भारत–पाकिस्तानबीचको चर्किंदो तनावका कारण सीमावर्ती क्षेत्रका बासिन्दाहरूले आफ्नो परिवारलाई सुरक्षित स्थानमा सार्न थालेका छन् । जम्मु–कश्मीरस्थित चेनाब नदी किनारको सेन्थ गाउँबाट करिब १,५०० मानिसहरू द्वन्द्वको डरले फिर्ता भएका हुन् ।
गाउँ प्रमुख सुखदेव कुमारका अनुसार, बारम्बारको तनावका कारण दीर्घकालीन योजना बनाउन नसकिएको र अधिकांश बासिन्दाले सामान्य आवास मात्रै बनाएका छन् ।
पहलगाममा अप्रिल २२ मा भएको चरमपन्थी आक्रमणपछि भारत र पाकिस्तानबीचको सम्बन्ध झनै चिसिएको छ । भारतले पाकिस्तानलाई आक्रमणमा संलग्न रहेको आरोप लगाएपछि सम्बन्ध थप बिग्रिएको हो ।
भारतले सीमामा पाकिस्तानी सेनासँग गोली हानाहान भएको जनाएको छ भने पाकिस्तानले भारतको आरोप अस्वीकार गरेको छ । सन् १९९९ को द्वन्द्वपछिका सबैभन्दा तनावपूर्ण अवस्थाको सामना गरिरहेको कश्मीर क्षेत्र फेरि द्वन्द्वको घेरामा परेको छ ।
यता, अमेरिकी, चिनियाँ र युरोपेली कूटनीतिक पक्षहरूले संयम अपनाउन र वार्ताबाट समाधान खोज्न भारत–पाकिस्तानलाई आग्रह गरेका छन् । अहिले पनि धेरै बालबालिका र बासिन्दा भयको वातावरणमा बसिरहेका छन् ।
