काठमाडौं । ‘मिसेस् वल्र्ड’को नेपाल संस्करण ‘मिसेस् नेपाल वल्र्ड २०२५’ को घोषणा गरिएको छ । आयोजक संस्था रिबन इन्टरटेनमेन्ट प्रा.लि.ले आइतबार ललितपुरमा पत्रकार सम्मेलन आयोजना गर्दै नयाँ संस्करणको ‘ चौथो मिसेस् नेपाल वल्र्ड २०२५’ को लागि आवेदन खुला गरिएको जानकारी गराइयो ।

गत वर्ष देश विदेशबाट २५० भन्दा बढी फारम प्राप्त भएको जानकारी गराउँदै आयोजक पक्षले यस पटक सो भन्दा बढी फारम प्राप्त हुने विश्वास आफूहरुले लिएको जनाए ।

यो प्रतियोगिताको पहिलो चरणको अडिसन आगामी १७ साउनमा काठमाडौँमा हुने र त्यसपछि छनोट भएकाहरूलाई विभिन्न प्रशिक्षणमार्फत अन्तिम प्रतिस्पर्धामा उतारिने आयोजक पक्षले पत्रकार भेटघाटका क्रममा बतायो । मिसेस् नेपाल वल्र्ड २०२५ को चयन आगामी २८ असोजमा नेपाल प्रज्ञा प्रतिष्ठानमा एक समारोहबिच गरिने पनि कार्यक्रममा जानकारी गराइयो ।

महिला सशक्तीकरण, आत्मविश्वास, सामाजिक सहभागिता र प्रतिभा प्रदर्शनको सशक्त मञ्चको रूपमा स्थापित यस प्रतियोगिता देश–विदेशमा नेपाली महिलाहरूको पहिचान विस्तार गर्ने उद्देश्यले विगत चार वर्षबाट यो प्रतियोगिता आयोजना गर्दै आएको आयोजक संस्थाका अध्यक्ष निशुकान्त झाले कार्यक्रममा बताए । यस वर्षको प्रतियोगिता विगतको भन्दा अझ बृहत् र व्यवस्थित ढंगले आयोजना गरिने उजाउँदै अध्यक्ष झाले भने, ‘यस पटकको मिसेस् नेपाल वल्र्ड प्रतियोगिता केवल सौन्दर्य र प्रतिभा प्रस्तुति मात्र नभई, महिलाहरूको नेतृत्व, आत्मविश्वास, र सामाजिक उत्तरदायित्वलाई उजागर गर्ने गहिरो अभियानका रूपमा अघि सारिएको छ ।’

झाका अनुसार यस प्रतियोगितामा सहभागी हुनको लागि उचाइ र तौलको कुनै मापदण्ड राखिएको छैन । न्यूनतम एसइई उत्तीर्ण गरेका विवाहितसँगै सम्बन्ध विच्छेद भएका एकल महिलाहरूले पनि यो प्रतियोगितामा भाग लिने पाउने झाले जानकारी गराए । उनका अनुसार यस पटक मिसेस् नेपाल वल्र्डसँगै मिसेस् नेपाल इन्टरनेसनल र एमएस इन्टरनेसनल उपाधिका विजेता पनि सोही मञ्चबाट घोषणा गरिने छ । विजेता मिसेस् नेपाल वल्र्डले आगामी वर्ष अमेरिका हुने मिसेस् वल्र्ड २०२५ मा नेपालको प्रतिनिधित्व गर्ने अवसर प्राप्त गर्नेछिन् ।

पत्रकार भेटघाटमा बोल्दै मिसेस् नेपाल वल्र्ड २०२४ डेनिला कार्कीले यो प्रतियोगितामा सहभागी भएर आफूले धेरै कुरा सिक्ने अवसर पाएको बताइन् । आफू चाँडै नै मिसेस् वल्र्डको ग्रान्ड फिनालेमा नेपालको प्रतिनिधित्व गर्दै जाने तयारीमा रहेको पनि उनले जानकारी गराईन् ।

पत्रकार भेटघाटका क्रममा अभिनेता केदार प्रसाद घिमिरे (माग्ने बुढा)ले विभिन्न पेशामा रहेका महिलाका लागि आफ्नो प्रतिभा स्वदेशदेखि विदेशसम्म प्रस्तुत गर्न यो उपयुक्त प्लेटफर्म भएको बताए ।

अभिनेत्री दीपिका प्रसाईँले विश्वभरका विवाहित महिलाहरूको लागि मिसेस् वल्र्ड प्रतियोगिता निकै महत्वपूर्ण भएको बताइन् । जसमा नेपाली महिलाहरूले सहभागी जनाउनु राम्रो अवसर भएको पनि उनले बताईन् ।

यो प्रतियोगितामा अफिसियल कोरियोग्राफरको रूपमा आश्विनीकान्त झा रहेका छन् । प्रतियोगीलाई पूर्ण रूपमा दक्ष बनाएर आफूले अन्तिम प्रतिस्पर्धामा उतार्ने कोरियोग्राफर अश्विनीले कार्यक्रममा बताए ।

मिसेस् नेपाल वल्र्ड २०२५ को नृत्य कोरियोग्राफर सन्दीप भुजेल, सह कोरियोग्राफ आईना गजुरेल,प्रशिक्षण संयोजक सम्राट शाह र गंगा महर्जन रहेका छन् ।

सम्बन्धित समाचार

अहिलेसम्मकै ठुलो धनराशी पुरस्कार रहेको व्राण्ड एम्वेसडर हन्ट सुरु अब डिजिटल मेसिनबाट संगीत रोयल्टी संकलन ‘विवाहित महिला सौन्दर्य’मा लक्ष्मीदेवी सर्वोकृष्ट ४० वटा चलचित्र घरमा ऊनको स्वीटरको ५१ औँ दिन अब अनलाइनबाटै चलचित्र विकास बोर्डका १८ सेवा अभिनेत्री शेफालीको मृत्युको कारण ‘बुढ्यौली प्रतिरोधी सुई’ गायिका एलिना र समीक्षाले भेटे गृहमन्त्री, भेटपछि यसाे भन्छिन एलिना प्रभासले लिए फिश वेंकटको उपचारमा आर्थिक संकलन जिम्मा