उदयपुर । जिल्ला प्रहरी कार्यालय उदयपुरमा कार्यरत प्रहरी सहायक निरीक्षकको सवारी दुर्घटनामा सनिवार ज्यान गएको छ । त्रियुगा नगरपालिका– ८ राजाबासका ३० वर्षिय प्रहरी सहायक निरिक्षक बिरोध खतिवडाको ईटहरीबाट बिराटनगर जाने क्रममा कोशी लोकमार्ग खण्डको दुहबी नगरपालिका– ३ स्थित फुटानी चोकमा प्र २–०१–००१ च ०२५१ नम्बरको पिक अप भ्यान आफैँ अनियन्त्रित भई सडकको बायाँ किनारमा रहेको फलामको रेलिङमा ठोक्किएर दुर्घटना हुँदा ज्यान गएको कोशी प्रदेश प्रहरी कार्यालय बिराटनगरले जनाएको छ ।

उनी सवारी पिक अप भ्यान अनियन्त्रित भई दर्घटना हुँदा त्यसमा सवारी चालक उदयपुरको त्रियुगा नगरपालिका– ६ का ३८ वर्षिय सुरेश कार्की र उनकी १४ वर्षीया छोरी रोजिना कार्की घाइते भएका छन् । उनीहरूको बिराट टिचिङ अस्पताल बूढीगंगामा उपचार भइरहेको प्रहरीले जनाएको छ ।

दुर्घटनामा ज्यान गुमाएका प्रहरी सहायक निरिक्षक खतिवडा नेपाल प्रहरी नारायणहिटी सुरक्षा गारद गुल्म काठमाडौं दरबन्दी भई जिल्ला प्रहरी कार्यालय उदयपुरमा कार्यरत थिए । उनको शब पोष्टमार्डम गरि गाईघाट ल्याउने तयारी भई रहेको परिवारले जनाएका छन ।

सम्बन्धित समाचार

घरको छतबाट लडेर प्रहरीका असईको मृत्यु परिवार नै सहकारी ठगीमा, पूर्व अध्यक्ष खनाल पक्राउ उत्कृष्ट खेल पत्रकार अवार्ड नेपाललाई दैलेखमा चट्याङ पूर्वसूचना प्रणाली जडान गर्न सांसद रानाको माग बन्चरे गोलाईको ढलानमा माटो देशभित्रै थुप्रै रोजगारी सृजना गर्न सकिने श्रममन्त्री भण्डारीको दाबी केपिलासगढीमा महिलाका लागि नवउद्यम अनुदान कार्यक्रम सुरू विद्यार्थी र सशस्त्र प्रहरीबाट आगो नियन्त्रण तीन दिवसीय कार्यक्रमका साथ बुद्धजयन्ती मनाइँदै