काठमाडौं । न्यायपरिषद्ले देशभरका उच्च अदालतमा कार्यरत ८४ न्यायाधीश सरुवा सिफारिस गरेको छ । परिषद्को सिफारिसमा प्रधानन्यायाधीश चोलेन्द्र शमशेर राणाले उनीहरूको सरुवा गर्नेछन् ।
न्यायपरिषद्को बुधबार बसेको बैठकले दुई वर्षदेखि कार्यरत न्यायाधीशको सरुवा सिफारिस गरेको हो । परिषद्ले न्यायाधीश प्रकाशचन्द्र गजुरेललाई राजविराज इजलासबाट उच्च अदालत जनकपुरमा सरुवा गरेको छ ।
त्यस्तै, पाटन उच्च अदालतका न्यायाधीश तेजबहादुर कार्कीलाई उच्च अदालत दिपायल, महेन्द्रनगर इजलास सरुवा भएका छन् । सुर्खेत उच्च अदालतबाट न्यायाधीश विनोद शर्मा उच्च अदालत पाटन सरुवा भएका छन् । उनीहरू दसैंपछिमात्रै अदालतमा हाजिर हुन्छन् । यसअघि, न्याय परिषद्ले गत सातामात्रै ठूलो संख्यामा जिल्ला न्यायाधीश सरुवा गरेको थियो ।
तपाइको प्रतिक्रिया
(Visited 459 times, 1 visits today)