Monday, July 26, 2021
Homeबिचारराजनीतिक दाउपेचभित्र आरोप र प्रत्यारोप

राजनीतिक दाउपेचभित्र आरोप र प्रत्यारोप

,
sharethis

यतिखेर एकजना पूर्वप्रधानमन्त्रीले बहालवालासहित अन्य दुई जना पूर्वप्रधानमन्त्रीमाथि बूढीगण्डकी जलविद्युत् आयोजनामा ९ अर्ब भाग बिलो लगाएर खाएको र आवश्यक परे त्यसको प्रमाण आफूले दिन सक्ने बताएपछि तरंग उत्पन्न भएको छ ।

पूर्वप्रधानमन्त्रीको उक्त आरोप भावावेगको अभिव्यक्ति मात्र हो वा सत्यको उजागर पनि हो भन्ने यकिन गर्न अझ केही समय नेपाली जनताले प्रतीक्षा गर्नुपर्ने भएको छ । यद्यपि, सुरुको भनाइलाई सार्वजनिक सञ्चार र सामाजिक सञ्जालले धेरै नै महत्वका साथ उचालेपछि आरोपकर्ताले ‘निष्पक्ष छानबिन आयोग बनाऊँ, म प्रमाण दिन तयार छु र मेरा प्रमाण प्रमाण नहुन पनि सक्छ’ भनेर आफ्नो पूर्ववर्ती भनाइमा भाका फेरेका छन् । आफू गलत भए फाँसी भोग्न पनि तयार रहेको भन्दै उनले निष्पक्ष छानबिनका लागि जनलोकपाल गठनको माग गरेका छन् । उनको आरोपमा केही पूर्वाग्रह पनि झल्किन्छ । राजनीतिक दाउपेचका लागि यस्था आरोप लगाइने गरिएका छन् ।

यसरी लगाइको आरोपका पछाडि सत्य, तथ्य छ वा जनताको मन जित्ने रणनीति मात्र हो भविष्यले बताउला । यो समयमा यो रहस्य किन बाहिर ल्याइँदै छ, त्यो पनि थाहा हुन सकेको छैन । आरोपको सत्यापन हुन बाँकी नै छ । पूर्वप्रधानमन्त्री डा. बाबुराम भट्टराईले समकक्षीकै रूपमा रहेका तीन जना प्रधानमन्त्रीलाई आयोजनाबाट ९ अर्ब रुपैयाँ अनियमित तवरले बाँडेर खाएको आरोप अघिल्लो महिनामा आयोजित गोरखाको एक सार्वजनिक कार्यक्रममा लगाएका थिए । उनले आरोप त लगाएका छन् तर प्रमाण पेस गर्न सकेका छैनन् । विगतमा पनि राजनीतिक दाउपेचभित्र यस प्रकारका आरोप प्रत्यारोप नभएका भने होइनन् ।

गालीगलौजको संस्कार :
राजनीतिमा आरोप, प्रत्यारोप र गालीगलौज अन्तर्राष्ट्रिय संस्कार नै बनेको छ । सन् १८०० को अमेरिकी राष्ट्रपति चुनावमा थोमस जेफरसनले राष्ट्रपतिका उम्मेदवार जोन एडम्सलाई ‘नपुंसक’ भनेका थिए भने उत्तरमा एडम्सले जेफरसनलाई ‘थाहा नभएको नश्लको सन्तान’ भनेका थिए । सन् १९९२ मा क्याब्रे डान्सर फ्लावरले बिल क्लिन्टनको चरित्रमाथि धावा बोलिन् । आफ्नो क्लिनटनसँग लामो समयदेखि अवैध सम्बन्ध रहेको कुरा प्रकट गरिन् । क्लिन्टनलाई चुनावी मैदानमा परास्त गर्ने विपक्षीको योजनामुताबिक उनले यो आरोप लगाएको प्रमाणित भयो । अन्ततः चुनाव क्लिन्टनले नै जिते । सन् २०१६ को अमेरिकी राष्ट्रपतिको चुनावमा वर्तमान राष्ट्रपति डोनाल्ड ट्रम्पले प्रत्यासी हिलारी क्लिन्टनलाई पूर्वराष्ट्रपति क्लिन्टनको यौन लिप्साका बारेमा कुरा निकाले र इमेल प्रकरणमा गोप्य सूचना चुहाएको आरोपमा जेल हाल्ने कुरा गरे । यी दुुईले टेलिभिजन साक्षात्कार कार्यक्रममा हात सम्म मिलाएनन् ।

भारतीय प्रधानमन्त्री नरेन्द्र मोदीले सन् २०१४ को लोकसभा चुनावमा ‘खुनी पन्जा’ भन्दै कांग्रेस आईको चुनाव चिह्नमाथि कटाक्ष गरे । प्रतिउत्तरमा भारतीय कांग्रेसका नेता राहुल गान्धीले भारतीय जनता पार्टीका कार्यकर्तालाई ‘चोर र लुटेराहरूको गिरोह’ भन्नुका साथै ‘इन्डिया मुजाहिद्दिनको समूह’समेत भने । स्वयं मोदीलाई चुनावी मैदानमा लो प्रोफाइल (चिया पसले), साम्प्रदायिक भनेर टिप्पणी गरियो । केही वर्षअघि उत्तर कोरियाली विदेश मन्त्रालयले अमेरिकी राष्ट्रपति डोनाल्ड ट्रम्पलाई ‘युद्ध रुचाउने बूढो मान्छे’ भनी टिप्पणी ग¥यो । जवाफमा ट्रम्पले उत्तर कोरियाली शासक (नेता) किम जोङ–उनलाई ‘आफूले पुट्के र मोटे नभन्ने’ बताए । यो साँच्चिकै हाम्रा बा भकारीभित्र लुकेका छैनन् भन्ने शैलीमा गरिएको व्यंग्यात्मक गाली थियो । यसअघि ट्रम्पले किम जोङ उनलाई ‘पागल’ र ‘सानो रकेट मान्छे’ भनेर जिस्काइसकेका थिए । यी दुुईको यो वाक्युुद्घलाई लिएर रुसी विदेशमन्त्री सर्गेइ लाभ्रोमले ‘साना बच्चाको झगडा’ भनी कटाक्ष गरेका थिए ।

भारतीय प्रधानमन्त्री नरेन्द्र मोदीले सन् २०१४ को लोकसभा चुनावमा ‘खुनी पन्जा’ भन्दै कांग्रेस आईको चुनाव चिह्नमाथि कटाक्ष गरेका थिए

२०४८ को आमचुनावमा काठमाडांैबाट प्रकाशमान हार्दा चुनाव नै नलडेका गणेशमान सिंहले ‘अर्को जन्ममा काठमाडौंमा जन्मनुु नपरोस्, यहाँका मान्छेमा विवेक रहेनछ’ भनेका थिए । प्रतिउत्तरमा मदन भण्डारीले ‘हामी त भौतिकवादी परियो, यदि ईश्वर रहेछन् नै भने गणेशमानजीको यो इच्छा छिटै पूरा गरुन्’ भनेका थिए । नियतिले भने उमेरले बूढो भए पनि कान्छो मदन भण्डारीलाई छिटै लग्यो ।

विगतमा कहिलेकाहीँ प्रचण्डले पनि ‘कहिलेकहीँ त सबै कुरा छताछुल्ल पार्दिऊँजस्तो लाग्छ’ भन्छन् । केपी ओलीले ‘त्यो मन यता सिलायो उता फाटेको छ, उता सिलायो यता फाटेको छ’ भन्दै प्रचण्डप्रति व्यंग्य गर्थे । यसपटक डा. भट्टराईले भने ९÷९ अर्ब नै बाँडेर खाएको आरोप लगाए । उक्त आरोपप्रति नेपाली कांग्रेसका प्रवक्ता विश्वप्रकाश शर्मा र नेकपाका प्रवक्ता नारायणकाजी श्रेष्ठले प्रमाण पेस गर्न चुनौती दिएका छन् । प्रत्युत्तरमा भट्टराईले ‘जस्केलाबाट छिर्नेहरूले सत्ताको धाक नदेखाऊँ’ भन्दै निष्पक्ष छानबिनका लागि अधिकारसम्पन्न जनलोकपाल गठनको माग गरेका छन् । रिसले नै होला उनले अरूलाई ‘आठ कक्षा चोरेर पास गर्नेहरू’ पनि भनेका छन् ।

यो आलेख तयारी गर्दासम्म मुख्य आरोपितले भने कुनै प्रतिक्रिया दिएका छैनन् । एक कार्यक्रमकाबीच प्रधानमन्त्री केपी शर्मा ओलीले चाहिँ ‘हामी त्यस्तो गैरजिम्मेवार र अनैतिक हुन सक्दैनौं । त्यस्तो हर्कत हामी गर्न सक्दैनौ’ भनी आरोपको परोक्ष पारामा खण्डन गरेका छन् । तर, डाक्टर भट्टराई प्रमाण सडकमा देखाउँदै हिँडने चिज होइन, आवश्यक पर्दा सम्बन्धित निकायलाई दिने कुरा गर्छन् ।

सफाइ लिने मौका:
यो आरोपले डा. भट्टराई वा नेतात्रयमध्ये आखिर को दोषी हुन त ? गम्भीर प्रश्न उब्जेको छ । आफूमाथि लागेको आरोप प्रमाणित गर्न चुनौती दिनु उनीहरूका लागि सबैभन्दा बुद्धिमानी देखिन्छ । जनताका माझ जाँदा पनि कम्तीमा पनि डा. भट्टराईलाई या त प्रमाण पेस गर्न चुनौती दिनुप¥यो या त आरोप स्विकार्नु प-यो । अनि आरोपकर्ताले आजसम्म मौन बसेर यतिबेला मात्रै किन यो कुरा उठाए ? कतै उनी पनि काले काले मिलेर खाऊँ भालेमा त थिएनन् ? आशंका उब्जेको छ । मिथ्या आरोप लगाएको भए उनी पनि कारबाहीको दायरामा आउनुपर्छ ।

उनको आरोपमा केही पूर्वाग्रह पनि झल्किन्छ । राजनीतिक दाउपेचका लागि यस्ता आरोप लगाइने गरिएका छन्

उक्त आरोप चानेचुने छैन । सर्पको खुट्टा सर्पले नै देख्छ भन्ने उखान नै छ । कहाँ खाए ? कसरी खाए ? किन खाए ? सबै कुराको जानकार आरोेपकर्ता पक्कै छन् । बिनाजानकारी अर्काको चरित्रहत्या गर्न हुँदैन÷पाइँदैन भन्ने कुरा डा. भट्टराइलाई राम्रैसँग थाहा छ । फेरि यो चुनाबी मौसम पनि होइन । जनमत बटुल्नलाई अर्कोलाई आरोप लगाएर आफू चोखिन परोस् । यसैकारण यस कुराको गम्भीरतापूर्वक सत्यापन हुन जरुरी छ । सत्यतथ्य बाहिर ल्याउन जरुरी छ । विगतमा ७० करोडको आरोप प्रमाणित नहुँदै एक जना मन्त्रीले राजीनामा दिएका थिए । रोशनी प्रकरणमा न्यायालयले सफाइ दिए पनि तत्कालीन सभामुखको पद गुमेको गुमै भयो ।

इतिहासको लामो कालखण्ड बोकेको र आफ्नैै विरासत भएको नेपाली कांग्रेस पार्टी र त्यसका सभापति शेरबहादुर देउवाको आफ्नै इतिहास छ । विगतमा भट्टराई र प्रचण्ड एउटै पाटीमा रहेर काम गरेका परिवर्तनका लागि ज्यान हत्केलामा राखी टाउकाको मूल्य चुकाएका यी दुईजना सहयात्रीको एकताबिना गणतन्त्र सम्भव थिएन । १४ वर्ष जेल जीवन बिताएका, आफू पनि भ्रष्टाचार नगर्ने र अरूलाई पनि गर्न नदिने बाचा गरेका केपी ओलीको गणतान्त्रिक यात्रामा आफ्नै योगदान छ । यी सबै महत्वपूर्ण हस्तीहरूका लागि यी आरोप चानेचुने होइनन्, त्यो पनि खाइखेलेकै समकक्षीबाट लगाइएको छ । यसैकारण पनि यस मामिलामा वार कि पार हुनैपर्छ ।

सधैं सग्ला घाम हुँदैननः
भारतको छत्तीसगढ राज्यमा भाजपाका नेता डा. रमनसिंह निकै लोकप्रिय थिए । २००३ देखि लगातार १५ वर्ष शासन गरेका उनी लामो समयसम्म मुख्यमन्त्री पनि बने । २०७५ साल मंसिरमा भएको विधानसभा चुनावमा उनी भाजपाकै गढ मानिएको छत्तीसगढमा कांग्रेस आइसँग नराम्ररी पराजित भए । उनलाई भीआईपी प्रयोगका लागि हेलिकोप्टर खरिदमा अनियमितता गरेको, ग्लोबल टेन्डर गर्दा अर्बाैं रुपैयाँ घोटाला गरेको आरोप लगाइयो । उनीमाथिको आरोपलाई अदालतले त सफाइ दियो तर जनताको मनबाट सफाइ पाउन सकेनन् । अन्ततः गौंडो कुरेर बसेका जनताले आवधिक चुनावमा हराइदिए । चौथोपटक पुनः मुख्यमन्त्री बन्ने उनको सपना हेलिकोप्टर काण्डकै कारण चकनाचुर भयो ।

आरोप आरोपकै लागि सोच्दा यसले राजनीति गर्नेलाई कुनै पनि दिन घाटा पर्न सक्छ । यस्ता विषयमा यदि आरोपितहरू निष्कलंक छन् भने शक्तिशाली आयोग गठन गर्न चुक्नुहुँदैन । सफाइका लागि यो उनीहरूलाई एउटा महत्वपूर्ण अवसर पनि हो । होइन भने जनताले गौंडो कुरेर बसेका हुन्छन् । कुनै पनि दिन रमनसिंहको नियति नेताले पनि भोग्नुपर्ने हुन सक्छ ।

(Visited 206 times, 1 visits today)
Loading comments...

आजको समाचार

वर्तमान राजनीतिक अस्थिरताको जवाफदेहिता

प्रारम्भ नेपालको राजनीति अत्यन्त असहज बन्दै गयो ।संक्रमणबाट देशले मुक्तिपाउने अवस्था देखिँदैन । २०४६ सालपश्चात् सरदर एक वर्षमा एउटा सरकार बन्दैगएको छ । जनताको मतको...

जसपा विवादः महन्थको रिटमा अन्तरिम आदेश दिन अस्वीकार

काठमाडौं । सर्वोच्च अदालतले महन्थ ठाकुर पक्षले दिएको रिटमा अन्तरिम आदेश दिन अस्वीकार गरेको छ । पार्टीभित्रको विवाद निरुपणका लागि निर्वाचन आयोगले थालेको ‘हेडकाउन्ट’...

चुस्त र प्रभावकारी मन्त्रिमण्डलको खाँचो

प्रधानमन्त्री शेरबहादुर देउवाको नेतृत्वमा नयाँ सरकार बनेसँगै मन्त्री माग्नेहरूको थेगिनसक्नु भीड लागिरहेको छ । आफैंमा उदार स्वभावका प्रम देउवा र विभिन्न पार्टीहरूको जोडबलमा बनेको...

कमजोर नबनून् राजनीतिक दलहरू !

नेपालको संविधान २०७२ को प्रस्तावनामामुलुकले ‘जनताको प्रतिष्पर्धात्मक बहुदलीय लोकतान्त्रिक शासन प्रणाली’अँगाल्ने कुरा उल्लेख गरिएको छ । बहुदलीय प्रतिष्पर्धात्मक राज्य व्यवस्थामा आवधिक निर्वाचनको महŒवपूर्ण भूमिका...

साताका लोकप्रिय समाचार

ललिता निवास जग्गा प्रकरणः मुख्य बिचौलियासहित ३२ जना अझै फरार

काठमाडौं । बालुवाटारस्थित ललिता निवासको १ सय १३ रोपनी सरकारी जग्गा किनबेच गरेर भ्रष्टाचार मुद्दामा मुछिएका मुख्य बिचौलिया अझंै फरार रहेका छन् । फरार...

भक्तपुरको सल्लाघारी केन्द्रविन्दु भएर भूकम्प

  भक्तपुर ।   भक्तपुरको सल्लाघारी केन्द्रविन्दु भएर भूकम्प गएको छ । राष्ट्रिय भूकम्प मापन तथा अनुसन्धान केन्द्रका अनुसार भक्तपुरको सल्लाघारी आसपास केन्द्रविन्दु भएर ३.५ रिक्टर...

खोप अभियान : सार्क राष्ट्रमा नेपालको अवस्था सन्तोषजनक

  काठमाडौं । कोरोना महामारी प्रभावित देशमा कोरोनाविरुद्ध खोप अभियान जारी रहेकै बेला सार्क राष्ट्रभित्र खोप लगाउने सूचीमा नेपालको अवस्था सन्तोषजनक पाइएको छ । सार्क...

सामाजिक विभेदले खुल्दैनन् लैंगिक अल्पसंख्यक

  धनगढी । सुदूरपश्चिम क्षेत्रमा ७ हजार बढी लैंगिक अल्पसंख्यक समुदायका मानिस रहेको तथ्यांक सार्वजनिक भएको छ । मितिनी नेपाल सुदूरपश्चिम प्रदेशका फोकल पर्सन राज...

थप २,४४५ जनामा कोरोना संक्रमण पुष्टि, ३२ जनाकाे मृत्यु

  काठमाडाैं ।  पछिल्लो २४ घण्टामा थप २,४४५ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ७,८३३ जनामा गरिएको पीसीआर परीक्षणमा...

ट्रेन्डिङ

सत्ताइतरका दलहरुको छलफल आज

काठमाडौं । प्रमुख प्रतिपक्षी कांग्रेसले सरकारले ल्याएको ‘राजनीतिक दल र संवैधानिक परिषद्’ सम्बन्धी दुई अध्यादेश फिर्ताका लागि दबाब बढाउन सत्ताइतर दलसँग छलफल थाल्ने भएको...

नक्कली हवाई टिकट बेच्ने एनआरएनए पोर्चुगलका कोषाध्यक्ष निलम्बित

पोर्चुगल । गैर आवासीय नेपाली सङ्घ (एनआरएनए) पोर्चुगलले नक्कली हवाई टिकट बेच्ने सङ्घका कोषाध्यक्षलाई निलम्बन गरेको छ । सङ्घले नक्कली हवाई टिकट बेचेको घटना...

ई-पेपर

1

RAJDHANIDAILY VIDEO

प्रमुख

भर्खरै

छुटाउनुभयो कि?

(Visited 191 times, 1 visits today)