उदयपुर । सिद्धिचरण लोकमार्ग सडक खण्डको उदयपुरको कटारी नगरपालिका– १४ पाखिमारे त्रिचालिस किन्दु भिरबाट बोलेरो खस्दा एक जनाको ज्यान गएको छ । ना–१–ज ५८१२ नम्बरको टाटा सुमो गाडी दुर्घटना हुँदा ललितपुर महालक्ष्मी नगरपालिका–९ लिबुका ३४ वर्षिय दिपेन्द्र के.सी.रहेको जिल्ला प्रहरी कार्यालय उदयपुरका सुचना अधिकारी प्रहरी नायब उपरिक्षक (डिएसपी) केदारमान दोङले जानकारी दिए । चार दिन अघि मध्यराती दुर्घटना भएको बोलेरो र लास आज मंगलवार बिहान फेला पारेका हुन ।

टाटा सुमो गाडी चलाई काठमाडौंबाट उदयपुरको ताप्ली गाउँपालिका– ५ रुपाटार आउँदै गरेका उनको दुर्घटनामा परेको हो । काठमाडौंदेखि उदयपुर आउदै गरेका दिपेन्द्र केसी चार दिनपछि आफू सवार गाडी सहित मृत फेला परेका छन् । उनी तीन दिन अघि मंसिर १३ गते शनिबार काठमाडौंबाट उदयपुरको रुपाटाँर जाने भन्दै टाटा सुमो गाडी आफैले चलाएर आएका थिए ।

स्थानीयका अनुसार खोजतलासपछि उदयपुरको घुर्मी नजिकै पाखेमारा भन्ने ठाउँमा सडकदेखि करिब १ किलोमिटर तल गाडी दुर्घटना भएको अवस्थामा केसी मृत भेटिएको जिल्ला प्रहरी कार्यालय उदयपुरले जनाएका छन् । गाडीमा एक्लै रहेका उनी मानव बस्तीबाट टाढा रहेको जंगल बीच मध्यरात करिब १२ बजेतिर दुर्घटना भएको हुन सक्ने अनुमान गरिएको छ ।

टाटा सुमो गाडी चालक केसी उनी सम्पर्क बिहीन भएको दिन राती ८ः५८ बजे बिपी लोकमार्ग अन्तर्गत खुर्कोट प्रहरी चेकपोस्टमा गाडी सहित इन्ट्री भएका बताइएको छ । लगतै राती १०ः५५ बजे उनले अन्तिम पटक परिवारलाई सम्पर्क गरी आफू उदयपुरको घुर्मी पुग्न करिब ७ किलोमिटर मात्र बाँकी रहेको जानकारी दिएका थिए । त्यसपछि गाडी सहित बेपत्ता भएका दिपेन्द्रको मोवाईल रिङ बजे पनि रिसिभ हुन छोडेपछि शंका लागेर परिवारले प्रहरीको सहयोगमा खोजी कार्य तीब्र बनाएको थियो । मोवाईल लोकेशन ट्रेस गर्दा लोकेशन घुर्मी नजिकै लगभग १०० मिटर वरिपरि देखिएपछि सोही क्षेत्र तिर आफन्त, स्थानीय र प्रहरीले खोजतलास बढाएसँगै दुर्घटनाग्रस्त गाडी र लाश पत्ता लागेको हो ।

सडकबाट बोलेरो १ किलोमिटर तल भिरमा छेदविछेद अवस्थामा रहेकोले घटनाबाट भएको अन्य क्षतिको विवरण ईलाका प्रहरी कार्यालय कटारीका प्रहरी निरिक्षकको कमाण्डमा गएका टोलीले थप अनुसन्धान र खोज तथा उद्धार गरि राखेको जनाएका छन । मृतकका लासलाई कानुनी प्रक्रिया पुरा गरि पोष्टमार्डमका लागि प्रादेशिक अस्पताल कटारी उदयपुरमा ल्याई राखिएको ईलाका प्रहरी कार्यालय कटारीले जनाएको छ ।

सम्बन्धित समाचार

विद्यार्थीलाई अभ्यासमूलक व्यवहारिक शिक्षा दिँदै ‘यशोधरा’ धार्मिक पर्यटकीय स्थल गङ्गा खोला संरक्षणमा जुट्दै स्थानीयबासी मनराम–एसकाज पत्रकारिता पुरस्कार पोखरेललाई तिहार र छठमा बस सेवावाट टिकट काट्ने ३० जनाले पाए चाँदीको बिस्कुट भोजपुरमा उद्योग दर्ता वर्षेनी घट्दो, खारेजी बढ्दो १० करोडको लागतमा किबी उद्योग सञ्चालनमा अभिभावक विहीन ३८ विद्यार्थीको जिम्मा लिँदै रोङ भोजपुरमा उद्योग दर्ता घट्दो, खारेजीमा धेरै