सुर्खेत । कर्णाली प्रदेशमा कोरोना संक्रमितको संख्या ४ पुगेको छ । प्रदेश अस्पताल सुर्खेतमा गरिएको परीक्षणमा शनिवार ३ जनामा कोरोना संक्रमण देखिएको हो। संक्रमणको पुनः पुष्टीका लागि स्वाब नेपालगंज पठाइएको थियो। नेपालगंजमा गरिएको परीक्षणमा पजि पोजेटिभ देखिएको हो। गत सोमबार दैलेखका १ जनामा कोरोना संक्रमण पुष्टी भएको थियो । यो संगै कर्णालीमा कोरोना संक्रमितको संख्या ४ पुगेकोे हो।
बिहीबार भारतबाट आएका १५ नेपालीमा आरडीटी पोजिटिभ देखिएकोमा प्रादेशिक प्रयोगशाला सुर्खेतमा गरिएको पीसीआर परीक्षणमा ३ जनाको रिपोर्ट पोजेटिभ देखिएको थियो ।
‘आरडीटी गर्दा पोजिटिभ देखिएकामध्ये ३ जनाको पीसीआर रिपोर्ट पनि पोजिटिभ आएको छ,’ कर्णाली प्रदेश अस्पताल सुर्खेतका निर्देशक डाक्टर डम्बर खड्काले भने, ‘पीसीआरमा पोजिटिभ देखिएका ३ जनालाई आइसोलेसनमा राखेर उपचार भइरहेको छ ।’ संक्रमित मध्ये २ जना बराहताल र एक जना चौकुने गाउँ पालिकाकाा रहेको बताइएको छ। बिहीबार भारतबाट फर्किएका १६ सय नागरिकमध्ये बबईमा ७ सय ४० जनाको आरडीटी गरिएको थियो ।
अहिलेसम्म चारै जनाको प्रदेश अस्पतालमा उपचार भइरहेको छ । उनीहरुको स्वास्थ्य अवस्था सामान्य रहेको निर्देशक खड्काले जानकारी दिए ।