मुम्बई । जीवन यात्राको आधा शताब्दी टेक्न लागेकी बलिउड अभिनेत्री सुष्मिता सेन आज पनि अविवाहित छिन् । उनलाई विवाहको प्रस्ताव नआएको हैन । तर उनले हरेक प्रस्तावलाई अस्वीकार गर्दै आएकी छिन् । आफ्नो करिअरको सुरुवातमै प्रेम सम्बन्धमा परेकी यी अभिनेत्रीको सो सम्बन्ध टुटेपछि विवाहको लागि मन परेको रहेछ ।

मिस युनिभर्सको रूपमा प्रसिद्ध कमाएर बलिउड चलचित्रमा अभिनेत्रीको रूपमा राज गरेकी सुष्मिताको प्रेम सम्बन्ध त्यति सुखद छैन । धेरै चलचित्रमा सफल प्रेमिकाको रूपमा प्रस्तुत भएकी यी अभिनेत्रीलाई जसले करिअरको सुरुवातमा प्रेममा साथ दिए । आफूले प्रेमलाई सुखद रूपमा अघि बढाउने क्रममा सुष्मिताको प्रेमीले करिअर नै छाड्नु परेको यी अभिनेत्री भनाइ छ ।

सुष्मिता सेनको भनाइमा उनी मिस युनिभर्स प्रशिक्षणको क्रममा रजत ताराले उनलाई धेरै नै सहयोग गरेका थिए । त्यति बेला सुष्मिता र रजत प्रेम सम्बन्धमा थिए । आफूहरू दुवै त्यति बेला पहिलो प्रेममा रहेको पनि सुष्मिताले स्मरण सुनाएकी छिन् ।

मिस युनिभर्सको लागि दिल्लीबाट सुष्मिता मुम्बई सर्नु परेको थियो । त्यति बेला सुष्मिता र रजत गहिरो प्रेम सम्बन्धमा परिसकेका थिए । सुष्मिताको हौसलाकै लागि आफ्नो जागिरबाट बिदा लिएर रजत सुष्मितासँगै त्यति बेला मुम्बई गएका थिए ।

आज रजतसँग सुष्मिता सेन छैनन्, उनी अझै पनि रजतलाई सम्झन्छिन्। अभिनेत्रीले त्यो समयको ’boutमा भनिन्, ‘मेरो लागि कम्पनीसँग बिदा मागेर मुम्बई गएका रजतलाई केही दिनमै कम्पनीले आउन दवाव दिएपछि उनले जागिर छाडेका थिए । म त्यहाँ एक्लो हुनु हुँदैन भन्ने चाहना रजतको थियो ।’

यद्यपि, मिस युनिभर्स बनेपछि रजत र सुष्मिताको सम्बन्ध लामो समयसम्म टिकेन । आजकाल आफू रजतको र रजत आफ्नो सम्पर्कमा समेत नभएको पनि सुष्मिताले बताएकी छिन् । मिस युनिभर्स बनेकी सुष्मिताको व्यस्तता र अन्य कारणले उनले आपसी सहमतिमा रजत तारासँग प्रेम सम्बन्ध विच्छेद गरेकी थिइन् ।

त्यो प्रेम सम्बन्धको ब्रेकअपको ’boutमा सुष्मिताले भनिन्,‘कहिलेकाहीँ जीवन यसरी अगाडि बढ्छ कि मानिसहरू पनि जीवन यात्रा र करिअरसँगै अगाडि बढ्नु पर्ने रहेछ । मेरो प्रेम सम्बन्ध पनि सोही कारण अघि बढ्न सकेन ।’

सुष्मिताले भनिन् कि उनी आज जे छिन्, त्यो आंशिक रूपमा रजतको माया र विश्वासको कारणले हो । आज पनि यी अभिनेत्री रजत प्रति आभारी छिन् । यद्यपि, आजकल रजत कहाँ छन् भन्ने आफूलाई समेत थाहा नभएको पनि सुष्मिताले बताएकी छिन् । सुष्मिताकै चाहना अनुसार उनको जीवनबाट रजत टाढा भएपछि सम्पर्कमा समेत नआएका रहेछन् ।