दिल्ली । आईसीसी टी २० विश्वकप क्रिकेट प्रतियोगिता तोकिएकै मितिमा आयोजना हुनेछ । आईसीसीबाट अनुमति पाएसँगै भारतमा हुने विश्वकप सन् २०२१ को अक्टोबर देखि नोभेम्बरसम्म हुनेछ । फाइनल नोभेम्बर १४ मा हुने बताइएको छ ।
तर,आईसीसीले अष्ट्रेलियामा २०२१ मै हुने भनिएको टी–ट्वान्टी विश्वकप भने २०२२ सम्मका लागि स्थगित गरेको छ ।अन्तर्राष्ट्रिय क्रिकेट परिषद (आईसीसी) ले २०२१ को विश्वकप तोकिएकै मितिमा आयोजना हुने जनाएको छ ।
कोरोना भाइरसको महामारीको कारण प्रतियोगिता सर्ने आँकलन गरिएपनि आईसीसीले भारतलाई आगामी वर्ष तय भएको विश्वकप तोकिएकै मितिमा आयोजनाको अधिकार दिएको हो ।
अष्ट्रेलियामा यसैवर्ष आयोजना हुने भनिए पनि कोरोना भाईरसको महामारीको कारण आईसीसीले विश्वकप २०२१ सम्मको लागि स्थगित गरेको थियो । तर, भारतमा पनि त्यहिँ वर्ष विश्वकप हुने भएपछि अष्ट्रेलिया २०२२ मा विश्वकप आयोजना हुनेछ ।
