बेसारपानीले कोरोना जितेकी सुकुमायाको खुसी

सिन्धुपाल्चोक । दुइ वर्ष अघि वैदेशिक रोजगारीका लागि कुबेत गएकी बाह्रविसे नगरपालिका–७ की सुकुमाया तामाङ रोजगाीको समय सकिएपछि आफ्नै देश फर्कने तयारीमा थिइन् । कोरोना भाइरस(कोभीड–१९) को महामारीपछि नेपालमा लक डाउन भएपछि सुकुमाया उतै अलपत्र परिन् । ४० वर्षीया सुकुमाया आफ्ना चार सन्तान र श्रीमानलाई छरमै छोडर वैदेशीक रोजगारीमा गएकी थिइन ।

कुबेतमा पनि कोरोनाका कारण लकडाउन भएपछि साथीहरुसँगै बस्दै आएकी थिइन् । वैदेशीक रोजगारीमा गएका र नेपाल आउन चाहानेहरुलाई नेपाल सरकारले स्वेदश फिर्ता गराउने प्रक्रिया सुरु गरेपछि असारको पहिलो साता सुकुमाय स्वदेश फर्कीएकी थिइन ।

नेपालमा आएपछि उनीलाई बाह्रविसे नगरपालिकाले लामोसाँघुमा रहेको क्षेत्रीय क्वारेन्टाइनमा राखेको थियो । क्वारेन्टाइमा बस्दा उनको स्वाब परीक्षण गर्दा कोरोना पोजेटीभ देखिएपछि उनलाई तत्कालै बाह्रविसे प्राथामीक स्वास्थ्य केन्द्रको आइशोलेसनमा ल्याएर राखिएको बाह्रविसे नगरपालिकाकी उपप्रमुख सुशीला पाख्रिनले जानकारी दिइन् ।

आफुलाई कोरोना पोजेटीभ देखिएपछि सुरुका केही दिन त सुकुमाय लाई निकै समस्या भयो, ‘राती निन्दा नलाग्ने,एक्लै हुदा डर लाग्ने धेरै समस्या देखियो’ सुकुमायाले भनिन् ‘पछि केही दिनपछि त बिस्तारै सबै सामान्य नै भयो ।’

कोरोनालाई जितेपछि बाह्रविसे नगरपालिकाका मेयर निमफुञ्जो शेर्पाले सुकुमायालाई खादा लगाएर घर पठाउँदा उनी निकै खुुसी थिइन् । मेयर शेर्पाले गाउँघरमा गएर पनि स्वास्थ्य चेतना फैलाउन उनीलाई आग्रह गरेका थिए ।

आइशोलेसन बसाइको १४ दिनपछि उनको रिपोर्ट नेगेटिभ आएपछि भने सुकुमाया निकै खुसी भइन । ‘सुरुमा केही समस्या भयो,डाक्टरहरुले एकदमै सहयोग गर्नु भयो ।’ सुकुमायाले भनिन्–‘तातोपानी र बेसार पानी धेरै खाएँ,अनि ठिक भयो ।’ आत्मबल उच्च बनाउदा आफुले कोरोनालाई जित्न सफल भएको सुकुमाया ले बताइन । १४ दिनको रिपोर्ट पनि नेगेटिभ आएपछि फेरी सात दिनपछि अर्काे परीक्षणमा पनि कोरोना नभेटीएपछि बाह्रविसे प्राथामीक स्वास्थ्य केन्द्रले सुकुमायालाई कोरोना जित्न सफल भएकोमा खादा र फुलको गुच्छा दिएर घर पठाएको थियो ।

बाह्रविसे प्राथामीक स्वास्थ्य केन्द्रको आइशोलेसनमा राखिएको उनी पहिलो कोरोना संक्रमीत थिइन् । कोरोनालाई जितेपछि बाह्रविसे नगरपालिकाका मेयर निमफुञ्जो शेर्पाले सुकुमायालाई खादा लगाएर घर पठाउँदा उनी निकै खुुसी थिइन् । मेयर शेर्पाले गाउँघरमा गएर पनि स्वास्थ्य चेतना फैलाउन उनीलाई आग्रह गरेका थिए ।

‘उच्चमनोबलका कारण कोरोनालाई जित्नु भयो,गाउँमा गएर पनि सबैलाई आफ्नो स्वास्थ्यमा सजग रहनु भन्नुहोला ।’ मेयर शेर्पाले सुकुमायालाई बिदाई गर्दे भने ।

दुई पटक पीसीआर परीक्षण गर्दा पनि कोरोना नभेटीएपछि सुकुमायालाई घर पठाइएको बाह्रविसे प्राथामीक स्वास्थय केन्द्रका मेडिकल सुपरीटेण्डेन सिर्जना महर्जनले जानकारी दिइन् । प्राथामीक स्वास्थ्य केन्द्रमा आइशोलेसन स्थापना गरेपनि कोरोना पोजेटीभ देखिएको पहिलो विरामी भर्ना गरिएकाले सुरुमा आफुहरुलाई पनि डर लागेको उनले बताइन् । ‘हामीहरुको यहाँ सबै सुविधा छैन ,विरामीलाई केही भयो भने के गर्ने भन्ने चिन्ता थियो विरामीले जस्तै हामीहरुले पनि उच्च मनोबल राखेर उपचार गरौ सबै ठिक भयो ।’उनले भनिन् ।

तपाइको प्रतिक्रिया
(Visited 297 times, 1 visits today)

Ads Space Available

epaper

भर्खरै

गठबन्धनमा कालो बादल मडारिएको हो ?

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
तीन मतले हारेपछि एमालेले गर्याे पुन: मतगणनाकाे माग, मतगणना स्थगित