काठमाडौं । बाजुराको हिमाली गाउँपालिका वडा नम्बर–३ स्थित लाम्पाटा क्षेत्रमा थप सुरक्षाकर्मी परिचालन गरिएको छ । सीमा विवादको विषयमा हुम्ला र बाजुराका स्थानीयको बिचमा झडप भएपछि सो क्षेत्रमा थप सुरक्षाकर्मी परिचालन गरिएको हो ।

विवाद भएको ठाउँमा लङ रुट पट्रोलका लागि इन्स्पेक्टर लक्ष्मीराज जोशीको कमान्डमा १६ जना सुरक्षाकर्मी त्यसतर्फ पठाइएको बाजुराकी डीएसपी शैलेश्वरी बोहराले बताइन् । उनले भनिन्– ‘त्यहाँका स्थानीयले असुरक्षित महसुस गरेपछि टिम पठाइएको हो ।’

इन्स्पेक्टर जोशीसँगै सशस्त्र प्रहरी बलका १० जना सुरक्षाकर्मी त्यसतर्फ गएका छन् । जिल्ला सदरमुकामबाट लाम्पाटा पुग्न ३ दिन पैदल हिँड्नुपर्छ । एलआरपीमा गएको टिमले त्यहाँको वस्तुस्थिति बुझेर फर्किने डीएसपी बोहराले जानकारी दिइन् ।

हुम्ला र बाजुराको सीमानामा अस्थायी प्रहरी चौकी निर्माण गर्ने विषयमा दुई जिल्लाका स्थानीय बिच वैशाख ३ मा झडप भएको थियो । झडपमा परेर बाजुराको हिमाली गाउँपालिका–५ लाम्पाटा घर भएका ५ जना घाइते भएका थिए ।

हुम्लाको नाम्खा, ताजाकोट, सर्केगाड र खार्पुनाथको सीमानामा रहेको बाजुराको लाम्पाटामा अस्थायी प्रहरी चौकी राख्ने निर्णय भएको थियो । चौकी स्थापना गर्न खोजेपछि हुम्लाका स्थानीयले कवारीखोला भन्दा वारिपट्टि आएर चौकीको संरचना बनाउन खोजिएको भन्दै विरोध गरेका थिए ।

कवारीखोला लाई हुम्लाका स्थानीयले दुई जिल्लाका सिमाना दाबी गरेको हुम्लाका डीएसपी शङ्कर खड्काले बताए । खार्पुनाथ गाउँपालिका–२ थलीका स्थानीयले हिमाली–३ का वडा सदस्य पेमा गारा गुरुङसहित ५ जनालाई कुटपिट गरेका हौँ ।

सुदूरपश्चिम चिनाउने अभियान लिएर त्यहाँ जाँदै गरेका धनगढीको मेयर गोपाल हमाल नेतृत्वको टिम साइपाल बेसक्याम्प नपुग्दै फर्किएको थियो ।

सम्बन्धित समाचार

लम्की–टीकापुर–खक्रौला सडक समयमै सम्पन्न नहुँदा सास्ती एकीकृत फोहरमैला व्यवस्थापन केन्द्र सञ्चालनमा ‘छायानाथ ट्रेलरअल्ट्रा म्याराथन २०२६’ सुरु त्रिदेशीय महत्वको ‘महाबु सडक’ निर्माणमा जोड ठाटीकाँध गाउँपालिकामा विद्यालय समायोजन लागू विश्वविद्यालयको उपकुलपतिका लागि प्राप्त आवेदनमाथि छानबिन सुरु रानीसैन संरक्षणका लागि संघीय सरकारलाई मेयर हमालको आग्रह मह काढ्ने परम्परालाई जीवन्त राख्न पुस्ता हस्तान्तरण