यसपाली दसैमा भिमेश्वर मन्दिरमा सर्वसाधारणले पूजा गर्न नपाउने

दोलखा । दोलखाको पवित्र धार्मिक स्थल भिमेश्वर मन्दिरमा बडा दसै भर सरकारी पूजा मात्रै हुने भएको छ । ६ महिना अघि देखी नित्य पुजा बाहेक दर्शन गर्न समेत बन्द गरिएको भिमेश्वर मन्दिरमा दसैं अवधि भर गुठियारहरुले गर्ने सरकारी पुजा बाहेक अन्य पुजा रोक्ने निर्णय भएको हो ।

सरकारी पुजा बाहेक सर्वसाधरणका लागि मुलकको परिस्थिति हेरेर मात्र मन्दिरका गुठीयारहरुले आगामी कदम चाल्नु पर्ने भिमेश्वर गुठी तथा पुजा ब्यबस्थापन समितीले अध्यक्ष भरत श्रेष्ठले बताए ।

प्रमुख जिल्ला अधिकारी रमेश प्रसाद शिवाकोटी, रणभिम गण चरिकोटका गणपति अरुण केसी नेपाल प्रहरीका प्रहरी नायव उपरिक्षक रेवतीरमण पोखरेल , सशत्रप्रहरि बल चरिकोटका प्रहरी नायव उपरिक्षक बुद्धनारायण मर्हजनको रोहबरमा भिमेश्वर गुठी तथा पुजा ब्यबस्थापन समितीले दसैंभर सरकारी बाहेका अन्य पुजा गर्न रोक लगाउने निर्णय गरेको गुठियार ज्ञानेन्द्र प्रधानले जानकारी दिए । ‘दसैंमा हजारौको संख्यामा बोका राँगा भालेको भोग दिई पूजा गर्दै आएको भिमसेनको शिलामा यसपटक सर्वसाधरणले पूजा गर्न पाउने छैनन् । भिमेश्वरको नाम भाकल गरेर सर्वसाधारण नआउन् भनेर बेलैमा निर्णय गरिएको प्रजिअ शिवाकोटीले बताए ।

त्रिभुज आकारको अमूर्त कालो शिला मूर्तिलाई भीमेश्वर, भीमसेन या भैरवको रूपमा पुजिन्छ । एक शिला तीन अबतार मानिएको छ । कसै कसैले यहि मूर्तिलाई नै देवी भगवतीको रूपमा पनि मानेका छन् । भिमेश्वरको शक्ति अद्भुत रहेको बताइन्छ ।

शिवको अर्को रूप भैरव, भीम पनि हो त्यसैले महादेव पशुपतिको रूपमा रुद्री पूजा गरिन्छ भने, भीमसेन, भैरवको रूपमा वली पूजा समेत गरिन्छ । भीमेश्वर, भीमसेनमा साधारण पूजा देखि पञ्चवली र एकल पूजा समेत गरिने परम्परागत चलन छ । भीमेश्वरको पूजाको लागि गुठीको व्यवस्था भएको छ । जसमा ४ गुठीयार र ४ टहलुवाहरू छन् ।

यस भीमेश्वर भीमसेन मूर्तिमा शिव महादेवको रूपमा रुद्री पजा गरिन्छ भने भीमसेन भैरवको रूपमा वलीपूजा पनि भइरहेको छ । रुद्रीको साथै वलीपूजा गर्ने चलन कहिलेदेखि भयो यकिन गरी भन्न सकिने अवस्था नभए पनि स्थापना कालदेखि भइरहेका अनुमान छ । वलीपूजाको बेला महादेवशिव देशमा सङ्कट अनिष्ट हुनुभन्दा पहिले भीमसेन मूर्तिमा पसिना आउने गर्दछ । त्यसैले भीमसेनलाई पूर्व सूचक भनिएको हो । यो भीमेश्वर भीमसेनको मूर्ति कहिले कस्ले स्थापना गरेको हो एकिन गर्ने आधार प्रमाण भने भेटिएको छैन ।

वडा दशैमा पूजा संकल्प गर्दा किरात कालिन देखिका राजा महाराजाहरूको नाम लिने चलन छ । जस्तो हाइहाइ राजा, सुइसुइ राजा डवाफे गोंस, तुफी गोंस राजा, गोल्मा राजा, लिच्छवी कालिन, मल्लकालिन, पात्रवंशी राजा तथा गद्धिसिन समेतको नाम लिने गरिन्छ ।

तपाइको प्रतिक्रिया
(Visited 566 times, 1 visits today)

Ads Space Available

epaper

भर्खरै

कांग्रेसमा मन्त्री छान्न सकस, कोइराला पक्ष छलफलमा

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
स्थानीय तह निर्वाचनः देशैभरि दुईपक्षीय प्रतिस्पधा