सरकारी अस्पतालका डाक्टरलाई क्लिनिक खोल्न दुरी तोकिन्छ : मन्त्री ढकाल



मोरङ । स्वास्थ्य तथा जनसंख्यामन्त्री भानुभक्त ढकालले सरकारी अस्पतालमा कार्यरत डाक्टरहरुले निश्चित दुरी छाडेर मात्र क्लिनिक सञ्चालन गर्ने परिपाटी बसाइने बताएका छन् । शनिवार विराटनगरमा विराट एक्स्पोको समापन समारोहलाई सम्बोधन गर्दै मन्त्री ढकालले भने,‘सरकारी अस्पतालमा सम्पर्क बिन्दु राख्ने अनि छेउमै टाँसेर क्लिनिक सञ्चालन गर्ने काम बन्द हुनुपर्छ ।’ नजिकैको क्लिनिकमा सरकारी अस्पतालको डाक्टर भन्दै ठूलो विज्ञापन गर्दै निजीलाई प्रोत्साहित गर्नु दुरुपयोग हो मन्त्री ढकालले भने त्यसलाई समयक्रममा सुधारीने छ ।’


स्वास्थ्य तथा जनसंख्या मन्त्री ढकालले एक नम्बर १ मा रहेको संघीय सरकार मातहतको कोशी अस्पतालको क्षमता विस्तारमा सरकारको ध्यान गएको बताए । उनले कोशी अस्पताललाई मुकलुकै नमुना बनाई सर्वसाधारण जनताहरुले सुलभ ढंगले स्वास्थ्य परिक्षण गर्ने ठाउँको रुपमा विकास गर्नुपर्ने बताए । उनले भने सवैभन्दा पहिला कोशी अञ्चल अस्पतालले भोगिरहेको दुर्दशाबाट मुक्त गर्नुपर्ने बताए । उनले भने,‘सुकम्बासीको बस्तिको जस्तो घेरीएर, टहराहरुको बिचमा कैदी जीवन बिताइरहेको कोशी अंचल अस्पताल सवैभन्दा पहिलो त्यो दुर्दशाबाट मुक्त हुनुपर्छ,त्यसमा केन्द्रीय सरकारको ध्यान गइसकेको छ ।’ कोशी अस्पतालको स्तर बृद्धि गर्न साधन, स्रोत र पैसाको अभाव नहुने भन्दै मन्त्री ढिकालले विकास गर्न सक्ने व्यवस्थापनको जिम्मा लिने पक्ष तयार हुनुपर्नेमा जोड दिए ।


राजनितिक अस्थिरता हुँदा मात्र आफ्नो भविष्य देख्ने नेताको मनोबृत्ति मुलुकमा स्थायीत्व र स्थिरताको निम्ति पनि बाधक बनेको उनले आरोप लगाए । जनतालाई स्थिर सरकार आएर राम्रै भएको छ, मन्त्री ढकालले भने तर ६–६ महिनामा मन्त्रि नफेरीदा मन्त्री मण्डलमा समावेश हुनबाट बञ्चित भएको पिडा बोक्नेका कारण अराजकता र अस्थिरता ननिम्त्योस भन्नेमा सवै नेपाली सचेत हुन आवश्यक रहेको बताए ।
यस्तै उद्योग संगठन मोरङका अध्यक्ष भीम घिमिरेलगायतले उठाएको जिज्ञासाको जवाफ दिँदै मन्त्री प्रदर्शनी स्थल निर्माणको लागि रित पु¥याएर आए संघीय सरकार बाधक नबन्ने बताए । त्यसले यसकालागि सवैले आ–आफ्नो जिम्मेवारी पुरा गरेर अघि बढ्न सुझाव दिए । विकास निर्माण सवै तहमा भएकाले गर्ने हो भन्दै उनले भने,‘जनताले विकास गर्न ज–जसलाई जिम्मा दिएका छन्, नबाझिकन, अन्तरबिरोध कायम नगरिकन हामी जनताको सेवामा समर्पित गर्ने गरि लाग्ने हो ।


मन्त्री ढकालले समापनको दिनमा समेत देखिएको सहभागिताले एक्स्पो भव्यरुपमा सफल भएको अनुभूति आफूलाई भएको प्रतिक्रिया दिए ।
समापन समारोहमा विराटनगरपालिकाका मेयर भीम पराजुलीले औद्योगिक तथा कृषि प्रदर्शनीका लागि स्थायी स्थल बनाउन आवश्यक रहेको बताए । उनले यसकालागि सरकारी जग्गा प्रर्याप्त रहेको भन्दै संघीय सरकारलाई सहयोग गर्न आग्रह गरे । महानगरपालिका आर्थिक सिमितताका कारण गर्न नसकेको भन्दै उनले निजी क्षेत्र र तीनै तहका सरकारको पहलमा निर्माण गर्नुपर्नेमा जोड दिए । यस्तै उनले कोशी अञ्चल अस्पताललाई मेडिकल कलेजको रुपमा विकास गर्न स्वास्थ्यमन्त्रीको ध्यानाकर्षण गराए ।


उद्योग संगठन मोरङका अध्यक्ष भीम घिमिरेले प्रदर्शनी स्थल नहुँदा निजी क्षेत्रले पिडा भोग्नुपरिरहेको बताए । ‘सरकारी प्रकृयाका कारण हामी दिक्क भइसकेका छौं’, उनले भने,‘सरकार साझेदार नबन्ने हो भने निजी क्षेत्र आफैले निर्माण गर्ने छ ।’एक्स्पोका संयोजक भोलेश्वर दुलालले प्रदर्शनी मेलाले सवै खालका साना ठूला उद्योगहरुका उत्पादन प्रवद्र्धनमा सहयोग पुगेको बताए । मेलामा ३ लाख ५० हजारजना भन्दा बढीले अवलोकन गरेको उनले जानकारी दिए ।

तपाइको प्रतिक्रिया
(Visited 91 times, 1 visits today)

Ads Space Available

epaper

भर्खरै

लामिछानेलाई थुनामै राख्न माग गर्दै सर्वोच्चमा पुनरावेदन

कुरी-कुरी

राजधानी राष्ट्रिय दैनिक:कुरी-कुरी – माघ १७, २०७९
राजधानी राष्ट्रिय दैनिक:कुरी-कुरी – माघ १७, २०७९
महोत्तरीको बल्वा नगरपालिकामा हवाई फायर