काठमाडौं । प्रभु बैंक लिमिटेडको २३ औं वार्षिक साधारण सभा सम्पन्न भएको छ । सोमबार राजधानीमा सम्पन्न सो साधारण सभाबाट बैंक संस्थापक र सर्वसाधारण तर्फबाट ६ जना नयाँ सञ्चालक चयन भएका छन् ।
संस्थापक र सर्वसाधारण तर्फबाट ६ जना नयाँ सञ्चालक चयन
सोमबार बैंकको केन्द्रीय कार्यालयमा सम्पन्न साधारण सभाबाट संस्थापक शेयरधनी तर्फ अम्बिका शर्मा लामिछाने, अंगिरमान सिंह, र वृषबहादुर बस्नेत निर्वाचित भएका छन्। यसैगरी, सर्वसाधारण शेयरधनी तर्फबाट सुरजकुमार श्रेष्ठ, किशोरजंग कार्की, र राजु पौडेल नयाँ सञ्चालकका रूपमा चयन भएका छन् ।
सो साधारण सभामा भएको निर्वाचनमा संस्थापक र सर्वसाधारण दुवै समूहका शेयरधनीहरूले मतदान मार्फत आफ्ना प्रतिनिधि चयन गरेका थिए । प्रभु बैंक सञ्चालक समितिका अध्यक्ष लिलाप्रकाश सिटौलाको अध्यक्षतामा सम्पन्न सो साधारण सभाले सञ्चालक समितिले प्रस्ताव गरे बमोजिमका विभिन्न निणर्यहरु समेत पारित गरेको छ ।
सो साधारण सभाले नयाँ सञ्चालक चयन भएका नेतृत्वलाई थप सुदृढ बनाउँदै लगानीकर्ता तथा ग्राहकलाई अझ प्रभावकारी सेवा प्रदान गर्ने अपेक्षा गरिएको सो बैंकले जनाएको छ ।