Wednesday, September 22, 2021
Your Ads Here
Homeप्रदेशप्रदेश २कोरोना कहर : प्रदेश २ का सरकारी कार्यालय धमाधम बन्द हुँदै

कोरोना कहर : प्रदेश २ का सरकारी कार्यालय धमाधम बन्द हुँदै

,
sharethis

जनकपुरधाम । सरकारी कर्मचारीहरु कोरोना संक्रमित हुन थालेपछि प्रदेश २ का कार्यालयहरु धमाधम बन्द हुन थालेको छ । लकडाउन खुलेपछि प्रदेशका दर्जनो कर्मचारी कोरोना संक्रमित भएका छन् ।

धनुषाका नापी कार्यालयका नापी अधिकृत सहित सो कार्यालयका २९ जना कर्मचारी संक्रमित भएका छन् । कर्मचारी संक्रमित भएपछि कार्यालय बन्द गरिएको छ । अधिकृतलाई संक्रमण भएपछि शुरुमा तिन दिनका लागि कार्यालय बन्द गरिएको थिया अहिले पूरै कर्मचारी नै संक्रमित भएपछि लामै बन्द हुने सो कार्यालयका अधिकारीहरुले वताएका छन् ।

आईतबारदेखि नै बन्द रहेको कार्यालयका अधिकांश कर्मचारीहरु संक्रमित भएपछि कार्यालय अझै बन्द रहने भएको छ । अत्यधिक मात्रामा सेवाग्राहीको भिड रहने नापी कार्यालयका संक्रमित कर्मचारीको सम्पर्कमा रहेका अधिकांश सेवाग्राही पनि जोखिममा रहेकाले सतर्क रहनका लागि कार्यालयले आग्रह गरेको छ ।

एकैपटक एउटै कार्यालयका २९ जना कर्मचारीमा पहिलो पटक संक्रमण देखिएको हो । सर्लाहीमा प्रमुख जिल्ला अधिकारी सहित जिल्ला प्रशासन कार्यालयका ६ जना कर्मचारीमा कोरोना संक्रमण देखिएपछि एक हप्ताका लागि जिल्ला प्रशासन कार्यालय पनि बन्द गर्ने निर्णय गरिएको छ ।

शान्ति सुरक्षा र विपद् व्यवस्थापनका काम बाहेक जिल्ला प्रशासन कार्यालय एक हप्ता सम्मको लागि बन्द गर्ने निर्णय गरिएको हो । केहि दिन अघि जिल्ला प्रशासन कार्यालयका एक जना नायव सुब्बामा कोरोना संक्रमण पुष्टि भएपछि असोज २२ गते जिल्ला प्रशासन कार्यालयका कर्मचारी सहित ७१ जनाको स्वाब कोरोना परिक्षणको लागि संकलन गरिएको थियो ।

जसमध्ये ११ जनामा कोरोना पोजेटिभको पुष्टि भएको छ । सर्लाहीका प्रमुख जिल्ला अधिकारी सुरेन्द्र पौडेल, एक जना प्रसासकीय अधिकृत लगायत जिल्ला प्रशासन कार्यालयका ५ जना कर्मचारी रहेको जिल्ला प्रशासन कार्यालयका प्रसासकीय अधिकृत रामप्रमोद यादबले जानकारी दिए ।

सिरहाको जेलको अवस्था उस्तै रहेको छ । जेलका अधिकांश कैदी कोरोना संक्रकित रहेका छन् । सिरहा जिल्ला कारागारमा रहेका ५९९ कैदीबन्दीमध्ये ५०७ जनामा कोरोना संक्रमण पुष्टि भएको छ । कारागार कोरोनाको ‘हटस्पट’ मात्र भएको छैन, सिंगो कारागारलाई नै आइसोलेसन बनाउनु परेको छ ।

२४ घण्टामा भएका समाचारहरु पढ्नुहोस   सर्पदंशले दिदीभाइको ज्यान गयो

सिरहाका प्रमुख जिल्ला अधिकारी प्रदीपराज कणेलका अनुसार संक्रमित भएका मध्ये अधिकांश सुधान्मुख रहेका छन् । भदौको अन्तिम साता र असोजको पहिलो सातामा कारागारमा कोरोना संक्रमण फैलिएको थियो । जिल्ला प्रशासन कार्यालय सप्तरीले बुधबारदेखि सेवा कटौती गरेको छ । कर्मचारीमा कोरोना संक्रमण देखिएकोले सेवाग्राहीमा फैलिन सक्ने भन्दै केही सेवाहरु तत्कालका लागि बन्द गरेको प्रशासन कार्यालले जनाएको छ ।

कार्यालयका १ जना कर्मचारीको कोरोना संक्रमणबाट मृत्यु भएको छ भने ९ जनामा कोरोना पुष्टि भएको छ । जसमध्ये ५ जना अझै उपचाररत छन् । प्रशासन कार्यालयले जारी सूचनाअनुसार नयाँ नेपाली नागरिकता वितरण, नागरिकता प्रतिलिपी वितरण, हातहतियार दर्ता र नवीकरण, संस्था दर्ता, पत्रपत्रिका दर्ता र नवीकरण, राहदानी वितरण, नाबालक परिचय पत्र वितरणलगायत सेवा प्रवाह हुने छैन । तर शान्ति सुरक्षा, ठाडो निवेदन र उजुरी, मुद्दा सुनुवाइ र विपद व्यवस्थापनसम्बन्धी सेवा भने सञ्चालनमा रहने सूचनामा उल्लेख छ ।

जनकपुरधामका वरिष्ठ चिकित्सक डा. एसके सिंहले कारोना प्रति सर्तकता अपनाइए न भने अझै गम्भिर अवस्था आउने चेतावनी दिए । सरकार कार्यालय मात्रै होइन हाटबजार, चौक सबैठाउँमा त्यतिकै भीड बढेको छ । मास्कसम्म लगाउँदैनन् यस्तो अवस्थामा स्थिति बिग्रने खतरा रहेको वताए ।

प्रदेश २ मा अहिले राजनीतिक गतिविधि बढेको छ । दिनदिनै पार्टी प्रवेशका कार्यक्रमहरु हुँदै रहन्छन । समाजिक दूरीलाई कसैले मानिरहेको छैन । यससँगै यस प्रदेशमा कोरोना संक्रमणबाट मृत्यु हुनेको संख्या १ सय ५३ पुगेको छ । प्रदेशमा कोरोना संक्रमितको संख्या १४ हजार ३ सय २१ रहेको छ । यस प्रदेशमा कोरोनामुक्त हुनेको संख्या १२ हजार २ सय ९३ पुगेको सामाजिक विकास मन्त्रालयले जनाएको छ । प्रदेश २ मा सक्रिय संक्रमितको संख्या १ हजार ८ सय ७५ रहेको अधिकारीहरुले जनाएका छन । समाजिक विकास मन्त्री नवलकिशोर साहले संयमता अपनाउन सबैसंग आग्रह गर्छन् । स्थितिलाई नियन्त्रणमा ल्याउन सबैको सहयोगको आवश्यक्ता रहेको उनले बताए ।

तपाइको प्रतिक्रिया

(Visited 217 times, 1 visits today)

आजको समाचार

रत्नजित र रशिला च्याम्पियन

काठमाडौं । शीर्ष वरीयताका विभागीय त्रिभुवन आर्मी क्लबका रत्नजित तामाङ र विभागीय त्रिभुवन आर्मी क्लबकी रशिला महर्जन प्रथम रिभाइभ लिजर पार्क खुला राष्ट्रिय ब्याडमिन्टन...

बेलायतमा एकै दिन ३१ हजारभन्दा बढी कोरोना सङ्क्रमित

लन्डन । बेलायतमा पछिल्ला केही हप्तायता कोभिड १९ का सङ्क्रमितहरुको संख्या झन् बढ्न थालेको बताइएको छ । यहाँ प्राप्त पछिल्लो समाचारअनुसार मंगलबार मात्र बेलायतमा...

दिदीभाइलाई ओछ्यानमै सर्पले डस्यो, अस्पताल लैजादा बाटैमा मृत्यु

काठमाडाैं ।  सप्तरीमा विषालु सर्पले डस्दा एकै परिवारका दिदीभाइको मृत्यु भएको छ । मृत्यु हुनेमा खडक नगरपालिका–२ बेल्हीका १४ वर्षीया सुनिता मण्डल र नौ...

मोडल कुन्साङ बोम्जन फिचर्ड ‘केवल तिमीभित्रै’

काठमाडौं । सामाजिक कार्यको साथमा नेपाली गीत संगीतमा सक्रिय स्रष्टा र सर्जकको सिर्जनालाई बचाई राख्ने उदेश्य साथ स्थापित स्मुल सिङ्गिङ ओपन ग्रुपको प्रस्तुतिमा रहेको...

कांग्रेस पदाधिकारी बैठक बस्दै, खड्काकाे बारेमा थप छलफल हुने

काठमाडाैं ।  प्रमुख सत्तारुढ दल नेपाली कांग्रेसले पार्टीको १४औँ महाधिवेशन र समसामयिक विषयमा छलफल गर्न केन्द्रीय पदाधिकारी बैठक बोलाएको छ । प्रधानमन्त्री एवं पार्टी सभापति...

साताका लोकप्रिय समाचार

ओमानविरुद्ध नेपालको ऐतिहासिक जित

काठमाडौं । कप्तान ज्ञानेन्द्र मल्लको कीर्तिमानी अर्धशतक र तीव्र गतिका बलर करण केसी र स्पिनर सन्दीप लामिछानेको उत्कृष्ट बलिङ प्रदर्शनपछि नेपालले आईसीसी विश्वकप लिग–२...

राष्ट्रिय स्वार्थमा समर्पित नेतृत्वको अपेक्षा !

वर्तमान नेपाली राजनीतिमा सत्ता चलायमानको स्थिति नहुँदा विकासको मार्ग र मानवीय संवेदनामा ठूलो क्षति भइरहेको छ । नेपाली राजनीति विगतबाटै प्रतिरोध र प्रतिशोध साँध्ने...

‘बिपी पुष्पलालसँग नमिल्दा पञ्चायत आयो, मदन भण्डारीले गणेशमान र किसुनजीलाई कन्भिन्स गरेर पञ्चायत ढाले’

  काठमाडौं । नेकपा एमालेका अध्यक्ष केपी शर्मा ओलीले कांग्रेसकै कारण राजा महेन्द्रले निरंकुश पञ्चायती व्यवस्था लाद्न पाएको दाबी गरेका छन् । श्वेतशार्दूल (मदन भण्डारी) पुस्तक...

पञ्चायतले ०३५ सालमा मृत्युदण्ड दिएकाे क्याप्टेन यज्ञबहादुर थापालाई ०७८ मा पदक

ओखलढुंगा । क्याप्टेन यज्ञबहादुर थापाले सहादत प्राप्त गरेको ४३ वर्ष भइसकेको छ । सरकारले आइतबार घोषणा गरेको मानपदवी पाउनेको सूचीमा थापाको नाम ‘प्रसिद्ध प्रबल जनसेवाश्री’...

धावक धर्मले बर्लिन म्याराथन खेल्ने

काठमाडौं । नेपाली धावक धर्म महर्जनले विश्व प्रसिद्ध म्याराथनमध्येको एक बर्लिन म्याराथनमा सहभागिता जनाउने भएका छन् । उनी बिहीबार त्यसतर्फ प्रस्थान गर्दै छन् । बैकुण्ठ...

ट्रेन्डिङ

स्वास्थ्यमन्त्री- हिसानका अध्यक्ष भेट

काठमाडाैं । स्वास्थ्य तथा जनसंख्या मन्त्री भानुभक्त ढकालले कोभिड १९ महामारी रोकथाम तथा नियन्त्रणमा नेपाल स्काउट र उच्च माध्यामिक विद्यालय संघ (हिसान)का तर्फबाट हुन...

बिदाइमा भक्कानिए मेस्सी

क्याटलान । अर्जेन्टिनी फरवार्ड लियोनेल मेस्सी क्याटलान क्लब बार्सिलोनाबाट बिदाइका क्रममा आयोजित सम्बोधन गर्ने समारोहमा भक्कानिएका छन् । आफ्नो अभिव्यक्ति राख्नुअघि नै सम्हाल्न नसकेर...
1

प्रमुख

भर्खरै

छुटाउनुभयो कि?

तपाइको प्रतिक्रिया
(Visited 200 times, 1 visits today)