काठमाडौं । काठमाडौंको तीनकुनेमा राजावादी समूहले गरेको प्रदर्शनमा प्रहरीले अश्रुग्यास प्रहार गरेको छ । निषेधित क्षेत्र तोड्न खोजेपछि स्थिति नियन्त्रणमा लिन प्रहरीले बल प्रयोग गरेको हो । अश्रुग्यास प्रहारसँगै प्रदर्शनस्थलमा भागदौड मच्चिएको छ ।
राजसंस्था पुनस्र्थापना तथा हिन्दू राष्ट्रको मागसहित विभिन्न स्थानबाट प्रदर्शनकारीहरू तीनकुनेमा भेला भएका थिए । सुरक्षाकर्मीहरूले प्रदर्शनलाई निषेधित क्षेत्रभित्र प्रवेश गर्न नदिन बानेश्वरतर्फ जाने सडक अवरुद्ध गरेका थिए ।
तर, प्रदर्शनकारीहरूले प्रहरी घेरा तोड्ने प्रयास गरेपछि अश्रुग्यास प्रहार गरिएको प्रहरीले जनाएको छ । सभाका लागि राजधानीका विभिन्न क्षेत्रबाट राजसंस्थाका समर्थकहरू तिनकुनेमा आउँदै थिए ।
तर, सभा शुरु हुनुअघि नै तनाबको स्थिति सिर्जना भएपछि सुरक्षा सतर्कता थप कडा पारिएको छ । घटनास्थलमा थप सुरक्षाकर्मी परिचालन गरिएको छ भने प्रहरीले प्रदर्शनकारीहरूलाई शान्त रहन आग्रह गरेको छ ।
