Monday, May 17, 2021
Home बिचार मजबुत एकताका लागि नेतृत्वमा त्याग अनिवार्य

मजबुत एकताका लागि नेतृत्वमा त्याग अनिवार्य

कमीकमजोरीलाई स्वस्थ आलोचना र आत्मालोचनाको विधिबाट सच्याएर समाधान खोजिनुुपर्दछ 

,

समकालीन राजनीतिमा नेतृत्वको सफलता वा असफलताको मापन गर्ने आधार भनेको उसको लोकप्रियता हो । नेतृत्वको लोकप्रियताको मापन गर्नेे माध्यम जनअभिमत पनि हो । भर्खरै अमेरिकाको राष्ट्रपतिको निर्वाचनमा ट्रम्पको पराजय भएको छ । ट्रम्पको घमण्डीपन, अहंकारवादी प्रवृत्ति, अन्धराष्ट्रवादी चिन्तनका कारण विगतमा अमेरिकी सरकारले गरेका अन्तर्राष्ट्रिय सम्झौताबाट पछाडि हटने गतिविधि, उग्र जातिवादी चिन्तन, उग्र कम्यनिस्ट विरोधी रवैया र चीनसँगको व्यापार युद्ध तथा अमेरिका शक्ति सम्पन्न देश हुँदाहुँदै पनि कोरोना महामारीको बेला विश्व स्वास्थ्य संगठनप्रति निर्वाह गरेको गैरजिम्मेवार र असहयोगी भूमिका र आन्तरिक रूपमा पनि कोरोना नियन्त्रणका लागि सुरुवातदेखिको पहलकदमीमा उदासीनता र असफलता नै ट्रम्पको पराजयको मुख्य कारण रहेको छ । यसरी नेतृत्व कसरी असफल बन्न पुग्दो रहेछ भनेर अमेरिकाको हालैको निर्वाचनको ताजा उदाहरणबाट प्रस्ट भएको छ ।

समकालीन राजनीतिमा नेतृत्व समस्याग्रस्त बन्नमा मुख्यतः उसको नेतृत्व गर्ने भूमिकामा नै निर्भर गर्दछ । पार्टीभित्र पर्याप्त संवाद, छलफल गरेर मात्रै निर्णय गरिँदा यसले पारदर्शिता र दोहोरो सुचना प्रणाली स्थापित गर्न मद्दत पु¥याउँछ । तर पार्टीभित्र पर्याप्त छलफल र जानकारी गराएर निर्णय नगर्दा नेतृत्वले समस्या झेल्नुपर्ने स्पष्ट हुन्छ । प्रमुख प्रतिपक्षी पार्टी नेपाली कांग्रेसभित्र अहिले सभापति शेरबहादुर देउवा ठूलो विवादमा परेका छन् । झन्डै तीन दर्जन बढी विभाग र केन्द्रीय निकायमा १ हजारभन्दा बढी सदस्य पार्टीभित्र छलफलबिना नियुक्ति गरेकोे, नियुक्ति गर्दा पनि आफ्नो गुट नजिकका व्यक्तिलाई नियुक्ति गरेर आगामी महाधिवेशनमा आफ्नो पकड कायम गर्न विधानविपरीत मनोनयन गरिएको भन्ने विषयले नेपाली कांग्रेसभित्र ठूलो समस्या उत्पन्न गरेको छ । यसरी हेर्दा दोहोरो सूचना स्थापित गर्न असफल भएकै कारण देउवा समस्याग्रस्त बन्न पुगेको देखिन्छ ।

नेकपाभित्र उत्पन्न समस्या आन्तरिक रूपमा बैठक बसेर समाधान गर्नुको सट्टा पत्राचारको युद्धले नेकपालाई कता लैजान्छ भन्ने सर्वत्र चासो र चिन्ता प्रकट भएको छ

यस्तै आफ्नो नेतृत्वमा गरिएका कामको नेतृत्वले जब जवाफदेहिता लिँदैन र असफलता भए वा अलोकप्रियता भए अरूलाई देखाइदिने, पार्टीबाट सहयोग नभएको भनेर पन्छिने जुन प्रवृत्ति नेतृत्वमा रहन्छ, यसले नेतृत्वको जवाफदेहिता लिने कामबाट पछाडि हटेको स्वतः पुष्टि हुन्छ । यसैगरी नेतृत्वले काम गर्दा निस्वार्थ भएर काम गर्नको सट्टामा आफ्नो जिम्मेवारीको पदलाई जसरी पनि सुरक्षित राख्ने मनशायका साथ जब भूमिका निर्वाह गर्न थाल्दछ, तब उसले कुशलताका साथ भूमिका निर्वाह गर्न सक्तैन । पद र शक्तिको आशक्तिले गर्दा सबैको मन जित्ने तर्फभन्दा पनि पार्टीभित्र निश्चित झुन्ड स्वार्थ समूह श्रृजना गर्ने र यसैका आधारमा नेतृत्वमा टिकिरहने प्रवृत्तिले पनि प्रायः नेतृत्व समस्याग्रस्त बन्ने गरेको वा असफल हुने गरेको पाइन्छ ।

परिवर्तित परिवेशमा पार्टी, संगठनले लिनुपर्ने ध्येय, लक्ष्य निर्धारणमा नेतृत्वमा यथास्थितिवादी चिन्तन र दूरदृष्टि चिन्तनको अभाव, पार्टी संगठनका निर्णय कार्यान्वयनमा कमजोरी र संगठनभित्र अस्वस्थ गतिविधि, स्वेच्छाचारी कार्यशैली र असल कार्य संस्कृतिको अभावले नेतृत्वलाई असफलतातिर धकेलिदिन्छ । राजनीतिक नेतृत्वले माथि उल्लेख गरेझैं देखिएका कमीकमजोरी र प्रवृत्तिलाई हटाएर भूमिका निर्वाह गर्न सके मात्रै उसले सफलताका साथ नेतृत्व गर्न सक्छन्, अन्यथा नेतृत्वले सफलताका साथ भूमिका निर्वाह गर्न सक्दैन ।

सत्तारूढ पार्टी नेपाल कम्युनिस्ट पार्टी (नेकपा) भित्र पनि अहिले नेतृत्वको भूमिकाकै विषयलाई लिएर अन्तरसंघर्ष तीव्र रूपमा भइरहेको विषय बाहिर आएको छ । पार्टीभित्रको आन्तरिक मामला भए पनि सत्तारूढ पार्टी हुनुको नाताले पनि र पार्टीभित्र उत्पन्न समस्यालाई नेतृत्वले यथासमयमै आन्तरिक रूपमा आपसी छलफल परामर्श गरेर समाधान गर्न ध्यान नदिएका कारण पनि बाहिर छताछुल्ल रूपमा प्रकट भएका छन् । नेतृत्वबाट भएका कमी कमजोरी, आरोप प्रत्यारोप र नेतृत्वका अभिव्यक्तिले गर्दा पनि नेकपा विभाजनको डिलतिर पुगेको भनेर सञ्चारमाध्यममा छताछुल्ल पनि भएको छ ।
नेकपामा एकपछि अर्को गर्दै उत्पन्न भएको समस्या गत भदौ २६ मा सम्पन्न नेपाल कम्युनिस्ट पार्टीको स्थायी कमिटीको बैठकबाट समाधान भएको थियो । तर स्थायी कमिटीको वैठकले गरेका निर्णय कार्यान्वयन गर्नको सट्टामा पार्टीभित्र छलफल र सहमतिबिना विभिन्न नियुक्तिहरू भए ।

यसैगरी गुटबन्दी बढाउने कुनै पनि संस्थाका गतिविधि नगर्ने पार्टीको निर्णयविपरीत पार्टीका नेताको उपस्थितिमा मदन भण्डारी फाउन्डेसनलगायत स्पोर्ट एकेडेमीको ब्यानरमा विभिन्न कार्यक्रम गरेर पूर्वएमालेको छुट्टाछुट्टै भेला गर्ने र भेलामा पूर्वएमालेले अवलम्बन गरको जनताको बहुदलीय जनवाद (जबज)को औचित्यताबारे चर्चा गरेर पूर्वएमाले र जबजका अनुयायी एक हुनुपर्नेे विचार व्यक्त गरेका विषयले पार्टीभित्र विवाद उत्पन्न गर्न थप मद्दत पु-याएको देखिन्छ । दुवै पक्ष निरन्तर गुट भेलामा लाग्ने गरेकाले पनि समस्या अझै चर्किरहेको देखिन्छ ।

स्थायी कमिटीको बैठकले गरेको निर्णय कार्यान्वयन नै नगरिएपछि लामो प्रयत्नबाट ४० दिनपछि सचिवालयका पाँच जना सदस्यले सचिवालयको बैठक बस्न अध्यक्ष तथा प्रधानमन्त्रीलाई भेटेर नै पत्र लेख्नुपर्ने स्थिति उत्पन्न भयो । फेरि अध्यक्ष तथा प्रधानमन्त्रीले वैठक बोलाउन आग्रह गरिएको पत्रको प्रतिउत्तर स्वरूप पुनः अर्को अध्यक्षका नाममा पत्र लेखिएको छ । दुवै अध्यक्षले देखाएको यो प्रवृत्ति गलत छ र यसले विवाद समाधान गर्ने भन्दा पनि अझै बल्झाउने अवस्था सिर्जना भएको छ ।
यसरी पत्राचारको युद्धबीचमा २८ गते सचिवालयको बैठक सुरुवात भएको बैठकमा कार्यकारी अध्यक्षले पार्टी र सरकार सञ्चालनमा देखापरेका समस्यालाई छलफलका लागि प्रस्ताव पेस गरेका छन् । तर त्यस दिन ठोस छलफल नभइकन ३ मंसिरमा बैठक बस्यो । अध्यक्ष प्रचण्डले सचिवालयमा छलफलका लागि प्रस्तुत गरेकोे प्रस्तावलाई सचिवालय बाहिरबाट यो प्रस्ताव फिर्ता लिनुपर्ने, अन्यथा पार्टी एकता भंग हुने भनेर कतिपय नेताका भनाइ छ्यापछ्याप्ति रूपमा सार्वजनिक भए । यद्यपि अध्यक्ष प्रचण्डको सो प्रस्तावलाई अराजनीतिक प्रस्तावको रूपमा समेत चित्रण गरिएको छ ।

अध्यक्ष तथा प्रधानमन्त्रीबाट चाहिँ बैठकमा अब दुई अध्यक्षमध्ये एकजना हट्नुपर्ने ढंगले तिक्ततापूर्ण र आक्रोशपूर्ण अभिव्यक्ति दिएको विषय बाहिर आएको छ र उहाँको तर्फबाट पनि १० दिनपछि छुट्टै पत्र तयार गरेपछि मात्रै १३ मंसिरमा बैठक बस्ने भएको छ । दुवै अध्यक्षका यस्ता गतिविधिले एकतामा गम्भीर आच आउछ भन्नेमा उहाँहरू संवदेनशील बन्न जरुरी छ ।

यसरी नेकपाभित्र उत्पन्न समस्या आन्तरिक रूपमा बैठक बसेर समाधान गर्नुको सट्टामा पत्राचारको युद्धले नेकपालाई कता लैजान्छ ? भनेर सर्वत्र चासो र चिन्ता पनि प्रकट भएको छ । नेकपाले दुई तिहाइको जनमतका साथ सरकार सञ्चालन गरेको देशीविदेशी प्रतिक्रियावादी शक्तिले सहन गरिरहेका छैनन् । उनीहरूले नेकपाभित्र जे जसरी पनि विवाद उत्पन्न गराउन पर्दा पछाडिबाट भूमिका खेलिरहेका छन् । यसको पछिल्लो कडीको रूपमा एमसीसी सम्झौतालाई लिन सकिन्छ ।
साम्राज्यवादी एवं पुँजीवादीले सहयोग र अनुदानका नाममा एमसीसीजस्तो राष्ट्रिय हित र राष्ट्रिय सुरक्षामा गम्भीर आँच पुग्ने खालको सम्झौता गराएका छन् । अनि यस्तो राष्ट्रघाती सम्झौतालाई अनुमोदन गराउनको लागि वामपन्थी सरकारले नै संसद्मा अगाडि सारेपछि तथा सम्झौता कार्यान्वयन गर्ने थप सम्झौता गरेपछि झन् स्थिति गम्भीर बनेको छ । यो विषयलाई लिएर विगतको महाकाली सम्झौताझैं नेकपाभित्र बहस र विवादको विषय बनेको छ । तर पार्टीमा एमसीसीसम्बन्धी अध्ययन कार्यदलले दिएको सुझावअनुसार यो सम्झौता सुधार गर्न र गराउन र नागरिकता विधेयकलाई राष्ट्रिय हितअनुसार पारित गराउन सरकारले ध्यान दिएको छैन ।

यस्तै दुई पार्टीको एकताले द्वयअध्यक्ष प्रणालीको व्यवस्था र आलोपालो सरकारको नेतृत्व गर्ने निर्णय गरेको थियोे । तर पछिल्लो निर्णयले कार्यकारी अध्यक्षको व्यवस्था गरे पनि कार्यकारी अध्यक्षको काम कर्तव्य अधिकार र अध्यक्ष तथा प्रधानमन्त्रीको काम कर्तव्य र अधिकारको थप बेग्लाबेग्लै स्पष्ट नयाँ व्यवस्था हुन पर्दथ्यो । तर त्यसो नहुँदा अहिले एकजना अध्यक्षले नचाहदा वा सहमति नहुँदा पार्टीको वैठकनै नबस्ने, बैठक बस्न कमिटीका सदस्यदले निवेदन हाल्नुुपर्ने स्थिति उत्पन्न भएको छ । तोकिएको समयमा वा आवश्यक हुँदा सो अगावै जुनसुकै बखत बैठक बस्न जरुरी हुन्छ । बैठक नबसेका कारण नै पार्टी र सरकारले गरेका कामका कारण समस्या उत्पन्न भएका छन् । बाक्लो बैठक नबस्दा पार्टी एकताका बाँकी काम, सदस्यता नवीकरण र अभिलेखीकरण र महाधिवेशनको तयारी, कोरोना महामारी नियन्त्रण, राहत उद्धारमा सिंगो पार्टी पंक्ति परिचालन हुन सकेको छैन ।

नेकपाभित्रका उत्पन्न समस्या सैद्धान्तिक, वैचारिक, सांगठनिक, कार्यशैलीगत समस्याको रूपमा प्रकट भएका छन् । पार्टीभित्र आएका समस्या र प्रस्तावलाई पन्छाएर होइन, सैद्धान्तिक, वैचारिक, संगठनात्मक सिद्धान्त र सर्वाहाराकृत दृष्टिकोण र कार्यशैलीको आलोकमा छलफल, बहस गरी उत्पन्न समस्या समाधान गरेरमात्रै पार्टीले अग्रगति लिन सक्तछ । पार्टीको विधि पद्धतिका बारेमा मदन भण्डारीका विचार यतिबेला सान्दर्भिक पनि छन्, उहाँ भन्नुहुन्छ, ‘एउटा पार्टीमा प्रजातान्त्रिक आचारविधि छ भने विचारमा विविधता रहन्छ र पार्टीको निर्णय प्रक्रिया सकेसम्म एकमत प्राप्त गरेर गर्नुपर्दछ । हुँदैन भने बहुमत अल्पमत गरेर पनि निर्णय गर्ने प्रक्रिया अगाडि बढाउनुपर्दछ । जुनसुकै प्रजातान्त्रिक पार्टी यदि प्रजातान्त्रिक ढंगले चल्छ भने यो उसको स्वाभाविक कार्यशैली हो’ (मदन भण्डारी, संकलित रचनाहरू, भाग ६, पेज नं. १६६) ।

अतः नेकपाले अवलम्बन गरेको माक्र्सवादी लेनिनवादी मार्ग निर्देशक सिद्धान्तको आलोकमा पार्टी भित्रको समस्यालाई संघर्ष वा एकता–रूपान्तरणको विधि र पद्धतिलाई आत्मसात् गरिनुपर्दछ । पत्र लेखेर पेपरवार गरे र र टिभी र फेसबुकबाट आरोप–प्रत्यारोप गरेर समस्या समाधान हुँदैन । पार्टीभित्र उठेका समस्या समाधान गर्नको सट्टामा सस्तो लोकप्रियताका लागि नयाँ कुरा ल्याएर उठेका विषयलाई न्यूनीकरण गर्ने वा अर्कोतर्फ ध्यान मोडने खालका अभिव्यक्तिले पनि समस्या समाधान हुँदैनन् । बैठकभित्र उत्पपन्न समस्यामा पलेटी कसेर छलफल गर्न पर्दछ । बैठक समाप्त नभएसम्म भित्रका कुरा बाहिर छर्ने काम पनि गरिनुहुँदैन । निरन्तर बैठक सञ्चालन गरी समाधान गरेर मात्रै बाहिर आउने र ल्याउने काम गर्नु पर्दछ । यस सन्दर्भमा, पार्टीको जिम्मेवारी प्रदान गर्ने सम्बन्धमा, राष्ट्रिय सरोकारका विषयमा, एमसीसी, नागरिकता विधेयकलगायत सरकार सञ्चालनका क्रममा भए गरेका कमी कमजोरीलाई स्वस्थ आलोचना र आत्मआलोचनाको विधिबाट सच्याएर समाधान खोजिनुुपर्दछ ।

नेपाली क्रान्तिलाई पूर्णतामा पु-याउन समाजवादी क्रान्ति गर्नु अपरिहार्य छ । यो काम कम्युनिस्ट पार्टीको नेतृत्वमा मात्रै सम्भव छ । विगत ७० वर्षको संघर्ष, आन्दोलन र बलिदानको परिणामस्वरूप पार्टीले प्राप्त गरेको उपलब्धि, जनताको अपार माया र विश्वासलाई नेता विशेषको आग्रह, हठ र दम्भका कारण आन्दोलन र पार्टी एकतालाई कमजोर बनाउने काम गरिनुहुँदैन । पार्टीभित्र एकता कायम गर्नका लागि आवश्यकताअनुसार जुनसुकै त्याग गर्न पनि नेतृत्व तयार हुने क्रान्तिकारी मानसिकताका साथ नेतृत्वले भूमिका निर्वाह गर्नुपर्दछ ।

(Visited 116 times, 1 visits today)
Loading comments...

आजको समाचार

पत्रकार महासंघले दियो अस्पताललाई २० सिलिन्डर अक्सिजन

गुल्मी । नेपाल पत्रकार महासंघ, जिल्ला शाखा गुल्मीले तम्घास अस्पताललाई २० वटा अक्सिजनका सिलिन्डर प्रदान गरेको छ । शनिबार साँझ महासघंले अस्पतालका प्रमुख डाक्टर...

हो, मैले ओलीलाई भेटेँ, अझै पनि सहमतिको सरकार बनाउन सकिन्छ : बाबुराम

काठमाडौं । जनता समाजवादी पार्टीका संघीय परिषद् अध्यक्ष तथा पूर्वप्रधानमन्त्री बाबुराम भट्टराईले राष्ट्रिय सहमतिको सरकार निर्माणका लागि पहल गर्न प्रधानमन्त्री केपी शर्मा ओलीलाई भेटेको...

ठोरी गाउँपालिकाले बनायो अक्सिजनसहितको आइसोलेसन

  ठोरी, पर्सा । पर्साको ठोरी गाउँपालिकाले अक्सिजनसहितको आइसोलेसन बनाएको छ । गाउँपालिकाले ठोरी-४ घ्याङ डाँडामा कोरोना संक्रमणमा परेका नागरिकहरुलाई लक्षित गर्दै २० बेडको अक्सिजनसहितको...

पेट्रोल र डिजलको मूल्य बढ्यो, अब पेट्रोलको मूल्य प्रतिलिटर १२३

काठमाडौं । नेपाल आयल निगमले पेट्रोलियम पदार्थको मूल्यवृद्धि गरेको छ । निगमले आइतबार राति १२ बजेपछि लागू हुने गरी पेट्रोल, डिजल, मट्टितेल र हवाई...

बालिकालाई धान दिन्छु भन्दै घर लगे अनि यौन दुर्व्यवहार गरे

भक्तपुर । १२ वर्षीया बालिकालाई जबरजस्ती करणी गरेको अभियोगमा चाँगुनारायण नगरपालिका–५ छालिङ बस्ने ५२ वर्षीय भिम बहादुर बनलाई प्रहरीले पक्राउ गरेको छ । भिम बहादुरले...

साताका लोकप्रिय समाचार

प्रशासकीय कार्यविधिको स्तरोन्नति

सवारी कर तिरेर ब्लुबुक नवीकरण गर्न गएको भाइ कर तिर्नेको भीडमा तीन दिनसम्म उभिँदा पनि कर बुझाउन नसकेपछि रिसाउँदै ‘अब म मोटरसाइकल चढदिनँ’ कर...

बारामा अक्सिजन हाहाकार

बारा । बारामा अक्सिजनको कृत्रिम अभाव सिर्जना भएको छ । कृतिम अभाव भएपछि कोरोना संक्रमितका लागि अति आवश्यक पर्ने अक्सिजन हाहाकार भएको हो । जिल्लामा...

शुक्रराज अस्पतालमा किट अभावले पिसिआर टेष्ट रोक

काठमाडौं । शुक्रराज ट्रपिकल तथा सरुवा रोग अस्पतालमा किट अभावले पिसिआर परीक्षण रोकिएको छ । अस्पतालका निर्देशक डा सागरराज भण्डारीले किट अभावले आजदेखि पिसिआर...

कोरोना संक्रमणले वैदेशिक रोजगार व्यवसायी संघका अध्यक्ष गैरेको निधन

काठमाडौं । नेपाल वैदेशिक रोजगार व्यवसायी संघका अध्यक्ष विष्णुप्रसाद गैरेको कोरोना भाइरस संक्रमणका कारण निधन भएको छ । काठमाडौंको सिनामंगलस्थित काठमाडौं मेडिकल कलेजमा साँझ...

ओलीले ६ बुँदे सर्त मानेपछि हाम्राे वार्ता सुरू भयाे : नेपाल

काठमाडौं । एमाले वरिष्ठ नेता माधवकुमार नेपालले ६ बुँदे सर्तअनुसार पार्टी अध्यक्ष केपी शर्मा ओली अघि बढ्न तयार भएकाे बताउँदै ‘वार्ता थालिएको’ प्रस्ट पारेका...

ट्रेन्डिङ

सिम्रौनगढ नगरप्रमुखविरुद्ध उपप्रमुखसहित ८ वडाध्यक्ष

बारा । सिम्रौनगढ नगरपालिकामा नियमविपरित काम भइरहेको भन्दै उपप्रमुख रिमादेवी कुशवाहाले पत्रकार सम्मेलन गरी जानकारी गराएकी छन् । रानीवासस्थित वडा भवनमा पत्रकार सम्मेलन गर्दै...

संक्रमित कैदी आइसोलेसनबाट फरार

स्याङ्जा । कोरोना संक्रमण भएर अस्पतालमा उपचार गराइरहेका एक कैदी आइसोलेसनबाटै फरार भएका छन् । अर्जुनचौपारी गाउँपालिका–४ का २८ वर्षीय ती युवक भिरकोट नगरपालिकाको...

कविताले ल्याइन लक डाउनमा नयाँ गीत

काठमाडौं । गायिका कविता बलामीको आफ्नो स्वरमा नयाँ गीत ल्याएकी छिन् । उनले नयाँ गीत आकाशको कालो बादल’ श्रोतामाझ ल्याएकी हुन् । यो गीतमा...

बैंग्लोरसँग हैदरावाद १० रनले पराजित

अबुधावी । इन्डियन प्रिमियर लिग (आईपीएल) टि-२० क्रिकेटअन्तर्गत गएराति सम्पन्न खेलमा रोयल च्यालेन्जर्स बैंगलोरसँग सनराइजर हैदरवादसँग १० रनले पराजित भयो । दुबईमा भएको खेलमा...

पिसिआर परीक्षण नगरी भरतपुर अस्पतालबाट ६ जना संक्रमित डिस्चार्ज

नवलपुर । पूर्वी नवलपरासीका ३ जना र चितवनका ३ जना गरी ६ जना कोरोना संक्रमितलाई पुन पिसिआर परीक्षण नगरी डिस्चार्ज गरिएको छ । भरतपुर...

इटहरी खानेपानीमा थोरै कर्मचारीबाटै गुणात्मक काम

विवेक विवश रेग्मी, इटहरी । इटहरी ९ का बीजेन्द्र पौडेलले इटहरी खानेपानीबाट पानी पिउँन थालेको दश वर्ष बित्यो । त्यसअघि उनको परिवारले कलको पानी...

चीनका उच्च अधिकारीको टोली काठमाडौं आइपुग्यो

काठमाडौं । उत्तरी छिमेकी राष्ट्र चीनका उच्च अधिकारीको टोली काठमाडौं आइपुगेको छ । चिनियाँ कम्युनिष्ट पार्टीको अन्तर्राष्ट्रिय विभागका उपमन्त्री गुओ येचौ नेतृत्वको चार सदस्यीय टोली...

१५ दिनपछि बागमतीमा फोहोर पानी बग्दैन

काठमाडौँ । बागमतीमा दुर्गन्ध फैलने पानी धेरै बग्यो । तर खानेपानी मन्त्रालयले बागमतीमा सफा पानी बगाउने तयारी गरेको छ । ढिलोमा दुई साताभित्र पशुपतिनाथ क्षेत्रबाट...

चितवनमा काेराेना संक्रमणबाट मृत्यु हुनेकाे संख्या उच्च

चितवन ।  समग्र देशको तुलनामा चितवनमा कोभिड–१९ सङ्क्रमणका कारण हुने मृत्युदर उच्च पाइएको छ । अन्य जिल्लाबाट उपचारका लागि यहाँ आएर मृत्यु भएकालाई छाड्दासमेत...

सुनिल र एलिनाको ‘मसला’मा भट्टीमा आउने ग्राहकको कथा

काठमाडौं । लोकप्रिय लोकपप गायक सुनिल गिरीको नयाँ गीत मसला सार्वजनिक भएको छ । सुनिल र एलिना चौहानको स्वरमा सजिएको गीतमा पछिल्लो समय चर्चित...

बार्सिलोना फर्कने ओनानाको चाहना

मड्रिड । स्पेनिस क्लब बार्सिलोनाको एकेडेमीका हुर्किएका क्यामरुन तथा डच क्लब आयाक्सका गोलरक्षक आन्द्रे ओनानाले बार्सिलोना आफ्नो घर रहेको र क्लबले चाहेको अवस्थामा जुनसुकै...

अझै पनि हाजिर गर्छन् र टाप कस्छन् कर्मचारी

काठमाडौं । देशभरका सरकारी कार्यालयमा कर्मचारीले समय पालना नगरी कार्यालयको काममा चरम ठगी गरेको पाइएको छ । अहिले पनि कतिपय सरकारी कार्यालयमा हाजिर गर्ने...

ई-पेपर

RAJDHANIDAILY VIDEO

प्रमुख

भर्खरै

छुटाउनुभयो कि?

(Visited 156 times, 1 visits today)