राष्ट्रिय जनस्वास्थ्य प्रयोगशालाले पायो आईएसओ मान्यता

काठमाडौं । अन्तर्राष्ट्रिय गुणस्तर संगठन (आइएसओ) ले राष्ट्रिय जनस्वास्थ्य प्रयोगशालालाई आइएसओ १५१८९ः२०१२ मान्यता प्रदान गरेको छ । आन्तरिक र बाह्य गुणस्तर सुधार गरेको र स्तरबृद्धि भएपछि प्रयोगशालाको रिपोर्टले अब अन्तर्राष्ट्रिय मान्यता पाउने छ ।

स्वास्थ्य सेवा विभागमा मंगलवार एक औपचारिक कार्यक्रमको आयोजना गरी प्रयोगशालालाई मान्यता प्राप्त गरेको प्रमाणपत्र उपलब्ध गराइएको थियो । आइएसओ मान्यता पाउने सरकारी अस्पताल र प्रयोगशालाहरु मध्ये राष्ट्रिय जनस्वास्थ्य प्रयोगशाला नेपालको पहिलो संस्था हो ।

आईएसओ नेपालका प्रमुख कार्यकारी डा. सीताराम जोशीले स्वास्थ्य तथा जनसंख्या मन्त्री भानुभक्त ढकालको उपस्थितिमा प्रयोगशालाका निर्देशक डा.रुणा झालाई प्रमाणपत्र हस्तान्तरण गरेका हुन् ।

कार्यक्रममा प्रमुख अतिथि स्वास्थ्य तथा जनसंख्या मन्त्री ढकालले प्रयोगशालाले अन्तराष्ट्रिय प्रमाणिकरणबाट मान्यता पाएको भन्दै धन्यवाद दिए । उनले भने, ‘भयरहित वातावरणमा ढुक्क भएर काम गर्नुहोस । स्वास्थ्य मन्त्रालय तपाईहरुको साथमा छ ।’
स्वास्थ्य सेवा विभागका महानिर्देशक डा.दिपेन्द्ररमण सिंहको अध्यक्षतामा भएको कार्यक्रममा प्रयोगशालाकी निर्देशक डा.रुणा झाले प्रयोगशालाले अन्तराष्ट्रिय मान्यता पाउनु सबैको लागि महत्वपूर्ण उपलब्धि रहेको बताइन् । सो अवसरमा स्वास्थ्य मन्त्रालयका प्रमुख स्वास्थ्य विशेषज्ञ डा.रोशन पोखरेलले प्रयोगशालाको स्तरबृद्धि भएको भन्दै आइएसओ मान्यता पाएकोमा धन्यवाद दिए । प्रयोगशालाको गुणस्तर सुधारका लागि आफूहरु लागिरहेको प्रयोगशालाका सुचना अधिकारी राजेशकुमार गुप्ताले जानकारी दिए ।

तपाइको प्रतिक्रिया
(Visited 108 times, 1 visits today)

Ads Space Available

epaper

भर्खरै

प्रतिनिधि सभा र प्रदेश सभामा पार्टीको टिकट दिने जिम्मेवारी सभापति देउवालाई (पाँच निर्णयसहित)

कुरी-कुरी