उपचारका लागि सहयोगकै भर पर्नुपर्ने बाध्यतामा कडा रोगी

 मृगौला रागको उपचार अभावले छट्पटाईरहेकी सूर्योदय नगरपालिका १० की अञ्जली तामाङ

इलाम । २०७६ साल फागुन २२ गते प्रधानमन्त्री केपी शर्मा ओली दास्रोपटक मृगौला प्रत्यारोपण गर्न त्रिभुवन विश्व विद्यालय शिक्षण अस्पतालमा भर्ना भए । प्रधानमन्त्री ओलीले यो दोस्रो मिर्गौला प्रत्यारोपण थियो । आफ्नो मृगौलाले काम नगरेपछि प्रधानमन्त्री ओलीको २०६३ मा भारतको अपोलो अस्पतालमा मिर्गौला प्रत्यारोपण गरिएको थियो ।

उनको पहिलो पटकको उपचार नेपालमा नभएपनि दोस्रो पटकको उपचार भने नेपालमा नै भएको थियो । दोस्रोपटक मृगौला प्रत्यारोपण गरेका प्रधानमन्त्री ओलीलाई अहिले कुनै समस्या छैन । तर मृगौला रोगले पिडित आफ्नैै देशका गरिब जनता उपचारको लागि सहयोग पाए, उपचार गर्ने नपाए रोगकै कारण अकालमा ज्यान फाल्न बाध्य छन् ।

इलामको माईजोगमाई गाउँपालिका–२ जोगमाईका लोकबहादुर थामी मृगौला रोगबाट थलिएका छन् । उपचारका लागि खर्चअभाव भएपछि अहिले उनका बाबु जगतबहादुर थामी सहयोगको अपिल गरेका छन् । घरमा भएको जिन्सी र सरसापटबाट सामान्य उपचारमा ३ लाख भन्दा बढी सकियो । यो भन्दा माथि गर्ने मेरो क्षमता आपूसँग नभएको भन्दै लोकबहादुरले सहयोगी दाताहरुको आशमा दिन कटाइरहेका छन् । डायलोसिस र मृगौला प्रत्यारोपणको लागि लोकबहादुरको उपचारमा १५ लाख रुपैया लाग्ने भएको छ । लोकबहादुरको उपचारमा सहयोग गर्न चाहनेहरुले कुषि बिकास बैक लिमिटेटको खाता नम्बर ०६०१०००७१५१००१३ मा रकम जम्मा गरिदिन परिवारले आग्रह गरेको छ ।

त्यस्तै सूर्याेदय नगरपालिका–६, कन्यामका ५२ वर्षे मित्रप्रसाद चापागाईं (विनोद) दुवै मृगौला फेल भएर उपचारका लागि छटपटाइरहेका छन् । दुवै मृगौला प्रत्यारोपण गर्न चिकित्सकले २२ लाख रुपैयाँ खर्च लाग्ने र आर्थिक अवस्था कमजोर भएका चापागाईंले एक वर्षदेखि उपचार गराउँदा भएभरको जेथो सकिएपछि आफ्नो जीवन बचाइदिन सबैसँग सहयोग मागेका छन् ।

आफ्नो जेथो सबै सकेर पनि मृगौला फेर्न नसकेको र प्रत्येक साता डाइाइसिस गराउने औषधिका लागि नै खर्च अभाव भइरहेको हुँदा सहयोगको अपेक्षा गरेका हुन । सम्पत्तिका नाममा कन्याममा आफ्नो अंशमा परेको डेढ रोपनी जग्गामात्रै भएको र त्यो पनि बेचेर खर्च गर्दा समेत सबै रकम सकिएर जीवन–मरणको दोसाँधमा आइपुगेको चापागाईंको गुनासो छ । उनको उपचारका लागि सहयोग रकम संकलन गर्न ग्लोबल आईएमई बैंकमा लेखनाथ दाहाल र हेमचन्द्र चापागाईंको नाममा २७०७०१०००९४५४ नम्बरको खाता खोलिएको छ ।

इलाम नगरपालिकाका तीन बर्षीय बालकमा मिर्गौलाको क्यान्सर देखिएपछि उपचारार्थ खर्च जुटाउन समस्या भएको छ । काठमाडौंस्थित कान्ति बाल अस्पतालमा उपचारार्थ बच्चाको उपचार खर्च अभाव भएको हो । बच्चाका बावु गोपालका श्रेष्ठका अनुसार एकपटकको किमो थेरापीमै करीव ४० हजार खर्च लाग्छ । त्यसपछि शल्यक्रिया गर्न समेत १२ लाख हाराहारीमा रकम लाग्ने अस्पतालले जनाएको छ । बच्चा बचाउनका लागि सबै पक्षबाट सहयोग गर्दिनका लागि परिवारले सबैलाई आग्रह समेत गरेको छ । सहयोगका लागि एनआइसी एसियाको खाता नं. २७८५७५०८८६०९७००१ मा रकम पठाइदिनु आग्रह गरिएको छ ।

त्यस्तै सूर्योदय नगरपालिका १० की अञ्जली तामाङको मृगौलाले काम नगरेपछि छटपटिएकी छिन् । डाक्टरले एकवर्ष अघिनै मृगौलाले काम नदिएको भनेर भने पनि आर्थिक अभावका कारण अहिले सम्म उपचार गर्न सकेका छैनन । उनको उपचारका लागि बुबा टिकाराम तामाङले छोरीको ज्यान बचाईदिन आग्रह गरेका छन । कृषि विकास बैकको खाता नम्बर ०६०१००१६२९६४६०११ चन्दा जम्मा गरेर छोरीको ज्यान बचाइदिन आग्रह गरेका हुन ।

यी त प्रतिनिधि पात्र मात्रै हुन् । कडा रोग लागेका जो कोही बिरामीले सहयोग जुट्यो भने उपचार पाउँछन् नत्र छटपटाउँदै मृत्युसँग जुध्नको विकल्प नै छैन । स्वास्थ्य कार्यालय इलामकाा प्रमुख वृजकुमार दास भन्छन त्यस्ता विरामिको उपचारमा खर्च बढी लाग्ने भएको हुँदा आफ्नो जायजेथोले थाम्दैन त्यसैले सहयोगमाग्न बाध्य हुन्छन् ।

इलाममा मृगौला रोगी ४३ जना रहेको तथ्याङ्क छ दश पालिकाका स्वास्थ्य शाखाका अनुसार
मृगौला रोगी ४३ जना रहेका छन् । त्यसमा पुरुष २९ र महिला १४ जना रहेका छन् । त्यसै गरी मुटु सम्बन्धी ४८ जना बिरामी रहेका छन् । जसमा पुरुष २८ र महिला २० जना रहेका छन् । जिल्लामा ७७ जना क्यान्सर रोगि रहेका छन जसमा महिला ४४ र पूरुष ३३ जना रहेका छन् । त्यसै गरी हेड इन्जुरीमा पुरुष ३ र महिला २ जन गरी ५ जना रहेका छन् भने स्पाईनल इन्जुरीका एक एक महिला र पुरुष गरी दुईजना रहेका छन् ।

सरकारले विपन्न नागरिकको उपचारका लागि मिर्गौला, मुटु, क्यान्सर, अल्जाइमर, पार्किन्सन्स, हेड इन्जुरी, स्पाइनल इन्जुरी तथा सिक्कलसेल एनेमिया जस्ता कडा रोगको उपचारमा सहुलियत प्रदान गर्ने गरेको छ । उपचार सहुलियत मिर्गौला बाहेक अन्य रोगका लागि एक लाख रुपैयाँ छ भने मिर्गौलामा प्रत्यारोपणमा दुई लाख र त्यसपछिको औषधि खान भन्दै थप एक लाख रुपैयाँ समेत प्रदान गरेको छ । सरकारले मिर्गौला डायलासिस भने निशुल्क गरेको छ । सरकारले केहि सहुलियत दिएपनि विरामिको उपचारका लागि सहयोग विना उपचार असम्भव भएको देखिन्छ ।

तपाइको प्रतिक्रिया
(Visited 339 times, 1 visits today)

Ads Space Available

epaper

भर्खरै

देउवा-नेपालको भेटले सत्ता समीकरणमा तरंग

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
रुकुमपश्चिम सानीभेरी-१ मा माओवादी केन्द्रको प्यानल नै विजयी