युएइ । इरोयल च्यालेन्जर्स बैंग्लोरलाई हराउँदै दिल्ली क्यापिटल्स इन्डियन प्रिमियर लिग आइपिएल अन्तर्गत गएराति सम्पन्न खेलमा दिल्ली क्यापिटल्ससँग पराजित भए पनि बैंग्लोर शीर्ष चारमा पुगेको छ । जितसँगै १४ खेलबाट १६ अंक जोडेको दिल्लीले तालिकाको दोस्रो स्थान पक्का गरेको हो ।
पराजित टोली बैंग्लोरले पनि शिर्ष चारमा रहँदै प्ले अफ्मा आफ्नो स्थान सुरक्षित गरेको छ । बैंग्लोर र कोलकाताको समान १४–१४ अंक भएपनि नेट रनरेटमा बैंग्लोरले कोलकातालाई उछिनेको छ ।
समुह चरणका खेल आज सकिँदैछ । अन्तिम खेलमा आज शीर्ष स्थानको मुम्बई इन्डियन्स र पाँचौ स्थानको सनराइजर्स हैदरावादबीच हुनेछ । यो खेलपछि कोलकाता र हैदरावादमध्ये एक टोली प्ले–अफ्मा पुग्नेछ । हैदरावादले कोलकताभन्दा राम्रो रनरेटमा मुम्बाइले पराजित गर्नुपर्नेछ ।
आबुधावीमा हिजो भएको खेलमा दिल्लीले बैंग्लोरलाई ६ विकेटले हरायो । टस हारेपछि व्याटिङको निम्तो पाएको बैंग्लोरले २० ओभरमा ७ विकेटको नोक्सानीमा १ सय ५२ रन बनायो ।
उसका लागि देवदत्त पाडिक्कलले ५० रन जोडे । जवाफमा १ सय ५३ रनको लक्ष्य दिल्लीले १९ ओभरमा ४ विकेटको क्षतीमा पुरा गर्यो । दिल्लीका लागि अजिन्क्या रहानेले ६० रन तथा शिखर धवनले ५४ रनको योगदान गरे । बलिङतर्फ बैंग्लोरका शहबाज अहमदले २ विकेट लिए ।
