तुलसीपुर । श्रीमतिको मृत्यु शंकास्पद भएपछि श्रीमानलाई प्रहरीले पक्राउ गरेको छ । पक्राउ पर्नेमा शान्तिनगर गाउँपालिका– ३ भलानेटी निबासी २१ बर्षका दिवश दर्लामी मगर रहेको इलाका प्रहरी कार्यालय तुलसीपुरका प्रवक्ता चक्र डम्बरपालले जानकारी दिएका छन् । मंगलबार राति साढे ८ बजे १८ बर्षकी सावीत्रा दर्लामी मगर घरको भान्छा कोठामा झुण्डिए आत्महत्या गरेको श्रीमानले बताए पनि अनुसन्धानका लागि भन्दै प्रहरीले दिवशलाई नियन्त्रणमा लिएको हो ।