बर्दिया । बर्दियामा शनिबार ६ जनामा कोरोना संक्रमण पुष्टि भएको छ । बाँकेको भेरी अस्पतालमा गरिएको स्वाब परीक्षणका क्रममा ६ जनामा कोरोना पुष्टि भएको हो । स्वास्थ्य कार्यालय बर्दियाका जनस्वास्थ्य निरिक्षक कृष्णगोपाल चौधरीका अनुसरा कोरोना संक्रमण पुष्टि हुनेमा राजापुर नगरपालिका वडा नं ८ का ५ जना र ठाकुरबाबा नगरपालिका वडा नं ६ का एक जनालाई कोरोना संक्रमण पुष्टि भएको हो ।
उनीहरु सबै केहि दिन पहिले भारतबाट रोजगारी गरेर घर फर्किएका व्यक्ति हुन् । घर फर्केयता उनीहरु क्वारेन्टाइनमा बस्दै आएका थिए । स्वास्थ्य कार्यालयका जनस्वास्थ्य निरिक्षक कृष्णगोपाल चौधरीका अनुसार शनिबारसम्म जिल्लामा कोरोना संक्रमितको संख्या २ सय ३२ पुगेको छ ।
यसैगरि बर्दियामा कोरोना जित्ने दर पनि बढ्दो छ । शनिबारसम्ममा १ सय ९६ जना कोरोना जितेर घर फर्कि सकेका छन । यो कुल संक्रमितको ८६ प्रतिशत हो । जिल्लामा अहिले ३६ जना संक्रमित मात्र उपचारमा रहेका छन् । पछिल्लो तथ्याङ्क अनुसार जिल्ला विभिन्न क्वारेन्टाइनमा ३६ महिला र १६९ पुरुष गरि जम्मा २०५ जना रहेका छन् ।
