Saturday, April 17, 2021
Home सौजन्य विचरा ! वीरे

विचरा ! वीरे

फिक्सन 

,

युमाश शेर्पा

‘हैन वीरे, के भो तँलाई आज ? निकै सोच्दैछस्,’ झोक्रिरहेको साथीतिर हेर्दै जुँगेले सोध्यो । उसको मनभित्र कुतुहल मच्चिरहेको छ । ठर्राको चोपमा उसका आँखा पनि आधाभन्दा बढी खुल्न सकिरहेका छैनन् । काँचो इँट ङिच्चिरहेको भट्टीभित्रको गन्ध अनौठो छ । भ¥याङमुनिको अँध्यारो चर्पीको दुर्गन्ध बेला–बेला स्वाट्टस्वाट्ट भित्र छिर्दो छ ।

बागबजार गल्लीमा रिमरिम साँझ कोरल्न थालिसक्यो । अन्योलमा अड्केको उसका पाइला टसमस छैनन् । भट्टीको हरियो पर्दा पटक–पटक उघार्दै वीरे मुन्टो मास्तिर बटारिरहेकै छ । तर, पनि मन उकालो लाग्न सकिरहेको छैन, ओरालो सोझिने
दाउमात्र कस्दैछ ।
‘वीरे, ए…वीरे…’ जुँगे ओठमाथि ताउ लाउँदै जोडले बोल्यो ।
‘किन, करा ?’ वीरे हल्का सन्कियो ।
जुँगे चुप लाग्न खोज्छ तर सक्दैन…।
‘तेरै लागि त सोध्दैछु,’ जुँगे साँधेको भटमास चपाउँदै बर्बराउँछ ।
‘खान खा, रक्सी खा, के कराइ’रा ?’ वीरे फेरि हरियो पर्दा उघार्दै भन्छ ।
मन र साँझ एकनास बाक्लिँदैछ ।

‘मान्छेलाई याँ कस्तो भैरा’छ,’ गिलासको धमिलो ठर्रा स्वाट्ट पार्दै वीरे बोल्यो ।
‘के भा’छ ? खुलेर भन त,’ जुँगे पनि के कम ? वीरे केही बोल्दैन । हातको ठर्रा आधा पार्छ ।
‘के भन्ने ?’ वीरे भटमासले मुख मिठ्याउँछ ।
जुँगे धुन्मुनिएको छ । ऊ ओठमाथि चल्मलाउँदै गरेको बाक्लो जुँगा मुसार्न थाल्छ । भट्टीमा पाइलाहरू बाक्लिँदै छन् । भुटनको खार प्लास्टिके कालो सिलिङ रिङ्दैछ ।



‘ओ…हो साउनी, कस्तो खारेको ?’ ग्राहक नाक छोप्दै ‘हाच्छिउँ’ गर्छन् । भट्टी साउनी कालो ताप्के हल्लाउँदै दन्ते हाँसो फाल्छे । काउन्टरमा साउनीको तरुनी छोरी घोप्टो परेर मोबाइलमा व्यस्त छे । सधैं देखिइने भुँडे साउजी आज देखिएको छैन ।
‘ए…वीरे, अर्को लाउँछस् ?’ जुँगे धर्के गिलास देखाउँदै सोध्छ ।
‘मगा न, …सितन पनि,’ वीरे हरियो पर्दाले मुख पुछ्दै भन्छ ।
‘आज तँलाई के भो ? भन् त…,’ जुँगे टाउको ठोक्काउँझैं गरी अघि बढ्छ ।
भट्टी खचाखच भइसक्यो । भुटन र बाराको खार कुहिरीमण्डल बन्दैछ । ठर्राले लिँदैगरेका आँखाहरू टेबलमाथिको सितन बटार्दैछन् । हाँसोहरू आपसमा ठोक्किरहेका छन् ।
‘मलाई भननन…हुन थाल्यो बुझिस्,’ वीरे बोल्यो ।
‘के भो, रिंगटा छुट्यो ?’ जुँगे मुसुमुसु हाँस्दै सोध्छ ।
‘जिस्किरा ? खालास् है, आफूलाई याँ कस्तो भा’ह ?’ वीरे गाँठी कुरो खोल्न सकिरहेकै छैन ।
‘…अनि के कुरा चपाइ’रा त ?’ जुँगे चुस्की लाउँदै भन्छ ।
‘कोठाँ जाने मनै छैन भन्या, कोठा सम्¤यो कि भननन…भ’रा आउँछ,’ वीरे बल्ल खुल्न थालेझैं देखियो ।
‘किन, त्यस्तो के भ’र ? भाउजुसँग ठाकठुक प’रो ?’ जुँगे चाख मानेर सोध्छ ।
वीरेको अनुहार भने निचोरिएको कागतीझैं भएको छ । रन्थनिएको आफ्नो मथिंगल उसलाई धूमिल लाग्न थाल्यो । ऊभित्र कुुनै कुराको छेकछन्द घुस्न सकिरहेकै छैन ।



‘ओ…हो, झमक्कै भइसकेछ, दिन छोटो भइसकेछ,’ वीरे हरियो पर्दा उघा¥यो । उसका नजर फेरि मास्तिरै तेर्सिन्छन् ।
‘तैले अघिदेखि मास्तिरमात्रै के हेरि’रा ?’ जुँगे अचम्म मान्छ ।
‘तँलाई थाहा छैन, मेरो कोठा †’ वीरे हल्का सन्कियो ।
‘थुक्क, रक्सीको सूरमा मैले नि बिर्सेछु,’ जुँगेले आफ्नो हाँसो रोक्न सकेन ।
साउनीकी छोरी बेलाबेला पुलुकपुलुक हेर्छे । भट्टी चाट्नेहरूको चहलपहल उस्तै छ । गिसालहरू ठर्राले भरिएका छन् । बाहिर भुङ्ग्रोमा सेकुवा पल्टाउँदै गरेको केटो घरि भित्र, घरि बाहिर गर्नमै ठिक्क छ । ऊमाथि ‘फुच्चे’को नारा लगाउने ग्राहक झिरमा उनेको सेकुवा फलाकिरहेका छन् ।
‘हस्, ल्याइहाल्छु,’ केटो घाँटी फुलाउँदै आगो कोइला फुक्न थाल्छ ।
आगो बल्न सकिरहेको छैन । मसालाका गन्ध मिसिएको धुवाँ नाकहरू चहारिरहेको छ ।
‘अँ…तँलाई कोठा जाने मन किन भैरहेको छैन रे ?’ जुँगे कसोकसो वीरेमाथि कोल्टियो ।
‘………..’ वीरे बोल्न आवश्यक ठान्दैन । बरु, ठर्रा निल्छ ।
‘ठूलै झगडा परो कि कसो ?’ पिलेटमा बचेको गेंडो भटमास टिप्दै जुँगे बोल्यो ।
‘तँलाई भनेर के फाइदा ? हल्लै बढी गर्छस्,’ वीरेलाई झनक्क रिस उठ्यो ।
जुँगे फेरि चुपचाप । एकपटक ‘भट्टी गफ’का क्रममा वीरेले जुँगेलाई कसिलो मुक्का हानेको थियो । जुँगे त्यही सम्झ्यो । वीरे रिसाएपछि ऊ शान्त भयो ।
‘तँ पनि झनक्क रिसाउँछस् के,’ जुँगे सुस्त बोल्छ ।
‘खै सितन भन्या ?’ रित्तो पिलेट देखाउँदै वीरे जुँगेतिर हेर्छ ।
‘ए…साउनी, खै हाम्रो ?’ जुँगे चिच्यायो ।
‘ए…मैले ट भुसुक्कै बिर्सेको, …एकैछिन है…,’ साउनी दंग पर्छे ।
‘खान पनि के खानु ? मनै छैन,’ अघिल्तिरको बारा रोटी देखेर वीरे दिक्क मान्छ ।
‘त्यसो भए रउसी खान त,’ जुँगे बारा टोक्दै भन्छ ।
‘बरु, तै ठीक छ, खै साउनी अर्को…,’ वीरे हत्केला उठाउँदै ठर्रा माग्छ ।
साउनीकी तरुनी छोरी मैलो जर्किनभित्रको ‘ठर्रा’ गिलासभरि खन्याएर काउन्टरमा लुसुक्क छिर्छे ।
‘यो नानी पनि हेर्दाहेर्दै तरुनी भई है †?’ जुँगेले भन्यो ।
‘के भनिस् ?’ वीरेको आवाज अनायास उचालिन्छ ।
कृत्रिम हाँसो उमार्दै जुँगे मूर्ति बन्छ ।
‘तँ नि खाए’सि मनपरी बोल्छस् के,’ वीरे सन्किन थाल्यो ।
‘भइहाल्यो नि त,’ जुँगे नम्र हुन खोज्छ ।

भट्टीको चहलपहल विस्तारै मत्थर हुँदैछ । साउनीकी छोरी माथिल्लो चोटा उक्लिसकेकी छे । बाहिर सेकुवा पड्काउने केटो सामान थन्क्याउने मेसोमा देखिन्छ । जुँगे पनि आफ्नो कोठातिर हिँडिसकेको छ । भट्टी साउनी कन्तुर खोतल्दैछे । वीरे लुसुक्क बाहिरिन्छ ।



आज बिहानै गाउँबाट सहरको कोठा आइपुगेकी जेठी श्रीमतीको ठुस्स अनुहार सम्झिँदै वीरे कान्छी बुढीको ‘घुर्की’ बुन्न थाल्छ, सुनसान सडकबीच तिर्मिराइरहेका तारासँगै लम्पसार परेर ।

(Visited 113 times, 1 visits today)
Loading comments...

आजको समाचार

राजस्व छलीमा भन्सार प्रतिनिधि नै

काठमाडौं । सरकारले राजस्व छलीविरुद्ध आक्रामक रूपमा अघि बढेको दाबी गरिरहे पनि भन्सार प्रतिनिधिको मिलिमतोमा १ करोड १३ लाख रुपैयाँभन्दा बढी राजस्वमा ठगी गरेको...

प्रधानमन्त्रीको आह्वानमा ११ बजेदेखी सर्वदलिय बैठक

काठमाडौं । प्रधानमन्त्री केपी शर्मा ओलीको आह्वानमा आज सर्वदलीय बैठक बस्ने भएको छ । आज ११ बजेदेखि सरकारी निवास बालुवाटारमा सर्वदलिय बैठक बस्दैछ । बैठकमा...

आइतबारसम्म असिनापानी सम्भावना

काठमाडौं । स्थानीय वायुको असरले शुक्रबार दिउँसोदेखि काठमाडौं उपत्यका आसपासमा असिनापानी परेको छ । ‘प्रि–मनसुन’ समय एक्कासि वर्षा हुने भएकाले शुक्रबार बिहान घाम लागे...

१० वर्ष उमेर समूहसम्मका ६ हजार ४ सय ९४ मा कोरोना संक्रमण

केही दिनयता कोरोना भाइरस संक्रमणबाट सबैभन्दा बढी प्रभावित बालबालिका बनेका छन् । यस्तो अवस्थामा समेत विद्यालय बन्द गर्ने ठोस निर्णयमा सरकार पुग्न सकिरहेको छैन...

साताका लोकप्रिय समाचार

प्रधानमन्त्रीले बोलाए सर्वदलीय बैठक

काठमाडौं । प्रधानमन्त्री केपी शर्मा ओलीले मुलुकमा देखापरेका विभिन्न समस्यालाई सामूहिक रूपमा समाधान गर्ने उद्देश्यले सर्वदलीय बैठक आह्वान गरेका छन् । प्रधानमन्त्री ओलीले आज...

नेपाली नागरिकताका व्यावहारिक सवाल

मान्छेको अस्तित्व पहिचानमा निहित हुन्छ, किनकि पहिचानको अभावमा मानिस अस्तित्वको संकटमा पर्दछ । मातृभूमिप्रति उसको अपनत्व र वैद्यताको गाँठो व्यक्तिको हृदयमा प्रश्न बनेर रहेको...

काँग्रेसकाे नेतृत्वमा मंसिरमा चुनाव गर्नुपर्छ : कोइराला

पाेखरा । नेपाली कांग्रेसका केन्द्रीय सदस्य डा शेखर कोइरालाले कांग्रेसको नेतृत्वमा चुनावी सरकार गठन गरी आगामी मङ्सिर वा चैतमा निर्वाचनमा जानुपर्ने बताएका छन् ।...

कर्णाली प्रदेशः मुख्यमन्त्रीविरुद्ध मतदान गर्न एमालेको व्हीप

सुर्खेत । कर्णाली प्रदेशका मुख्यमन्त्री महेन्द्रबहादुर शाहीले आज प्रदेशसभा बैठकमा अविश्वास प्रस्तावको सामना गर्दैछन । मुख्यमन्त्रीविरुद्ध मतदान गर्न एमाले कर्णाली संसदीय दलले व्हीप जारी...

ट्रेन्डिङ

अछामी होली होइन होरी

हिन्दु धर्मावलम्बीहरुले फागु पूर्णिमाका दिन आ–आफ्नो कला संस्कृति मुल्य मान्यताअनुसार एक आपसमा विभिन्न रङ्गी विरङ कलर दलेर होली पर्व मनाउने परम्परा छ । यो...

नयाँ पहिरनमा सजिएर बेहुला मण्डपमा, तर बेहुली आइनन्

सप्तरी । सप्तरीको शम्भुनाथ मन्दिरमा हुन लागेको एउटा बालविवाह स्थानिय समाज र प्रहरीको संयुक्त प्रयासबाट रोकिएको छ । जिल्लाको अग्निसाईर कृष्णसवरण गाउँपालिका ४ का...

सामाजिक दुरी कायम गर्दै पौडेलले दिए प्रशिक्षण

काठमाडाैं ।  नेपाली काङ्ग्रेसका केन्द्रिय सदस्य प्रदिप पौडेलले सामाजिक दुरि कायम गरी प्रशिक्षण दिएका छन् । तनहुँको व्यास नगरपालिका– ६ सिसाघाटमा नेपाली कांग्रेसले आयोजना...

सन्दीप लामिछाने कोरोनामुक्त

काठमाडौं । नेपाली राष्ट्रिय क्रिकेट टोलीका लेग स्पिनर सन्दीप लामिछाने कोरोना (कोभिड–१९) मुक्त भएका छन् । सन्दीपले सामाजिक सञ्जालमार्फत आफू कोरोनामुक्त भएको जनाएका छन्...

थप १०५ जनामा कोरोना पुष्टि, २ जनाको मृत्यु

काठमाडौँ । देशभर पछिल्लो २४ घण्टामा थप १०५ जनामा कोभिड–१९ को सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार योसँगै हालसम्म नेपालमा...

कुर्था–जयनगर रेल सञ्चालनका लागि प्राविधिक तयारी पूरा

काठमाडौँ । सरकारले कुर्था–जयनगर रेल सञ्चालनका लागि प्राविधिक तयारी पूरा गरेको छ । औपचारिकरुपमा उद्घाटन गर्नासाथ रेल नियमित सञ्चालनको तयारी पूरा भएको नेपाल रेल्वे...

गोविन्दपुरमा हत्यापछि गायव गरिएको टाउको भेटियो

लाहान ।  सिरहाको लहान नगरपालिका १७ गोविन्दपुर गाउँमा युवकको विभत्स हत्या गरी गायव गरिएको टाउको  दिनपछि भेटिएको छ । इलाका प्रहरी कार्यालय लहानका प्रमुख प्रहरी...

दुर्घटनामा परेका भोजबहादुरलाई चौतारी युवा समुहको सहयोग

काठमाडौं । चौतारी युवा समुह, हरिवन, सर्लाही को १७ औ वार्षिक उत्सवको अवसरमा चौतारी युवा समुहका संस्थापक अध्यक्ष रोशन दवाडीको संयोजकत्वमा दुर्घटनामा घाइते भइ...

एमसीसी सम्झौता, संसोधन नगरे खारेज गर : साझा पार्टी

काठमाडाै‌ं ।  एमसीसी (कम्प्याक्ट) सम्झौता संसदबाट पारित गराई छाड्ने प्रधानमन्त्री केपी ओलीको अभिव्यक्तिप्रति साझा पार्टीले गम्भीर ध्यानाकर्षण भएको जनाएकाे छ । एमसीसी सम्झौताका कतिपय बुँदा...

वाम–लोकतान्त्रिक आन्दोलनका उपलब्धि रक्षाको प्रश्न

प्रधानमन्त्री केपी शर्मा ओलीले पुस ५ गते अनयास संसद् विघटन गरेर मध्यावधि घोषणा गरेको घटनाले मुलुकमा राजनीतिक संकट र समस्या उत्पन्न भएको छ ।...

निगमको हङकङमा एकै दिन तीन चार्टर्ड उडान : फर्किए ५८२ यात्रु

काठमाडौँ । नेपाल वायु सेवा निगम (नेपाल एयरलाइन्स) ले एकै दिन हङकङमा तीन चार्टर्ड उडान गरेको छ । एयरलाइन्सका दुई न्यारोबडी ए–३२० तथा एक...

‘सांसद विकास कोष र दसैं भत्ता खारेज गरौं’

कठमाडौं । प्रमुख प्रतिपक्षी दल नेफाली कांग्रेसले सांसद विकास कोष, दसैं भत्ता लगायत खारेज गरेर जनताको जीवन जोगाउनेतर्फ लगानी बढाउन सरकारलाई आग्रह गरेको छ...

ई-पेपर

RAJDHANIDAILY VIDEO

हाम्रो पात्रो

प्रमुख

भर्खरै

छुटाउनुभयो कि?

(Visited 137 times, 1 visits today)