मुम्बई । बलिउडमा आफ्नो अभिनयमार्फत २५ वर्ष पूरा गरेका अभिनेता ऋतिक रोशन अव निर्देशनमा उत्रने भएका छन् । निकै अघि घोषणा गरिएको चलचित्र कृष ४ अब आफूले निर्देशन गर्ने यी अभिनेताले जनाएका छन् ।
कृष ४ का अभिनेता ऋतिक रोशन आफैँ मुख्य भूमिकामा हुनेछन् । यो सँगै उनले यस चलचित्रको निर्देशन पनि गर्ने जनाएका छन् । यो चलचित्रबाट उनले निर्देशनमा डेब्यू गर्न लागेका हुन् । यसअघि निर्माण भएका कृषका सृंखलाहरु उनका बुबा राकेश रोशनले निर्देशन र निर्माण गरेका थिए ।
तर यसपटक ऋतिक रोशनले आफ्नो बुबाको सिंहासन सम्हाल्न लागेका हुन् । यो चलचित्रको निर्मातामा राकेश रोशनसँगै आदित्य चोपडा पनि हुने छन् । ऋतिक रोशनले यस अघि यशराज फिल्म्ससँग चलचित्र धूममा पनि काम गरिसकेका छन् ।
कृष चलचित्रको फ्रान्चाइजी २००३ मा निर्माण भएको थियो । यसको पहिलो शृङ्खलाको नाम ’कोई मिल गया’ थियो । कृष भने सन २००६ मा रिलिज भएको थियो । यस्तै कृष ३ सन २०१३ मा चलचित्र घरमा आएको थियो । अब कृष ४ को निर्माण हुने भएको छ । यसको निर्माण घोषणा केही वर्ष अघि गरिएको थियो ।
राकेश रोशनले यस चलचित्रको निर्देशन’bout भने, ‘म कृष ४ को निर्देशनको जिम्मेवारी मेरो छोरा ऋतिक रोशनलाई सुम्पिरहेको छु । उनले यो फ्रान्चाइजी मसँगै सुरु गरेका थिए र उनले नै यसलाई अघि बढाएका छन् भने यसैमा बाँचेका ऋतिकले यसको ’boutमा सपना पनि देखेका छन् ।’
