काठमाडौँ । नेपाली काँग्रेसका सभापति शेरबहादुर देउवाले राष्ट्र बैंकको गभर्नर छिट्टै नियुक्त हुने बताएका छन् । पार्टीको पदाधिकारी बैठकमा नेताहरूले गभर्नर नियुक्त ढिलो भएको प्रति जिज्ञासा राखेपछि सभापति देउवाले चाँडै नियुक्त हुने जानकारी गराएका थिए ।

सभापति देउवा निवासमा बुढानीलकण्ठमा शुक्रबार बिहान बसेको बैठकमा नेताहरुले राष्ट्र बैंकको गभर्नर नियुक्त गर्न धेरै ढिला भएकोमा चासो राखेका थिए ।

त्यसमा सभापतिले दिएको जवाफ उद्धृत गर्दै प्रवक्ता डा. प्रकाशशरण महतले भने, ‘सभापतिले यो चाँडै टुंगिन्छ । प्रोफेसनल, व्यावसायिक व्यक्तिको हातमा राष्ट्र बैंकको नेतृत्वमा जानुपर्दछ । एउटा सहमतिबाट निर्णय हुन्छ भन्नुभएको छ ।’

काँग्रेस र एमालेबीचमा सहमति हुन नसक्दा गभर्नर नियुक्त हुन सकेको छैन । संवैधानिक निकायमा पदपूर्ति गर्न सरकारको ध्यानाकर्षण गराउने विषयमा पनि काँग्रेस पदाधिकारी बैठकमा छलफल भएको छ ।

महतका अनुसार टीआरसीलाई टुंगोमा पुर्‍याउन संरचना बनाउन अन्य दलसँग छलफल गरिने भएको छ । बैठकमा शिक्षा विधेयकका ’boutमा पनि छलफल भएको महतले जानकारी गराएका छन् ।

सम्बन्धित समाचार

सरकार र शिक्षक महासंघ प्रतिनिधिबीच ९ बुँदामा सहमति संक्रमणकालीन न्याय अनिश्चित बन्दै रेशम पक्राउको जवाफ नदिए सरकारबाट बाहिरिने नागरिक उन्मुक्तिको चेतावनी देउवालाई दबाबमा राख्न ओली–प्रचण्ड खासखुस बामपन्थी नेता प्रदीप नेपालको निधन जसले ‘इच्छापत्र’मा लेखेका थिए– ‘मलाई झन्डा ओढाउने वा मृत्युपछिको तामझामबाट टाढै राख्नु’