Monday, July 26, 2021
Homeभर्खरैअन्योलमा ओली, दाहाल र प्रदेश पदाधिकारी छलफल

अन्योलमा ओली, दाहाल र प्रदेश पदाधिकारी छलफल

नेकपा कर्णाली प्रदेश सत्ता संघर्ष

,
sharethis

काठमाडौं । सत्तारुढ नेपाल कम्युनिस्ट पार्टी (नेकपा) अध्यक्षद्वय केपी शर्मा ओली, पुष्पकमल दाहाल र कर्णाली प्रदेश पदाधिकारी छलफल अन्योलमा परेको छ । कर्णाली प्रदेश मुख्यमन्त्री महेन्द्रबहादुर शाहीविरुद्ध सत्तारुढ नेकपाकै १८ सांसदले अविश्वास प्रस्ताव दर्ता गराएपछि विवाद बढेको हो ।

कर्णाली प्रदेश विवाद समाधानका लागि ओली र दाहालले ‘सबै पक्षस“ग संयुक्त छलफल गर्ने’ भन्दै काठमाडौं बोलाएका हुन् । तर, बिहीबार नै गर्ने भनिएको छलफल ‘अब कहिले हुने ?’ भन्ने अनिश्चित बनेको छ ।

नेकपा कर्णाली प्रदेशका एक सांसदले ‘काठमाडौं आएको दुई दिन बितिसक्दा पनि छलफल कहिले हुने ? भन्ने निश्चित नभएको’ बताए । दसैं लागिसकेकाले आज शनिबार पनि छलफल नभए आफूहरू जिल्ला फर्किने उनले प्रस्ट पारे ।
‘काठमाडौं बोलाइयो तर छलफल कहिले गर्ने कुनै टुंगो छैन,’ ती सांसदले शुक्रबार साझ राजधानीसँग भने, ‘समय नै नदिएपछि किन बोलाउनु ? दसैं लागिसक्यो काठमाडौंमै बस्ने कुरा भएन । शनिबार पनि छलफल भएन भने हामी जिल्ला फर्किन्छौं, यहाँ कुरेर काम छैन ।’

प्रधानमन्त्रीसमेत रहेका नेकपा अध्यक्ष ओलीको कार्य व्यस्तताका कारण छलफल अनिश्चित बनेको छ । बिहीबारका लागि तय छलफल ओलीले समय नदिएकै कारण अनिश्चित बनेको स्रोतको दावी छ । शनिबार छलफल हुने भनिए पनि समय अझै निश्चित भएको छैन ।

कर्णाली प्रदेश सांसद एवं अविश्वास प्रस्ताव दर्ता गर्ने नेता यमलाल कँडेलले पार्टीको निर्देशनअनुसार आफूहरू काठमाडौं आएको बताउ“दै अहिलेसम्म छलफलका लागि समय नपाएको जानकारी दिए ।

‘पार्टी निर्देशन भयो हामी काठमाडौं आयौं तर छलफल कहिले हुने हो थाहा छैन,’ कँडेलले भने, ‘सम्भवतः शनिबार छलफल हुनसक्ने भए पनि समय अझै तोकिएको छैन ।’

दाहालले भेटे असन्तुष्ट नेता
यसैबीच, नेकपा अध्यक्ष दाहालले कर्णाली प्रदेशका असन्तुष्ट नेतालाई शुक्रबार भेटेका छन् । अविश्वास प्रस्ताव दर्ता गर्ने कँडेल, नेकपा प्रदेश कमिटी सचिव मायाप्रसाद शर्मा, निलम्बित प्रमुख सचेतक गुलाबजंग शाहीलगायत नेतासग दाहालले छलफल गरेका छन् ।

दाहालले पार्टीको स्थायी कमिटी निर्णयअनुसार संघीय र प्रदेश सरकार पुनर्गठन तयारी भइरहेकै बेला अविश्वास प्रस्ताव आउनुले समस्या थपेको बताए । छलफलमा सहभागी शर्माका अनुसार ‘दाहालले अविश्वास प्रस्तावले अन्य प्रदेशमा समेत समस्या बढाउनसक्ने भन्दै अविश्वास प्रस्ताव दर्ता गर्नुअघि पार्टीमा छलफल गर्दा राम्रो हुने’ बताएका छन् ।

‘हामीले प्रदेशमा देखिएको समस्याबारे कुरा राख्यौं, अध्यक्ष कमरेड प्रचण्डले सबै कुरा सुन्नुभयो,’ शर्माले भने, ‘उहाँले हाम्रो कुरा सुनेपछि एकपटक पार्टीमा सल्लाह गरेको भए राम्रो हुन्थ्यो भन्नुभयो ।’

छलफलमा सहभागी अर्का एक नेताका अनुसार दाहालले अविश्वास प्रस्तावले अन्य प्रदेशमा समेत भाँडभैलो मच्चिनसक्ने औंल्याए थिए । पार्टी एकतालाई नै प्रभाव पार्नेगरी अविश्वास प्रस्ताव सबैतिर आउन थालेपछि समस्या बढ्दै जाने प्रचण्डले उल्लेख गरेका हुन् ।

‘अविश्वास प्रस्तावले कुनै अमुक व्यक्तिलाई फाइदा त होला तर देश र जनतालाई कही“कतै फाइदा गर्दैन,’ दाहालको भनाई उद्धृत गर्दै ती सांसदले भने, ‘यसले पार्टी एकतालाई समेत प्रभावित पार्न सक्छ, स्थायी कमिटीको निर्णयअनुसार हामी संघीय र प्रदेश सरकार पुनर्गठन गृहकार्यमा रहेकै बेला अविश्वास प्रस्ताव नआउँदा सही हुन्थ्यो ।’

असन्तुष्ट नेतासँग शुक्रबार छलफल गरेका दाहालले बिहीबार मुख्यमन्त्री शाही, आर्थिक मामिला तथा योजनामन्त्री प्रकाश ज्वाला, सांसद चन्द्रबहादुर शाहीलगायतसँग छलफल गरे । वरिष्ठ नेता माधवकुमार नेपालको सहभागितामा भएको छलफलमा कर्णाली प्रदेशको अवस्थाबारे शाहीसहितका नेताले ‘ब्रिफिङ’ गरेका छन् ।

पार्टीका बहुमत सांसदले अविश्वास प्रस्ताव दर्ता गराएपछि संकटमा परेका मुख्यमन्त्री शाहीविरुद्ध हस्ताक्षर गर्ने नेपालनिकटका सात सांसद सम्झौतापछि मंगलबार पछि हटेका थिए ।

(Visited 208 times, 1 visits today)
Loading comments...

आजको समाचार

निगमलाई निजीकरण नगर्न अल्पकालीन अन्तरिम आदेश

काठमाडौं । सर्वोच्च अदालतले नेपाल वायु सेवा निगमलाई तत्काल निजीकरण नगर्न अल्पकालीन आदेश जारी गरेको छ । नेपालका लागि नेपाली पार्टीकातर्फबाट आतिस कार्कीले दायर गरेको...

कमजोर नबनून् राजनीतिक दलहरू !

नेपालको संविधान २०७२ को प्रस्तावनामामुलुकले ‘जनताको प्रतिष्पर्धात्मक बहुदलीय लोकतान्त्रिक शासन प्रणाली’अँगाल्ने कुरा उल्लेख गरिएको छ । बहुदलीय प्रतिष्पर्धात्मक राज्य व्यवस्थामा आवधिक निर्वाचनको महŒवपूर्ण भूमिका...

६० सचिव फेरबदलको गृहकार्यमा देउवा सरकार

काठमाडौं । कांग्रेस सभापति शेरबहादुर देउवा नेतृत्वको सरकारले विभिन्न मन्त्रालय र निकायका प्रशासनिक नेतृत्वमा रहेका सचिवको सरुवा तयारी गरेको छ । विभिन्न मन्त्रालय र निकायमा...

जसपा विवादः महन्थको रिटमा अन्तरिम आदेश दिन अस्वीकार

काठमाडौं । सर्वोच्च अदालतले महन्थ ठाकुर पक्षले दिएको रिटमा अन्तरिम आदेश दिन अस्वीकार गरेको छ । पार्टीभित्रको विवाद निरुपणका लागि निर्वाचन आयोगले थालेको ‘हेडकाउन्ट’...

जसपा आधिकारिकता विवादको टुंगो आज

काठमाडौं । जनता समाजवादी पार्टी (जसपा) आधिकारिताबारे निर्वाचन आयोगले आज (सोमबार) निर्णय गर्दै छ । आयोगको निर्णय आउन निश्चित भएसँगै जसपा अध्यक्षद्वय उपेन्द्र यादव...

साताका लोकप्रिय समाचार

पर्यटकलाई भिसा छुट दिने घोषणा कार्यान्वयन भएन

काठमाडौं । सरकारले चालू आर्थिक वर्ष २०७८-७९को बजेट (अध्यादेश)मार्फत विभिन्न मुलुकबाट नेपाल आउने विदेशी पर्यटकलाई एक महिना अवधिको भिसा शुल्क छुट दिने भनिए पनि...

भाेली सार्वजनिक बिदा

काठमाडाैं । सरकारले बकर इदको अवसरमा बुधबार सार्वजनिक बिदा दिएको छ । गृह मन्त्रालयले आज एक सूचना जारी गरी इस्लाम धर्मावलम्बीले मनाउने बकर इद (इद–उल–अजहा)...

‘ठूलोबाको छोरासंगको प्रेम सुजिताको मृत्युको कारण’

  चितवन । पूर्वीचितवनको राप्ती नगरपालिका–३ का २३ वर्षीया सुजिता भण्डारी मृत्युको अनुसन्धान गरिरहेको प्रहरीले नयाँ क्लु भेट्टाएको छ । नातामा दाजु पर्ने सुकदेव भण्डारीसंगको प्रेम...

सुजिता मृत्यु प्रकरण : काठमाडौबाट युवक पक्राउ

  काठमाडौं । चितवनको राप्ती नगरपालिकाकी सुजिता भण्डारीको मृत्यु प्रकरणमा नातामा सुजिताको दाजु पर्ने एक युवालाई प्रहरीले पक्राउ गरेको छ । आफन्त एक युवकको नाम तोकेर...

ट्रेन्डिङ

भारतबाट ठूलो संख्यामा आउन थालेपछि कैलालीमा कर्फ्यु

कैलाली । जिल्ला प्रशासन कार्यालय कैलालीले सोमबार दिउँसो २ बजेपछि अनिश्चितकालीन कर्फ्यू (निषेधाज्ञा) जारी गरेको छ । जिल्ला सुरक्षा समितिको बैठकले अर्को सूचना...

जन्ती चढेको गाडी दुर्घटना, बेहुलाबेहुलीसहित १३ घाइते

धनगढी । डडेल्धुरा राजमार्गअन्तर्गत पर्ने कैलालीको गोदावरी नगरपालिकाको गाईमारा सडकखण्डमा जन्ती सवार रहेको गाडी गए राति दुर्घटना हुँदा बेहुलाबेहुलीसहित १३ जना घाइते भएका छन्...

ई-पेपर

1

RAJDHANIDAILY VIDEO

प्रमुख

भर्खरै

छुटाउनुभयो कि?

(Visited 191 times, 1 visits today)