् । दुवै पक्षका क्षतिहरू उच्च मानिएका छन् । ‘स्वदेश फिर्ता गर्ने गतिविधिको परिणामस्वरूप युक्रेन सरकार नियन्त्रित क्षेत्रमा ५ सय २ जना वीर योद्धाका शवहरू फर्काइएका छन्,’ किएभको युद्धबन्दी व्यवस्थापनको समन्वय मुख्यालयले सामाजिक सञ्जालमा भनेको छ ।

लडाइँ सबैभन्दा तीव्र भएको युद्धग्रस्त डोनेट्स्क क्षेत्रबाट ३ सय ९७ शव फर्काइएको केन्द्रले बताएको छ । २४ जना पूर्वीलुगान्स्क क्षेत्रबाट र ६४ जना दक्षिणी जापोरिजिया क्षेत्रबाट फर्केका छन् भने १७ जनालाई रुसी भूभागमा रहेको मुर्दाघरबाट फिर्ता पठाइएको छ । ‘अन्तर्राष्ट्रिय रेडक्रस समितिको सहयोगका लागि हामी कृतज्ञ छौं,’ किएभको केन्द्रले भनेको छ ।

शवलाई फरेन्सिक मेडिकल जाँचका लागि लगिने र ‘विशेषज्ञ संस्थाहरूसँग मिलेर मृतकलाई सकेसम्म चाँडो पहिचान गरिने’ बताइएको छ । रुसले भने आफ्ना शवहरू फर्काएको घोषणा गरेको छैन ।

सम्बन्धित समाचार

अफिसमा रोमान्स गर्नेलाई १२ सय पुरस्कार ! नरेन्द्र मोदीको सुरक्षामा महिला एसपीजी कमाण्डो आएकी हुन ? जहाँ गरिबी त्यहीँ महँगी बढी एकै दिनमा २० हजार बढीले अवलोकन गरे ‘बुद्धभूमि महोत्सव’ नारी शृङ्गारवारे रेखा थापाको यस्तो दृष्टिकोण गृह मन्त्रालयद्वारा गुनासो सुनुवाई कक्ष स्थापना यौन क्षमता बढाउने ‘यार्सा किङ’ नक्कली, लुभुमा फ्याक्ट्री