सर्लाही । सर्लाहीमा खेतमा जमेको पानीमा डुबेर एक वृद्धको मृत्यु भएको छ । मृत्यु हुनेमा मलगंवा नगरपालिका वडा नं. ६ सुखैनिया टोल बस्ने ५० वर्षीय चन्द्र किशोर पासवान रहेका छन ।मृत्क पासवान गए साँझ ५ सय मिटर टाढा रहेको आफ्नै खेतमा पानी हेर्न जाँदा खेतमा जमेको पानीमा डुबी पासवानको मृत्यु भएको जिल्ला प्रहरी कार्यालय सर्लाहीले जनाएको छ ।

मृतक पासवान मरेको खबर सुन्न साथ प्रहरी घटना स्थलमा जाँदा पासवान आफनै खेतमा जमेको पानीमा मृत भई घोप्टो अवस्थामा शव फेला परेको जिल्ला प्रहरी कार्यालय, सर्लाहीका प्रहरी प्रवक्ता तथा प्रहरी नायव उपरीक्षक मदन कुवँरले जानकारी दिए । अहिले मृतक पासवानको शव मलंगवा अस्पतालमा पोष्टमार्टमका लागि राखिएको प्रवक्ता कुवँरले बताए ।