Saturday, July 24, 2021
Homeबिचारसुस्त कर्मचारीतन्त्रका कारण सरकारको साख गिर्दो

सुस्त कर्मचारीतन्त्रका कारण सरकारको साख गिर्दो

,

स्थायी सरकारको रूपमा रहेको कर्मचारी प्रशासनले प्रभावकारी रूपमा काम गर्न नसक्दा सिंगो सरकारको साख गिर्ने काम भइरहेको छ । सरकारको नीति योजना र कार्यक्रमलाई कार्यान्वयन गर्ने प्रमुख दायित्व कर्मचारी प्रशासनको हो । जबसम्म कर्मचारी प्रशासनले विशेष उत्तरदायित्व र जिम्मेवारी बोधका साथ काम गर्दैनन्, तबसम्म सिंगो सरकारको पर्फमेन्स राम्रो देखिँदैन । अहिले प्रधानमन्त्री केपी शर्मा ओलीले समृद्ध नेपाल र सुखी नेपालीको सपना देखिरहेका छन् । उनले वर्षौंदेखि मूच्र्छित नेपालीहरूको सपनालाई जगाउने कामसमेत गरिरहेका छन् । तर, प्रधानमन्त्रीले देखेका सपना र उनले अघि सारेका भिजनहरूलाई कर्मचारीतन्त्रले संवेदनशीलताका साथ ग्रहण गर्न सकेका छैनन् । राजनीतिक नेतृत्वले सपना देखाउने र हो त्यो सपना पूरा गर्ने भनेको प्रशासनिक नेतृत्वले हो । तर, विडम्बना हामीकहाँ प्रधानमन्त्रीले अथाह सपना देख्छन् तर प्रशासनिक नेतृत्व भने सपना देख्ने त परै जाओस् भएका नीति योजना र कार्यक्रमहरूको समेत कुशलतापूर्वक कार्यान्वयन गर्न चुक्दै आइरहेका छन् ।

अहिले कोरोना भाइरस कोभिड–१९ का कारण मुलुकको आर्थिक अवस्था चौपट्ट छ । नागरिकमा भय र त्रास व्याप्त छ । राज्यका अंगहरू यस्तो समयमा नागरिकको कुशल अभिभावक बन्न सक्नुपर्छ तर राजनीतिक नेतृत्व र प्रशासनिक नेतृत्वले जनताको चहराइरहेको घाउमा मलम लगाउन सकेका छैनन् ।

लामो लकडाउनको समयमा हराएको कर्मचारी संयन्त्रले अहिले लकडाउन केही खुकुलो भए पनि चलायमान किसिमले काम गर्न सकेको छैन । कोरोना रोकथाम र नियन्त्रणका लागि चालिएका सरकारी कदमहरू पनि सशक्त र प्रभावकारी देखिन सकेको छैन । अझै पनि हाम्रो कर्मचारीतन्त्र हिजोकै मानसिकताबाट ग्रसित छ । हिजो राजाका पालमा ‘राजाको काम कहिले जाला घाम’ भन्ने प्रवृत्तिबाट गुज्रिएको कर्मचारीतन्त्र अहिले संघीय लोकतान्त्रिक गणतन्त्रात्मक शासन व्यवस्थाको समयमा पनि उस्तै प्रवृत्तिबाट गु्ज्रनु दुःखद हो । अहिले त रातदिन काम गरेर परिणाम निकाल्ने समय हो । तर कर्मचारीतन्त्र कुम्भकर्ण निद्रामा नै रहेको जस्तो अनुभूति आमजनताले गर्न थालेका छन् । विशेषगरी अत्यधिक सुविधा लिँदै आएका उच्च प्रशासकहरू निष्कृयजस्तै बनिदिँदा आमकर्मचारी ऊर्जाविहीन बन्न पुगेका छन् । यो महामारी र संकटको समयमा कर्मचारीले आफ्नो दक्षता योग्यता र पहिचान देखाउन सक्नुपथ्र्यो तर त्यस्तो हुन सकेको छैन । कर्मचारीले परिणाम दिनेगरी काम नगर्दा त्यसको सिंगो दोष सरकार र प्रधानमन्त्री केपी शर्मा ओलीमाथि मात्रै थोपरिएको छ । जुन गलत छ । जबसम्म कर्मचारीतन्त्रले प्रभावकारी काम गर्दैन र सरकारलाई साथ दिँदैन तबसम्म प्रधानमन्त्रीले जति चाहना गरे पनि मुलुकले विकास र समृद्धि हासिल गर्न सक्दैन ।

यद्यपि, राजनीतिक नेतृत्वले पनि कर्मचारीतन्त्रलाई काममा लगाउने र काम नगर्नेलाई कडा कारबाही गर्ने पद्धतिको विकास गराउन सकेका छैनन् । कतिपय मन्त्रालयमा रहेका मन्त्रीहरू आफंै हराउन पुगेका छन् । आफंै हराउने र रातदिन काममा खट्न नसक्ने मन्त्रीहरूका कारण पनि मन्त्रालयको प्रशासनिक नेतृत्वले राम्ररी काम नगरेको सहजै अनुमान गर्न सकिन्छ । हामीकहाँ दण्डहीनताको संस्कृति मौलाइरहेको हुनाले पनि सरकारी काम प्रभावकारी हुन नसकेको हो । काम गरे पनि हुने र नगरे पनि हुने प्रवृत्ति छ । काम नगर्नेलाई कारबाही गर्ने र काम गर्नेलाई पुरस्कृत गर्ने व्यवस्थित प्रणालीको विकास गर्न सक्यौं भने पक्कै पनि कर्मचारीतन्त्रबाट परिणाम आउनेगरी काम हुनेछ । यस विषयमा राजनीतिक नेतृत्वले सही समयमा सही कदम लिन सक्नुपर्छ । त्यसका लागि राजनीतिक नेतृत्व सबैभन्दा पहिला आफंै सच्चिएर अहोरात्र काममा खट्ने बानीको विकास गर्नुपर्छ ।

Loading comments...

आजको समाचार

मुक्त कमैयासँग लालपूर्जा छ, जमिन छैन

  कञ्चनपुर । कञ्चनपुरमा मुक्त कमैया पुनःस्थापनको कार्य पूरा भएको डेढदशक बित्न लाग्यो । मुक्त भएका यी धेरै परिवारको हातमा लालपूर्जा त छ तर जग्गा...

सुजिता मृत्यु प्रकरण : काठमाडौबाट युवक पक्राउ

  काठमाडौं । चितवनको राप्ती नगरपालिकाकी सुजिता भण्डारीको मृत्यु प्रकरणमा नातामा सुजिताको दाजु पर्ने एक युवालाई प्रहरीले पक्राउ गरेको छ । आफन्त एक युवकको नाम तोकेर...

भक्तपुरको सल्लाघारी केन्द्रविन्दु भएर भूकम्प

  भक्तपुर ।   भक्तपुरको सल्लाघारी केन्द्रविन्दु भएर भूकम्प गएको छ । राष्ट्रिय भूकम्प मापन तथा अनुसन्धान केन्द्रका अनुसार भक्तपुरको सल्लाघारी आसपास केन्द्रविन्दु भएर ३.५ रिक्टर...

दुईहजार ९७७ सङ्क्रमित थपिए, १८ जनाकाे मृत्यु

  काठमाडाैं । पछिल्लो २४ घण्टामा देशभर २,९७७ सङ्क्रमित थपिएका छन् भने एक हजार ६७८ जना सङ्क्रमणमुक्त भएका छन् । जम्मा १३ हजार ६९८ लाई...

‘ठूलोबाको छोरासंगको प्रेम सुजिताको मृत्युको कारण’

  चितवन । पूर्वीचितवनको राप्ती नगरपालिका–३ का २३ वर्षीया सुजिता भण्डारी मृत्युको अनुसन्धान गरिरहेको प्रहरीले नयाँ क्लु भेट्टाएको छ । नातामा दाजु पर्ने सुकदेव भण्डारीसंगको प्रेम...

साताका लोकप्रिय समाचार

कांग्रेस पदाधिकारी बैठक बस्दै

काठमाडौँ। नेपाली कांग्रेसको पदाधिकारी बैठक आज बस्दैछ । बैठक शुक्रबार बिहान प्रधानमन्त्री शेरबहादुर देउवाको निजी निवास बुढानीलकण्ठमा बस्ने तय भएको हो । आजको बैठक...

कांग्रेस महाधिवेशन सर्ने निश्चित, मिति अनिश्चित

काठमाडौं । नेपाली कांग्रेसको १४औं महाधिवेशन सर्ने निश्चित भएको छ । तर, कहिले र कुन मितिमा गर्ने भन्ने निश्चित भइसकेको छैन । सो सम्बन्धमा...

आजदेखी अनलाइनबाटै ब्लुबुक नवीकरण गर्न पाइने

  काठमाडौं । बागमती प्रदेश सरकारले अनलाइनबाट ब्लुबुक नवीकरण गर्न सकिने व्यवस्था मिलाएको छ । आज देखी बागमती प्रदेश भित्र सवारी साधनको ब्लुबुक अनलाइन मार्फत...

सोमपालले चितवनको कप्तानी गर्ने

काठमाडौं । नेपाली राष्ट्रिय टोलीका तीव्र गतिका बलर सोमपाल कामीले आगमी असोजमा हुने चौथो संस्करणको एभरेस्ट प्रिमियर लिग (ईपीएल) मा चितवन टाइगर्सको कप्तानी गर्ने...

आमालाई विहे गरे, छोरीलाई यौन दुर्व्यवहार

इटहरी । श्रीमान सशस्त्रको जागिरमा । घरमा दुई छोरी । तर, प्रायःजसो धेरै समय परपुरुषसँगै सहवास । इटहरी २० तरहराकी ३३ वर्षीया महिलाको घिनलाग्दो...

ट्रेन्डिङ

कर्मचारीलाई कोरोना देखिएपछि टोखा नगरपालिका बन्द

काठमाडौं । टोखा नगरपालिकामा कार्यरत कर्मचारीलाई कोरोना सङ्क्रमण देखिएपछि नगरपालिका कार्यालय एक हप्ताका लागि बन्द गरिने भएको नगरपालिकाले जनाएको छ । काठमाडौँको उत्तरी क्षेत्रमा अवस्थित...

पञ्चलाई हर्जना तिरेर विवाह गर्न लागेका जोडी पक्राउपछि क्वारेन्टाइनमा

जनकपुरधाम । घरमा बिहेको सम्पूर्ण तयारी भएको बेला पक्राउ गरियो भने कस्तो अवस्था हुन्छ होला ? धनुषामा यस्तै भएको छ । सुटुक्क...

ई-पेपर

1

RAJDHANIDAILY VIDEO

प्रमुख

भर्खरै

छुटाउनुभयो कि?