तत्काल उद्धार र राहतको व्यवस्था गर

मुलुका विभिन्न भूभागमा अविरल वर्षापछि आएको बाढीपहिरोमा परी दर्जनौंले ज्यान गुमाउनुका साथै कैयांै नागरिक बेपत्ता भएका छन् । अर्बांैको धनमाल नष्ट हुनुका साथै हजारौं घरपरिवार बिचल्लीमा परेका छन् । बिचल्ली र प्रभावित भएका पीडितहरू उद्धार र राहतको पर्खाइमा छन् । ¥यापिड एक्सन टिमको अभावमा घटनास्थलमा उद्धार कार्यमा निकै ढिलाइ हुने गरेको र राहत पनि नपुगेकाले बाढीपहिरो पीडित निकै पीडाको अवस्थामा छन् । बेपत्ताहरूको खोजीमा ढिलाइ हुँदा त्यसले आमजनतामा आक्रोश र आशंका दुवै निम्त्याएको छ । सिन्धुपाल्चोक, कास्की, म्याग्दी, धौलागिरि, गलेश्वर, जाजरकोट ’boutकोट आदि स्थानमा धनजनको ठूलो क्षति हुन गएको छ । पोखराको सरांकोेट, हेम्जा बाढीपहिरोको निसानामा परेको छ । बाढी पहिरोले लमजुङ, गुल्मीमा पनि ठूलो क्षति पु¥याएको छ । मनसुनी वायुको चाप र प्रभाव बढ्दै गइरहेकाले बाढीपहिरोले अझै धेरै जनधनको क्षति पु-याउने भय बढिरहेको छ । यस्तो अवस्थामा सबै जनाले विशेष सतर्कता अपनाउनुपर्छ । देशको उपल्लो तटमा पहाडी भूधरातल र तल्लो तटमा मैदानी भाग रहेकाले हरेक वर्ष नेपालले बाढीपहिरोको मार खेप्नु परिरहन्छ । परिणामतः कटान र डुबान नेपालका लागि हरेक वर्ष अनिवार्य रूपमा आइपर्ने प्राकृतिक प्रकोपका रूपमा रहेका छन् ।

बाढीपहिरो आफैंमा एक्कासि हुने दुर्घटनाजस्तो देखिए पनि यो एक नियमित आकस्मिकता हो । किनकि, हरेक वर्ष यस्तो प्रकोप भइ नै रहन्छ । यसको नियन्त्रण र रोकथामका लागि पूर्वसावधानी अपनाउन पनि सकिन्छ । साथै, पूर्वतयारी पनि गर्न सकिन्छ । तर, नेपालमा यसको व्यवस्थापनका लागि तयारी कहिल्यै पनि गरिएको हुँदैन । आउँछ र जान्छ भनेजस्तो गरी न त यसका लागि विशेष कार्यदल बनाइन्छ, न त आमजनतामा तयारीका लागि कुनै उपाय र विधिहरू नै सुझाइन्छ । मानांै यो भाग्य र दुर्भाग्यको खेल हो झैं ठानिन्छ । हुँदै गरेको वर्षाको लक्षण, भूगोलको कच्चा वा बलियो बनोट, जोखिमको अवस्था, वैकल्पिक सेल्टरको निर्माण, आवश्यक सामग्रीको जोहो, सम्भावित जोखिम न्यूनीकरणका प्रयास, राहत सामग्रीको जुगाड र परिआएको खण्डमा जहाँ पनि जान तयार स्वयं सेवकको टिम आदिको तयारीमा ख्यालै गरिएको हुँदैन । स्थानीय क्षेत्रमा कुनै निश्चित ठाउँमा बाढी पहिरो सुरु भई बग्दै जाँदा त्यसले लिने भयावह रूप र सम्भावित क्षेत्रहरूमा हुन सक्ने मानवीय क्षतिबाट बचाउन साइरन जडान, आमसञ्चार प्रवाहको व्यवस्था, जीवन्त जनसम्पर्क र उच्च सतर्कतालाई बढी ख्याल पु-याइनुपर्छ ।

यस अतिरिक्त बाढी र पहिरोजस्ता प्राकृतिक प्रकोपले विविध दुर्घटना र समस्याहरूलाई साथमा लिएर आएको हुन्छ । यसले मानव बस्ती विनाश, यातायात सम्पर्क विच्छेद, उद्धारमा कठिनाइ, राहत वितरणमा समस्याजस्ता अन्य सहायक तर निर्णायक जटिलताहरू सिर्जना गरिरहेको हुन्छ । यसले क्षतिपछि थप क्षति हुने शृंखलालाई बढावा दिएको हुन्छ । मनसुन सुरु भएको केही दिनमै देशभर भएको बाढीपहिरो र डुबानको समस्याले नागरिकले अकालमा ज्यान गुमाउने, विस्थापित हुने, महामारीको चपेटामा पर्ने र भोकभोकै मनुपर्नेजस्ता अवस्था सिर्जना हुन गएको छ । यसको निराकरणका लागि तीनैतहका सरकारले संयक्त रूपमा पीडितहरूको यथाशीघ्र उद्धार र राहत वितरण कार्यमा ध्यान पुर¥ाउनुपर्छ । प्राकृतिक प्रकोपले निम्त्याएको संवेदनशीलताप्रति सरकार उदासीन हुन सुहाउँदैन ।

तपाइको प्रतिक्रिया
(Visited 165 times, 1 visits today)

Ads Space Available

epaper

भर्खरै

सांसदकाे आरोपप्रत्यारोपले संसद बैठक स्थगित

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
कैलालीमा बागी उम्मेदवारी दिनेमाथि गठबन्धनले गर्यो कारबाही