युएइ । इन्डियन प्रिमियर लिग (आईपीएल) अन्तर्गत गएराति सम्पन्न खेलमा दिल्ली क्यापिटल्स विजयी भयो । उसले राजस्थान रोयल्सलाई १३ रनले पराजित गर्दै लिग अंक तालिकाको शीर्ष स्थानमा पुगेको छ ।
जितसँगै शीर्ष स्थानमा उक्लिएको दिल्लीले ८ खेलमा १२ अंक जोडेको छ । दिल्लीको यो छैटौं जित हो । पुछारबाट दोस्रो स्थानमा रहेको राजस्थानको भने यो पाँचौ हार हो । राजस्थानले ८ खेलमा ६ अंक जोडेको छ ।
दुबई अन्तर्राष्ट्रिय क्रिकेट मैदानमा दिल्लीले दिएको १ सय ६२ रनको लक्ष्यसहित जवाफी ब्याटिङ गरेको राजस्थानले २० ओभरमा ८ विकेट गुमाएर १ सय ४८ रन मात्र बनाउन सक्यो । यसअघि टस जितेर पहिले ब्याटिङ गरेको दिल्लीले २० ओभरमा ७ विकेट गुमाएर १ सय ६१ रन बनाएको थियो ।
बिहीबार साँझ रोयल च्यालेन्जर्स बैंगलोर र किंग्स एलेभेन पन्जाबबीच भिडन्त हुँदैछ ।
तपाइको प्रतिक्रिया
(Visited 228 times, 1 visits today)
