तुसीपुर । तुलसीपुरमा करेन्ट लागेर एकजना घाईते भएका छन् । घाइते हुनेमा तुलसीपुर उपमहानगरपालिका–५ प्रगतिसील टोल निवासी ३२ बर्षका श्याम चौधरी रहेको ईलाका प्रहरी कार्यालय तुलसीपुरले जानकारी दिएको छ ।

डेकमा लाइन जोड्ने क्रममा करेन्टले झट्का दिदा उछिट्टिएर रोटी पकाउँदै गरेको तेलको कराईमा पर्दा पिठ्यूँ समेत जलेको छ । घाइते चौधरीको राप्ती प्रादेशिक अस्पताल तुलसीपुरमा उपचार भइरहेको प्रहरी निरीक्षक चक्र डम्बरपालले जानकारी दिए ।